2022 ජනවාරි මස 18 වන අඟහරුවාදා
( තිළිණි ද සිල්වා)
ඕස්ටේ‍්‍රලියා විදේශ කටයුතු අමාත්‍ය ජූලි බිෂොප් මහත්මිය දෙදින නිල සංචාරයක් සඳහා හෙට(19) ශ්‍රී ලංකාවට පැමිණීමට නියමිතය.
කලාපීය වශයෙන් දෙරට අතර ද්විපාර්ශික සබඳතා වර්ධනය කර ගැනීම, ආර්ථික හා ආරක්ෂක සහයෝගීතාවය වර්ධනය කර ගැනීමේ අරමුණෙන් ඕස්ටේ‍්‍රලියා විදේශ කටයුතු අමාත්‍යවරිය දිවයිනට පැමිණෙන බව එරට විදේශ කටයුතු අමාත්‍යාංශ නිල වෙබ් අඩවියේ සඳහන් කර ඇත.
මෙරට රැඳී සිටින කාලයේ ජූලි බිෂොප් මහත්මිය ජනාධිපති මෛත‍්‍රීපාල සිරිසේන මහතා හමුවී විශේෂ සාකච්ඡා පැවැත්වීමට නියමිතය. ශ්‍රී ලංකාවේ ප‍්‍රතිසන්ධාන ක‍්‍රියාවලියේ ප‍්‍රගතිය හා ආරක්ෂාව පිළිබඳව මෙහිදී අවධානය යොමු කරනු ඇතැයි වාර්තා වේ.
එහිදී ජනාධිපති මෛත‍්‍රීපාල මහතා සහ ඕස්ටේ‍්‍රලියා විදේශ කටයුතු අමාත්‍යවරිය විසින් ඕස්ටේ‍්‍රලියා සහයෝගය යටතේ ලංකාවේ ඩෙංගු උණ මර්දනය කිරීමේ වැඩපිළිවෙළද ක‍්‍රියාත්මක කිරීමට අපේක්ෂා කරන බවද ඕස්ටේ‍්‍රලියා විදේශ කටයුතු අමාත්‍යාංශය නිවේදනය කර සිටී.
