‘උමා ඔය සහන කමිටුවට සිර දරඬුවම් ලැබූවෙක්‘ - කැෆේ

විනීතා එම් ගමගේ

උමා ඔය විපතට පත්වූවන් සඳහා සහන සැපයීම් කාර්යාලයේ ප්‍රධානියා ලෙස පත් කර ඇත්තේ නිල්ගල වන සංහාරයට අධිකරණය මඟින් මාස හයක සිර දඬුවම් නියම වූ තැනැත්තෙකු යැයි ශ්‍රී ලංකා මානව හිමිකම් කේන්ද්‍රය සහ කැෆේ සංවිධානය චෝදනා කරයි.

කැබිනට් තීරණයක් අනුව පත් කර ඇති මෙම කාර්යාලයේ ප්‍රධානියා 1999 නිල්ගල වන සංහාරය පිළිබඳව ලංකා දණ්ඩ නීති සංග්‍රහයේ 322 වගන්තිය සමඟ කියැවෙන කැලෑ ආඥාපනත යටතේ බිබිල මහේස්ත්‍රාත් අධිකරණයෙන් දඬුවම් නියම වූ අයකු යැයි ද, ඔහුට දඬුවම අවසන් වූයේ ඉකුත් වසරේ නොවැම්බරයේ දී යැයි ද කැෆේ සංවිධානයේ විධායක අධ්‍යක්ෂ කීර්ති තෙන්නකෝන් මහතා පැවැසීය.

මෙම පුද්ගලයා දඬුවම අවසන් වීමෙන් පසු ඌව පළාත් රාජ්‍ය සේවා කොමිෂන් සභාවේ සභාපතිවරයා ලෙස පත්කෙරුණු අතර ඒ පිළිබඳ දූෂණ විරෝධී පෙරමුණ විසින් පළාත් ආණ්ඩුකාරවරයාට පැමිණිලි කිරීමෙන් පසු ඉල්ලා අස් වූ බවත් තෙන්නකෝන් මහතා කීය.

මෙවැනි තත්ත්වයක් යටතේ සහන කාර්යාලයේ ප්‍රධානියා ලෙස මෙවැනි පුද්ගලයෙකු පත්කිරීමෙන් උමා ඔය බහු කාර්ය ව්‍යාපෘතියෙන් අගතියතට පත් ජනතාවට සහන සැලසේ දැයි ප්‍රශ්නයක් මතුවන බව ද හෙතෙම සඳහන් කළේය.

අදහස් (4)

‘උමා ඔය සහන කමිටුවට සිර දරඬුවම් ලැබූවෙක්‘ - කැෆේ

shan saudi Sunday, 09 July 2017 12:58 PM

නුසුදුසු දේසපාලකයින් උසස් තානාන්තරවලට පත් කිරීම පසුගිය රජයේ මෙන්ම මෛත්‍රිපාල ජනපතිතුමා යටතේද යහමින් කරගන යනබව හොඳින් පැහැදිලියි. ලෝකෙට කීවට මේ කවුරුත් ජනතාව ඉදිරියේ රඟපාන බව හොඳට පේනවා. හැමෝම ඇවිත් ඉන්නේ තමන්ගේ සාක්කුව පුරවගෙන යන්න බව පේනවා.

: 1 536

ධම්ම Sunday, 09 July 2017 02:26 PM

හිරේ ගිය අයටත් පාර්ලිමේන්තු යන්න පුළුවන් නම් සහන කමිටුවකට බන්දා ගත්තාම මොකද වෙන්නේ...?

: 10 80

ravin Monday, 10 July 2017 01:46 AM

හොරු !!! හොරු !!! බලනකොට හොරුන්ටම තමා " ආයු බෝ වේවා කියන්නේ ". හොරුන්ට නීතියත් විහිළුවක් අධිකරණයත් විහිළුවක්.

: 0 88

Nandalal DE SILVA - France Monday, 10 July 2017 10:46 PM

මෙවැනි වගකීමක් තිබෙන තනතුරකට පත් කරපු පුද්ගලයා ගැන කෙටි විමර්ශනයක් හෝ කර නොමැති බව මේ පුවතින් හෙළි වෙනවා. කවුද මේ අශීලාචාර පත්වීම කරේ ? " සකල සිරින් පිරි සිරි ලංකාවේ" හැර ලෝකයේ වෙන මොන රටේද හිරේ ගියපු අයටත් මෙවැනි ලොකු පත්වීම් දෙන්නේ ? මා පදිංචි මෙරටේ ඕනෑම රැකියාවක් සඳහා බඳවා ගන්නා කෙනෙකුගෙන් "පිරිසිදු" පොලිස් වාර්තාවක් ඉල්ලා සිටීමට ස්වාමියට බලයක් තිබේ. නමුත් එය හැම ස්ථානයකම ක්‍රියාත්මක කරන්නේ නැත. රජයේ හෝ වෙනත් ආයතනයක භාරදුර හෝ විශාල වගකීම් දරන සේවකයන් පමණක් මේ ලියවිල්ල අනිවාර්යයෙන්ම ඉදිරිපත් කල යුතු වෙනවා. මොකොද අපේ ශ්‍රී ලංකාවේ මෙවැනි නීති නැත්තේ ?

: 0 0