(හර්ෂණ තුෂාර සිල්වා)

අධික වර්ෂාව නිසා ඇතිවන ඕනෑම ආපදා තත්ත්වයක් පිළිබඳව 117 අංකයට ඇමතුමක් දීමෙන් දැනුම් දිය හැකි බව ආපද කළමනාකරණ මධ්‍යස්ථානය පවසයි.

පසුගිය දින කිහිපයේදී ඇද හැළුණු අධික වර්ෂාව ප්‍රදේශ කිහිපයකින් නායයෑම් සිදුවීම් වාර්තා වූ අතර ඉදිරියේදී ද වර්ෂා සහිත තත්ත්වය අපේක්ෂිතය.

නිරිත දිග මෝසම් තත්ත්වය සක්‍රීය වීම වර්ෂා තත්ත්වය ඇති වූ අතර 117 අංකයට රටේ ඕනෑම ස්ථානයකට සිටින පුද්ගලයකුට කිසිදු අයකිරීමකින් තොරව ආපදා තත්ත්වයක් පිළිබඳව ඉහත අංකයට දැනුම් දිය හැකි බව ආපදා කළමනාකරණ මධ්‍යස්ථානයේ රියාර් අද්මිරාල් ඒ.ඒ.එස් ලියනගේ මහතා පැවැසීය.

එමෙන්ම 077 395 7 900, 011 2 136 136 සහ 011 2 136 222 යන දුරකතන අංකවලට ආපදා පිළිබඳ තොරතුරු දැනුම් දිය හැකි බවත් අවශ්‍ය තොරතුරු ලබාගත හැකි බවත් ලියනගේ මහතාගේ පැවැසීය.

මේ අතර ආපදාවලට පත්ව සිටින ප්‍රදේශවල මහජනතාවගේ ජංගම දුරකතනවල සබඳතා විසන්ධි නොකරන ලෙසත් ආපදා තත්ත්වය පහව යන තෙක් ඔවුන්ගේ සබඳතා අඛණ්ඩව පවත්වාගෙන යෑම සඳහා අවශ්‍ය පහසුකම් සලසන ලෙස ජංගම දුරකතන සේවා සපයන සමාගම්වලින් ඉල්ලා සිටින බව ස්වදේශ කටයුතු අමාත්‍ය වජිර අබේවර්ධන මහතා අද (26) පෙරවරුවේ පැවැති මාධ්‍ය හමුවකදී කීය.