අංජුල මහික වීරරත්න

 

කොළඹ ගාලුමුව දොර ෂාන්ග්‍රිලා තරු හතේ හෝටලයේ කාමර 15 ක් වෙන් කරවා ගෙන නව ආණ්ඩුවක් ප්‍රකාශයට පත් කිරිමට ඒකාබද්ධ විපක්ෂයේ සිහිනය උද්ඝෝෂණය අසාර්ථවීමත් සමඟ බිදීගිය බව ස්වදේශ කටයුතු අමාත්‍ය වජිර අබේවර්ධන මහතා ප්‍රකාශ කළේය.

රාජපක්ෂ රජය චීනයට විකුණු ආරක්ෂක අමාත්‍යාංශයට අයත් ගාලුමුවදොර පිටිය ඉදිරිපිට ඉඩමේ ඉදිකර ඇති ෂැන්ග්‍රිලා හෝටලයට අමතරව හිල්ටන් හා ටාජ් සමුද්‍රා යන හෝටල්වල කාමර 3 බැගින් වෙන් කරවාගෙන නව ආණ්ඩුව පිහිටුවීමට සැලසුම්කර තිබු බව වජිර අබේවර්ධන මහතා කීවේය.

වසර 9 ක් මුළුල්ලේ හොරකම් කළ සල්ලි වියදම් කර නායකයින් තරු හතේ හෝටල් කාමර වෙන් කරවාගෙන කරන්න සැලසුම් කළ සියළු වැඩ උද්ඝෝෂණය අසාර්ථකත්වය මත කඩා වැටුණු බවද අමාත්‍යවරයා සඳහන් කළේය.

ඒකාබද්ධ විපක්ෂයේ උද්ඝෝෂණය සම්පුර්ණයෙන්ම අසාර්ථක වීමෙන් පෙන්නුම් කෙරුණේ බැසිල් රාජපක්ෂ නොමැතිව පොහොට්ටුවටත් ඒකාබද්ධ විපක්ෂයටත් ගමනක් නැති බව ද අමාත්‍ය වජිර අබේවර්ධන මහතා කීවේය.