(දයාරත්න ඇඹෝගම)
 
දකුණේ  ඉදගෙන අපිට  සංහිදියාව ගැන උගන්වන ඒ ගැන  උස් හඩින් බෙරිහන් දෙන පාලකයන්  උතුරු පළාත් අධ්‍යාපන ඇමැති ජාතික කොඩියට නිගා කිරීම පිළිබඳව වචනයක් කථා කරන්නේ නැති බවත් මේ සම්බන්ධයෙන් වහාම රජය ප්‍රකාශයක් කළ යුතු යැයි උතුරු හා උතුරු මධ්‍යම දෙපළාතේ ප්‍රධාන සංඝනායක අනුරාධපුර ශ්‍රී සම්බුද්ධ ජයන්ති විහාරාධිපති ආචාර්ය නුගේතැන්නේ පඤ්ඤානන්ද හිමියෝ අද (17)  පැවසුහ.
 
උතුරේ  පාසලක් තුළ පාසල් සිසුන් ඉදිරිපිට දී පළාත් අධ්‍යාපන ඇමැතිවරයකු  ජාතික කොඩියට අවමන් කළ සිදුවීම පිළිබඳව විශේෂ ප්‍රකාශයක් කරමින් මේ බව සඳහන් කළ උන්වහන්සේ මෙසේද පැවසිය.
 
මෙම ක්‍රියාව අපි පිළිකුල් සහගත ලෙස හෙළා දකිනවා. ශ්‍රී ලංකා ආණ්ඩුක්‍රම ව්‍යවස්ථාව අනුව දිවුරුම් දී රාජ්‍ය මුදල් වලින් පඩි ලබමින්, දීමනා ලබමින්.ඉන්ධන සමඟ වාහන භාවිතා කරමින්  මෙසේ හැසිරෙන්න කිසිම ජගතකුට බැහැ. පසුපසු ගිය කාලේ සිංහල බෞද්ධ කොඩියට ,ජාතික කොඩියට අවමන් කිරීම් පිළිබඳව මහ හඬක් නගපු අය මේකට නිහඩ වෙලා.මේක නරක පුරවාදර්ශයක් මේ රට තවදුරටත් කොහාටද යන්නේ.දැන් සිංහල ජනතාව අවදි වෙලා ඉන්නේ. ලෝකයේ කිසිම රටක මෙවැනි දේ සිදුවන්නේ නැහැ. ත්‍රස්තවාදීන් පවා රටේ ජාතික කොඩියට ගරු කරන්න දන්නවා වුණත් මාතෘ භූමියට ගරු කරනවා යැයි උන්වහන්සේ පැවසුහ.