IMG-LOGO

2025 ජුලි මස 19 වන සෙනසුරාදා


කොටි තිදෙනාට එරෙහි නඩුව අනුරාධපුරයෙන් වව්නියාවට

(උපාලි ආනන්ද)
 
කොටි සංවිධානයේ හිටපු ප‍්‍රබල සාමාජිකයින් තිදෙනකුට එරෙහිව අනුරාධපුර මහාධිකරණයේ පවතින නඩුව යළි වව්නියාව මහාධිකරණයට යොමු කරන ලෙස අභියාචනාධිකරණය අනුරධපුර අංක දෙක මහාධිකරණයේ   විනිසුරු  ගියාන් චන්ද්‍ර රණවක මහතා නියෝග කළේය. 

නාවික හමුදා සෙබලූන් 18 දෙනෙකු  සහ යුද හමුදා සෙබලූන් 8 දෙනෙකුට වෙඩි තබා ඝාතනය කිරිමේ සිද්ධිය සම්බන්ධයෙන් මොවුනට එරෙහිව ඇති චෝදනාව වේ. 

මෙම පෙත්සම ප්‍රිති පද්මන් සූරසේන සහ ශිරාණි ගුණරත්න යන ද්වි පුද්ගල අභියාචනාධිකරණ විනිසුරු මඩුල්ලක් හමුවේ සළකා බැලීමෙන් පසුව මෙසේ නියෝග කෙරිණි.

මෙම  නඩුව වව්නියාව මහාධිකරණයේ සිට අනුරාධපුර අංක දෙක මහාධිකරණයට මාරු කිරීමට විරෝධය පල කරමින් මෙම කොටි විත්තිකරුවන් දෙදෙනා අනුරාධපුර බන්ධනාගාරය තුළ මීට පෙර ආහාර වර්ජනය කරමින් විරෝධතාවයක ද නිරත වූහ. 

වාලච්චේන දිසා විනිසුරු සහ මහේස්ත‍්‍රාත් ඒ එම් එම් රියාල් යුද හමුදා මේජර් ඩී කසුන් ත‍්‍රස්ත විමර්ශන කොට්ඨාසයේ පොලිස්  පරික්ෂකවරුන් වන හේමචන්ද්‍ර සහ රවින්ද්‍ර උප පොලිස් පරික්ෂකවරුන් වන ප‍්‍රභාත් සහ සුබේර් සහ කාන්තා පොලිස් පරික්ෂිකා නදීෂා යන මහත්ම මහත්මීන් ඇතුලූ පිරිසක් නඩුවේ සාක්කිකරුවන් ලෙස නම් කරනු ලැබ සිටිති. 



අදහස් (3)

කොටි තිදෙනාට එරෙහි නඩුව අනුරාධපුරයෙන් වව්නියාවට

siri Tuesday, 20 March 2018 09:01 AM

හෙට අනිද්දට කියාවි වවුනියාව නෙමේ, යාපනයේ ඕනෙයි කියා.? ආහාර වර්ජනය කලොත් හැමෝටම මේ වගේ දෙයක් කරාවිද? එසේ කලොත් හැමෝම විවිධ ඉල්ලීම් කරයි නේද? මම නීතිය ගැන නම් දන්නේ නැහැ. එත් මට හිතෙනේ "තැලෙන යකඩේ දැක්කහම උඩ පැන පැන තලනවා "කියලයි.

:       0       48

Neelaka Tuesday, 20 March 2018 10:13 AM

හෙට අනිද්දට කියාවිද දන්නෑ බන්ධනාගාරෙන් පලාගියා කියලා.

:       0       51

Hafeel Wednesday, 21 March 2018 07:45 AM

උතුරේ කොටි ඉල්ලීම් කරනවා තමන් කියන අධිකරණයේ තමන්ගේ නඩු විබාග කරන්නයි කියමින්. දකුණේ අපරාධ කරුවන් ඉල්ලීම් කරනවා තමන්ගේ නඩු අහවල් විනුසුරු ඉදිරියේ විබාග නොකොරන්නයි, තමන්ව අත්අඩංගුවට නොගන්නැයි, තමන්ට එරහිව තියන පරීක්ෂනවල් අත් හිටුවන්නයි කියමින්. බලනකොට දෙගොල්ලම එකයි. වෙනසක් නැහැ.

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 406 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 568 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 233 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site