සෞදි මාධ්යවේදී ජමාල් කෂෝග්ජිගේ ඝාතනය සම්බන්ධයෙන් අනුමැතිය දුන් බව කියන එරට ඔටුන්න හිමි මුහම්මද් බින් සල්මාන් කුමරුට ප්රමාද නොකර දඩුවම් පමුණුවන්නැයි, කොෂෝග්ජිගේ පෙම්වතිය වන හැටිස් සෙන්ගිස් මෙනෙවිය ප්රකාශ කරයි.
ලැබී ඇති ඇමෙරිකානු බුද්ධි වාර්තා අනුව, සල්මාන් කුමරු එම ඝාතනයට සිය අනුමැතිය පළකර ඇතැයි තහවුරු වී තිබේ.
වොෂින්ටන් පෝස්ට් පුවත්පතේ තීරු ලිපි රචකයකු වූ ජමාල් කෂෝග්ජි, සවුදි අරාබියේ ඔටුන්න හිමි සල්මාන් කුමරු සම්බන්ධයෙන් දැඩි විවේචනාත්මක අදහස් දැරුවේය. සවුදියේ සිදුවෙන දේශපාලන පළිගැනීම්, ඝාතන සම්බන්ධයෙන් ඔහුගේ විරෝධය සල්මාන් කුමරු වෙත එල්ල විය.
වර්ෂ 2018 ඔක්තෝම්බර් 2 වන දිනයේ ඉස්තාන්බුල්හි පිහිටි සෞදි තානාපති කාර්යාලයේදී, කෂෝග්ජි කෲර ලෙසින් ඝාතනය කෙරිණි. සෞදි රජයේ ඉහළ ම තනතුරු හා සම්බන්ධතා පවත්වන පිරිසක් විසින් මෙම ඝාතනය කරන ලදැයි රජයට ද චෝදනා එල්ල විය.
ඉකුත් සිකුරාදා දිනයේදී ඇමෙරිකානු බුද්ධි වාර්ථා අනාවරණය කළේ, එම ඝාතනය සල්මාන් කුමරුගෙ අනුමැතියට යටත්ව සිදුව ඇති බවයි. කෙසේවෙතත් සවුදි රජය විසින් මෙය ප්රතික්ෂේප කරන ලදී.
"සවුදියේ ඔටුන්න හිමි සල්මාන් කුමරුට තවත් ප්රමාද නොකර දඩුවම් හිමි විය යුතුයි. ඔහුට දඩුවම් නොදුන්නොත් එයින් අදහස් වෙන්නෙ, වැරැද්දක් කළයි ඔප්පු වුණු අපරාධකරුවෙක්ට පහසුවෙන් තමන් කළ චෝදනාවෙන් ඉවත්වෙලා යන්න පුලුවන්ය කියන සදාතනික බයානක පණිවිඩයයි. එවැන්නක් වීම අපි හැමෝටම තර්ජනයක්" යැයි සෙන්ගිස් මෙනෙවිය සදහන් කළාය.
(රොයිටර්)
6844
කොස්ලන්ද මීරියබැද්ද ප්රදේශයේ පුද්ගලයෙකු නිවසේ දී ගින්නකට හසු වී අද (11) ජීවිතක්ෂයට පත්වී ඇති බව කොස්ලන්ද පොලීසිය පැවසීය.
කොත්මලේ බස් අනතුරින් තුවාල ලැබූවන් සුවපත් කර ගැනීම සඳහා හැකි උපරිමයෙන් දායකත්වය ලබා දෙන්නැයි ජනාධිපති අනුර කුමාර දිසානායක මහතා ප්රදේශයේ රෝහල් වලටත
වෙසක් පුර පසළොස්වක පෝය දිනය නිමිත්තෙන් බන්ධනාගාර ගත රැඳවියන්ට විවෘතව අමුත්තන් බැලීම සඳහා (OPEN VISIT) මැයි මස 12 හා 13 විශේෂ අවස්ථාවක් ලබාදීමට බන්ධනාගාර දෙ
2025 රාජ්ය වෙසක් මහෝත්සවය වෙනුවෙන් සිද්ධස්ථාන දෙකක් පූජා භූමි ලෙස ප්රකාශයට පත් කර තිබේ.
