( රංජිත් රාජපක්‍ෂ )    
 
කාසල්රි ජලාශයට ජලය ගලා බසින කෙසෙල්ගමු ඔය රක්‍ෂිතයේ අනවසරෙන් මැණීක් ගෑරු බව කියන පස් දෙනෙකු අද (16) සැකපිට අත්අඩංගුවට ගත් බව බගවන්තලාව පොලිස් ස්ථානාධිපති ප‍්‍රධාන පොලිස් පරික්‍ෂක කේ.සි ධර්මපි‍්‍රය මහතා පවසයි.

මෙම ජාවාරම්කරුවන් පිරිස විශාල පරිසර හානියක් සිදුකරමින් බගවන්තලාව ටින්සින් ප‍්‍රදේශයේ කෙසෙල්ගමු ඔය රක්‍ෂිතයේ ඉවුරු ඛාදනයට වගා කර ඇති උණ පදුරු අසල සහ ඒ අසල තේ පදුරු ගලවා මෙලෙස මැණික් ගරා ඇතැයි පොලිසිය පවසයි.

මේ සදහා යොදාගත් උපකරණ රැසක්ද පොලිසිය අත්අඩංගුවට ගෙන ඇත.මැණීක් ඉල්ලම් ගොඩ ගෙන එම ඉල්ලම් පස් කෙසෙල්ගමු ඔයට සොදා ඇති බවද පොලිසිය කියයි.  

සැකකරුවන් පොලිස් ඇප මත මුදාහැර ඇති අතර ඔවුන්ට එරෙහිව හැටන් මහේස්ත‍්‍රාත් අධීකරණයේ නඩු පවරන බවද පොලිසිය ප්‍රකාශ කරයි.