ශ්‍රී ලංකා-ඉන්දියා නාවික හමුදා අතර පවතින සහයෝගීතාව පිළිබිඹු කරමින් ඉන්දියානු නාවික හමුදාව ශ්‍රී ලංකාවේ වැලිගම මුහුදු බොක්ක හා දකුණු මුහුදු තීරය ආශ්‍රිතව ඒකාබද්ධ ජලමාන සමීක්ෂණයක් පවත්වා ඇත. මාස දෙකක් පුරා කරන ලද මෙම සමීක්ෂණයෙන් නාවික සැතපුම් 7000 ක පමණ ජලමාන සමීක්ෂණ දත්ත එකතු කර තිබේ.

එම දත්ත වාර්තා කොළඹ පැවති විශේෂ උත්සවයකදී ශ්‍රී ලංකා නාවික හමුදාවට භාර දී තිබේ. 
“මෙම ප්‍රථම ජලමාන සමීක්ෂණය දෙරට අතර ද්විපාර්ශික සම්බන්ධතාවල නව ආරම්භයක් පිළිබිඹු කරනවා“ යයි ඉන්දියානු නාවික හමුදා මාධ්‍ය ප්‍රකාශක කපිතාන් ඩී එක් ෂර්මා මහතා පවසයි.  මෙම සමීක්ෂණය කිරීමට ඉන්දියානු ‘දර්ෂක්‘ නෞකාව මාස දෙකක විහිදුම් ක්‍රියාමාර්ගයක් කළ බව ඒ මහතා කියයි.
මෙම සමීක්ෂණ මෙහෙයුම් අදියර තුනක් යටතේ කෙරුණ අතර ‘දර්ෂක්‘ නෞකාව කොළඹ හා ගාලු වරායවලට ද පැමිණියේය.  චීටා වර්ගයේ හෙලිකොප්ටර් යානයක් ද මේ සඳහා යොදා ගැනිණි.
(පී.ටී.අයි. ඇසුරිනි)