(අකිල බද්දෙවිතාන සහ ඩයනා උදයංගනී)

මධ්‍යම බෙංගාල බොක්කේ ඇතිවී තිබෙන පීඩන අවපාතය තවදුරටත් වර්ධනය වී උතුරු දෙසින් බංග්ලාදේශය කරා ගමන් කළ හැකි බවත් මේ හේතුවෙන් සුළං ප්‍රවාහයේ වෙනසක් සිදුවී ඉදිරි දින දෙකේ දී නිරිත දිග මෝසම් වැසි බලාපොරොත්තු විය හැකි බව කාලගුණ විද්‍යා දෙපාර්තමේන්තුවේ අධ්‍යක්ෂ එස්.ආර්.ජයසේකර මහතා පැවසීය.

ආපදා කළමනාකරණ දෙපාර්තමේන්තුවේ අද(28) පැවැති මාධ්‍ය හමුවකට එක්වෙමින් ඔහු ඒ බව කී‍වේය.

හෙට සහ අනිද්දා ඒ අනුව දිවයිනට දැඩි සුළං තත්ත්වයක් බලපෑ හැකි බවත් ඒ සමග මධ්‍යම, සබරගමුව, දකුණ හා බස්නාහිර පළාත්වලට මිලි මීටර් 100 ඉක්මවූ වැසි බලාපොරොත්තු විය හැකි බවත් ඔහු සඳහන් කළේය.