තරිඳු ජයවර්ධන
කප්පම් ගැනීම සඳහා පුද්ගලයන් 11 දෙනකු පැහැරගෙන ගොස් අතුරුදන් කළැයි කියන නඩුවක වරෙන්තුකරුවකු වූ ලුතිනන් කමාන්ඩර් චන්දන ප්රසාද් හෙට්ටිආරච්චි හෙවත් නේවි සම්පත් හට රැකවරණය දුන්නේයැයි කියන සිද්ධිය සම්බන්ධයෙන් පරීක්ෂණ පවත්වන අපරාධ පරීක්ෂණ දෙපාර්තමේන්තුව හිටපු නාවික හමුදාපති සහ වත්මන් ආරක්ෂක මාණ්ඩලික ප්රධානී අද්මිරාල් රවීන්ද්ර විජේගුණරත්න මහතා හෙට (10) එම දෙපාර්තමේන්තුවට කැඳවා තිබේ.
එම සිද්ධිය සම්බන්ධයෙන් ප්රශ්න කර ප්රකාශයක් සටහන් කර ගැනීමට හෙට (10) උදෑසන 10ට අපරාධ පරීක්ෂණ දෙපාර්තමේන්තුවේ සමූහ මංකොල්ල විමර්ශන අංශයේ පෙනී සිටින ලෙස අද්මිරාල් විජේගුණරත්න මහතාට දැනුම් දුන් බව අපරාධ පරීක්ෂණ දෙපාර්තමේන්තුවේ ආරංචි මාර්ග කියයි.
2007 වසරේ දී කොළඹ ඇතුළු ප්රදේශ කිහිපයක තරුණයක් 11 දෙනකු පැහැරගෙන ගොස් අතුරුදන් කිරීම සම්බන්ධයෙන් විවෘත වරෙන්තු නිකුත් කරනු ලැබ සිටි ලුතිනන් කමාන්ඩර් චන්දන ප්රසාද් හෙට්ටිආරච්චි හෙවත් නේවි සම්පත් පසුගිය අගෝස්තු 13 වැනි දා රහස් පොලිසිය විසින් අත්අඩංගුවට ගනු ලැබීය.
එම සැකකරුට සැඟවීමට ආධාර අනුබල දීම හා ඔහුට පහසුකම් සැපයීම සම්බන්ධයෙන් අද්මිරාල් රවීන්ද්ර විජේගුණරත්න මහතා අත්අඩංගුවට ගෙන අධිකරණයට ඉදිරිපත් කරන බව අපරාධ පරීක්ෂණ දෙපාර්තමේන්තුව පසුගිය 29 වැනි දා කොළඹ කොටුව මහේස්ත්රාත් ලංකා ජයරත්න මහත්මියට දුන්නේය.
ලුතිනන් කමාන්ඩර් චන්දන ප්රසාද් හෙට්ටිආරච්චි නම් සැකකරුට මැලේසියාවට පලා යෑම සඳහා නාවික හමුදාවේ ගිණුමකින් රුපියල් ලක්ෂ පහක් ලබා දී ඇති බවට තොරතුරු අනාවරණය වීයැයි අපරාධ පරීක්ෂණ දෙපාර්තමේන්තුවට මීට පෙර අධිකරණයට දැනුම් දී තිබිණි.
සැකකාර හෙට්ටිආරච්චි අත්අඩංගුවට ගැනීමට සොයද්දී ඔහු තට්ටු අටකින් සමන්විත නාවික හමුදාවේ නිලධාරී නිවස්නයක තුන් වැනි මහලේ කාමරයක නවාතැන්ගෙන සිටි බවට තොරතුරු අනාවරණය වී යැයි අපරාධ පරීක්ෂණ දෙපාර්තමේන්තුව කියයි.
දිනක් එම සැකකරු නිලධාරී නිවස්නයේ විදුලි සෝපානයෙන් පහළට ගමන් කරද්දී නාවික හමුදාවේ ප්රධානියකු හමු වූ බවටත්, එහෙ මෙහෙ ගිහින් පොලිසියට අහුවුණොත් මට කරන්න දෙයක් නැහැ යනුවෙන් එම හමුදා ප්රධානියා කී බවටත් තවත් ලුතිනන් කමාන්ඩර්වරයකු සාක්කි දී ඇතැයි එම රහස් පොලිසිය සඳහන් කරයි.
ශ්රී ලංකා නාවික හමුදාවේ 20 වැනි නාවික හමුදාපතිවරයා ලෙස රවීන්ද්ර විජේගුණරත්න මහතා වැඩ බාර ගත්තේ 2015 ජූලි 11 වැනි දා ය. 2017 අගෝස්තු 22 වැනි දා ඔහු නාවික හමුදාපති ධුරයෙන් විශ්රාම ගැනීමෙන් පසු ජනාධිපතිවැරයා විසින් ආරක්ෂක මාණ්ඩලික ප්රධානී ලෙස පත් කරනු ලැබීය.
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
සීඝ්රයෙන් පරිවර්තනය වෙමින් පවතින ශ්රී ලංකාවේ සෞඛ්ය සේවා ක්ෂේත්රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
ආරක්ෂක මාණ්ඩලික ප්රධානී සීඅයිඩියට කැඳවයි
සෙනෙවි Sunday, 09 September 2018 03:36 PM
මේකටත් පොලවේ හැපේවි දේශප්රේමියෝ, තමන් නිවැරදි නම් කරුණූ දක්වා නිදහස් විය හැක. සිඅයිඩිය සම්බන්දයෙන් තමුනට වාසි වන පරීක්ෂණ වලදී එක මතයකත් අවාසි අවස්ථාවලදී වෙන මතයකත් සිටීම මෙම දේශප්රේමීන්ගේ පොදු ලක්ෂණය වී ඇත.
සුමාල්Monday, 10 September 2018 04:37 AM
විජයකලා... එක්කො ඕන නෑ
සතයපාල Sunday, 09 September 2018 04:06 PM
කරන කළට පව් මිහිරිය මී සේමා විඳින කළට දුක් දැඬි වේ ගිණි සේමා කිව්වලු. ඒ වගේ දැන් කල වැරදී වලට නිසි දඬුවම් ලැබෙන්න පටන් අරන් තියෙන්නේ ඒකට ලෑස්තිවෙමු.
Saman Sunday, 09 September 2018 09:16 PM
මේකට තමයි 'කර්මය' කියන්නෙ..