(ඉන්දිකා රාමනායක) 

අමාත්‍යවරයකු  ලෙස තමාට ලබාදුන්  මෝටර් රථය   ධාවනයට යොදවා  ඇත්තේ  දවස් 7 හෝ 8 ක් පමණක් බව තිරසාර සංවර්ධන වනජීවි හා  ප‍්‍රාදේශිය සංවර්ධන අමාත්‍ය ෆීල්ඞ් මාෂල් සරත් ෆෝන්සේකා මහතා අද  (3) පැවසීය.

එයට හේතුව වී ඇත්තේ එය  වැඩි වශයෙන් ඇත්තේ  ගරාජයේ බවත් දවසක් ධාවනයට යොදා ගතහොත්  මාස 2 ක් එය ගරාජයේ බවත් තමන් රාජකාරි කළේ එක  වාහනයෙන්  පමණක් බවද අමත්‍යවරයා කියා සිටියේය.

ඇමැතිවරයෙක් වශයෙන් පත්වීම් ලැබ තමන්ට  වාහනයක් ලැබුණේ  පත්වීම් ලැබ මාස 10 ක් ගත වු පසුව බවත්   එතෙක් කාලයක් තමා භාවිතා කළේ තමන්ගේ  පෞද්ගලික වාහනයෙන් බවද හෙතෙම සඳහන් කළේය.

එම වාහනයට ඉන්ධන ලබාගත්තේ තමාගේ පෞද්ගලික මුදල් වලින් බවද අමාත්‍යවරයා වැඩිදුරයත් කියා සිටියේය.

අමාත්‍යය සරත් ෆොන්සේකා මහතා මේ බව පැවසුවේ  අද (03)  සිය නව අමාත්‍යධුරය් වැඩ බාර ගැනීමේ උත්සවය අමතමිනි.  
 

ඡායාරූප - ළහිරු හර්ෂණ