අමදෝරු අමරජීව
 
රුපියල් කෝටියකට අලෙවි කිරිමට සුදානම් කර තිබූ  වාමාවෘත්ත වාලම්පුරියක් සමඟ සැකකරුවන් හතර දෙනෙකු අද (02) දහවල් අත්අඩංගුවට ගත් බව ත්‍රිකුණාමලය පොලිසිය කියයි.
 
මූලස්ථාන ප්‍රධාන පොලිස් පරික්ෂක  දුමින්ද රාජපක්ෂ මහතාට ලද තොරතුරකට අනුව ත්‍රිකුණාමලය ඕර්ස්හීල්  කෙසෙල් තුඩුව පාරේදි  මෙම වැටලිම සිදුකළ අතර  සැකකරුවන් පැමිණි  වැන් රථයද අත්අඩංගුවට  ගැනීමට හැකිවි තිබේ.
 
සැකකරුවන්  අතර   කාන්තාවකද සිටින අතර ඔවුන් කින්නියා මුතුර් හා ත්‍රිකුණාමලයේ පදිංචිකරුවෝ වෙති.
වාලම්පුරියේ දිග අගල් 15ක් වන අතර එය පොලිස් අත්අඩංගුවට පත්වන අවස්ථාවේ එහි   සිටින බෙල්ලා සජීවිව සිට ඇති අතර පසුව මියගොස් තිබේ. සැකකරුවන් මෙම වාලම්පුරිය රෙජිපෝම් පෙට්ටියක බහා  අයිස් දමා තිබිනැයි පොලිසිය කියයි.
 
මෙය  “ටර්බිනෙල්ලා පයිරම්“  යන විද්‍යාත්මක නාමයෙන් හදුන්වන   දුර්ලභ ඝණයේ වාලම්පුරියක්    මෙය පරික්ෂා කළ ධීවර පරික්ෂකයන්ගේ නිගමනය වි තිබේ. 1996 අංක 02 දරණ ධීවර හා ජලජ පනතෙන් මෙවැනි වාලම්පුරි සන්තකයේ තබාගැනිම , ප්‍රවාහනය කිරිම තහනම් බව පොලිසිය පැවසීය.
 
පොලිසිය වැටලිම් සිදුකරන අවස්ථාවේ මෙම වාලම්පුරිය මිලදි ගැනිමට ගැනුම් කරුවන් හයදෙනෙකු  පැමිණ ඇතැයි  කියති.