රාජ්ය වෙසක් දින උත්සව සැමරුම සඳහා සිංහල, දෙමළ සහ මුස්ලිම් සියලු ජනතාව එකාවන්ව සහභාගී වී සිටීම විශේෂත්වයක් විය.
ගිනි අවියකින් අහසට වෙඩි තබා අසල්වාසී පුද්ගලයකුට මරණීය තර්ජනය කළ සැකකරු අත්අඩංගුවට ගත් බව ගල්කිස්ස මූලස්ථාන පොලිසිය කියයි.
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
කශෝග්ජි ඝාතනයට සෞදි කුමරුට දඩුවම් කරන්න ප්රමාද වෙන්න එපා
සමිත සේනක අලුත්ගමගේ. Monday, 01 March 2021 01:23 PM
නව ලෝකයක් බිහිකිරීමට ගොස් තම ජීවිතයෙන් වන්දි ගෙවීමට සිදුවූ අභීත මාධ්යවේදියාට සැමගේ උපහාරය...!!! තම ජාතියේ .., තම වර්ගයාගේ.., තම රජුගේ වුවද, වරද හා අසාධාරණකම් ඉදිරියේ නොබියව සටන් වැදුණු මේ උදාර පුරුෂයා අන්තවාදී ලෙස සිතන ඇතැම් මුස්ලිම්වරුන්ට ආදර්ශයක්... දේශපාලකයන් වන්දනාමාන කොට, ගැත්තන් සේ ඔවුන් සරණ ගොස් සියලු සැප ලබනා ඇතැම් මාධ්යකරුවන්ටත් ඔහු අගනා ආදර්ශයක්... මෙවැනි වීරයන් මිය යනුයේ ශරීරයෙන් පමණි. සල්මන් රුෂ්ඩි ද මෙවන් අභීත මිනිසෙකි.
NuwanMonday, 01 March 2021 02:04 PM
තස්ලිමා නස්ලින් තවත් නිර්භීත ලේඛිකාවක්...!!!
KalumTuesday, 02 March 2021 06:31 AM
ඔව් අපේ රටේ ඇතැම් ස්වාමීන් වහන්සේලා කොයිතරම් රජයට කඩේ යනවද කියලා බැලුවාම මේ වගේ ශ්රේෂ්ඨ මාධ්යෙව්දීන්ට අපි ගරු කරන්න ඕනේ..
RaveendraTuesday, 02 March 2021 06:40 AM
ඔබගේ අදහස් ඉතාමත්ම නිවැරදියි.
Hafeel Monday, 01 March 2021 01:59 PM
සෞදි අරාබියාවේ නීතිත්, මේ රටේ නීතිත් එක වගේ තමයි ක්රියාත්මක වෙන්නෙත්...
sharm warnFriday, 05 March 2021 05:13 AM
මෙහෙත් එහෙ වගේ වෙන්න තමයි ගස්, කොළන් එහෙම විනාශ කරලා සැලසුම් කරගෙන යන්නේ. හරිම ප්රීතියි.
අමිල Monday, 01 March 2021 05:41 PM
මරණය නියත බව දැන සිය වගකීම ඉටුකළ ප්රගීත්, ලසන්ත ඝාතකයින්ටත් දඬුවම් ලබා දෙනු...!!!
මුණසිංහ Tuesday, 02 March 2021 02:25 AM
ලංකාවට එරෙහිව ක්රියාත්මක වන සංවිධාන මෙතනදී කෝ...?
sharm warn Friday, 05 March 2021 05:14 AM
එතකොට එයාගේ මානව හිමිකම් වෙනුවෙන් ජිනීවා යන්න කට්ටිය නැද්ද? මම අහන්නේ ඔය බටහිර රටවල නටන එන්.ජී.ඕ. කාරයින් ගැන..