(ඩි.කේ.රත්න)
 
ඇල්ල සංචාරක තොරතුරු මධ්‍යස්ථානයේ ස්ථානභාර නිළධාරිවරයාට පහරදී පොලීසියට කට්ටි පනිමින් සැඟවී සිටි ඇල්ල ප‍්‍රාදේශීය සභාවේ සභාපති බී.එම්.අමිල බස්නායක මහතා අද (10)  ඇල්ල පොලීසියට බාරවීමෙන් පසු බණ්ඩාරවෙල වැඩබලන මහේස්ත‍්‍රාත් රුවන් බස්නායක මහතා වෙත ඉදිරිපත් කිරීමෙන් පසු රුපියල් 10 ක  බැගින්  වු ශරීර ඇප තුනක් මත  මුදා හැරීමට නියෝග කළේය.
 
  සෑම මසකම අවසන් ඉරුදින ඇල්ල පොලීසියේ පෙනී සිටින ලෙසටත් මහේත‍්‍රාත්වරයා නියෝග කළේය.
 
ඇල්ල සංචාරක තොරතුරු මධ්‍යස්ථානයේ ස්ථානභාර නිළධාරි කේ.ඒ.ඉන්දික සෙනවිරත්න මහතාට පහරදීම නිසා ඒ මහතා අසාධ්‍ය තත්වයෙන් බදුල්ල මහ රෝහලට ඇතුළත් කර බදුල්ල මහ රෝහලේ නේවාසිකව ප‍්‍රතිකාර ගනු ලැබීය.
 
ඇල්ල ප‍්‍රාදේශීය සභාවේ සභාපතිවරයා ඇල්ල සංචාරක තොරතුරු මධ්‍යස්ථානයට ගොස් එහි ස්ථානභාර නිළධාරිවරයාගෙන් තොරතුරු මධ්‍යස්ථානයට යාබදව පිහිටි කාමරයේ යතුර ඉල්ලා සියදී එම යතුරු නොමති බව පැවසීම නිසා මෙම පහරදීම සිදු කර තිබේ.
 
 
ඇල්ල පොලිස් සථානාධිපති ප‍්‍රධාන පොලිස් පරීක්ෂක ඒ.එම්.එම්.කේ.අලගියවන්න මහතාගේ උපදෙස් පරිදි ඇල්ල පොලීසියේ නිළධාරීහු පිරිසක් විසින් මෙම සභාපතිවරයා මහේස්ත‍්‍රාත්වරයා වෙත ඉදිරිපත් කර තිබුණි.