(ඩයනා උදයංගනී)

එක්සත් ජනතා නිදහස් සන්ධානයේ භාණ්ඩාගාරික ධූරය සදහා පාර්ලිමේන්තු මන්ත‍්‍රී දුමින්ද දිසානායක මහතා පත්කරනු ලැබ තිබේ.

මීට පෙර එම ධූරයේ කටයුතු කරනු ලැබුවේ අනුර ප‍්‍රියදර්ශන යාපා මහතා වන අතර ඔහු මේ වන විට ශ්‍රී ලංකා පොදුජන පෙරමුණ හා එක්ව කටයුතු කරමින් සිටී.

එක්සත් ජනතා නිදහස් සන්ධානයේ විධායක සභාව එහි සභාපති, ජනාධිපති මෛත‍්‍රීපාල සිරිසේන මහතාගේ ප‍්‍රධානත්වයෙන් රැස්වූ අවස්ථාවේදී දුමින්ද දිසානායක මහතා එම තනතුරට පත්කෙරුණු බව ශ්‍රී ලංකා නිදහස් පක්‍ෂයේ මාධ්‍ය ප‍්‍රකාශක වීරකුමාර දිසානායක මහතා පැවසීය.

පාර්ලිමේන්තු මන්ත‍්‍රී දුමින්ද දිසානායක මහතා ශ්‍රී ලංකා නිදහස් පක්‍ෂයේ ජාතික සංවිධායකවරයා ලෙස ද කටයුතු කරනු ලබයි.