IMG-LOGO

2024 ජුලි මස 22 වන සඳුදා


‘ආනවිලුන්දාව‘ රජයේ රක්ෂිතයේ සියලු විස්තර ඉදිරිපත් කරන්නැයි අධිකරණයෙන් නියෝගයක්

(මනෝප‍්‍රිය ගුණසේකර) 


රජෙකුගෙන් තම මුතුන් මිත්තන්ට ‘සන්නසකින්’ ලැබුණු බව කියමින් අනුරාධපුර දිස්ත්‍රික්කයේ හොරොව්පොතාන ප්‍රාදේශීය ලේකම් කොට්ඨාසයේ ‘ආනවිලුන්දාව’ රජයේ වනාන්තරයක අක්කර 9998 ක් ව්‍යාජ පිඹුරුපත් හා ඔප්පු සකස් කොට වෙනත් පුද්ගලයින්ට විකීණීමේ මහා පරිමාණ ජාවාරම සම්බන්ධයෙන් වන සංරක්‍ෂණ දෙපාර්තමේන්තුව පවත්වන පරීක්‍ෂණ සඳහා අවශ්‍ය කැලෑ ඉඩම් පිළිබඳ පිඹුරුපත් හා සියලුම විස්තර එම දෙපාර්තමේන්තුවට ලබාදෙන ලෙස කැබිතිගොල්ලෑව මහෙස්ත‍්‍රාත් ටී.ජේ. ප‍්‍රභාකරන් මහතා රජයේ ආයතන වල ප‍්‍රධානීන්ට නියම කළේය.


දේශපාලනඥයින්, හිමිවරුන්, ව්‍යාපාරිකයින් ඇතුළු විවිධ තරාතිරම් වල පුද්ගලයින්ට ව්‍යාජ ලෙස සකස් කළ ඔප්පු මත ‘ආනඋලන්දාව’ රජයේ වනාන්තරයේ අක්කර 10 සිට අක්කර 2000 දක්වා වු බිම් කොටස්කර විකුණා හා දීර්ඝ කාලීනව බදු දී ඇති බව හෙළි වී ඇති හෙයින් ඒ බව තහවුරු කිරීමට හා ඒ සම්බන්ධයෙන් සිදුකරන විමර්ශන සඳහා කැලෑ ඉඩම් පිළිබඳ පිඹුරුපත් හා සියළුම විස්තර ලබාදෙන ලෙස රජයේ දෙපාර්තමේන්තු වලට නියම කරන්නැයි අනුරාධපුර දිසා වන නිලධාරී ලලිත් ගමගේ මහතා කළ ඉල්ලීමක් පිළිගත් මහෙස්ත‍්‍රාත්වරයා එලෙස නියම කළේය.


මිනුම්පතිවරයාට, ඉඩම් නිරවුල් කිරීමේ කොමසාරිස් ජනරාල්වරයාට, අනුරාධපුර දිස්ත්‍රික් ඉඩම් රෙජිස්ටාර්වරයාට, ඉඩම් ප්‍රතිසංස්කරණ කොමිෂන් සභාවේ සභාපතිවරයාට සහ හොරොව්පොතාන ප‍්‍රාදේශිය ලේකම්වරයාට මහෙස්ත‍්‍රාත්වරයා අදාළ නියෝග නිකුත් කළේය.


රජෙකුගෙන් තම මුතුන් මිත්තන්ට ‘සන්නසකින්’ ලැබුණු බව කියමින් අනුරාධපුර දිස්ත්‍රීක්කයේ හොරොව්පොතාන ප්‍රාදේශීය ලේකම් කොට්ඨාශයේ රජයේ වනාන්තරයක අක්කර 9998 ක් ව්‍යාජ පිඹුරුපත් හා ඔප්පු සකස් කොට වෙනත් පුද්ගලයින්ට විකුණීමේ සිද්ධිය සම්බන්ධයෙන් අධිකරණයට වාර්තා කළ වන සංරක්‍ෂණ දෙපාර්තමෙන්තුවේ අනුරාධපුර දිසා වන නිලධාරීන් සිද්ධියට අදාළව සිදුකළ පරීක්‍ෂණ වල ප‍්‍රගතිය දැක්වෙන වාර්තාවක් කහටගස්දිගිලිය අඩවි වන නිලධාරි චන්දිම කුමාර මහතා අධිකරණයට ඉදිරිපත් කළේය.


රජයේ කැළෑව දේශපාලනඥයින්ට විකුණන බවට අනුරාධපුර දිසා වන නිලධාරී ලලිත් ගමගේ මහතාට ලැබුණු තොරතුරකට අනුව මෙම සිද්ධියට අදාළව රහසිගතව විමර්ශනයක් ආරම්භ කළ බව දැනුම් දුන් චන්දිම කුමාර මහතා මේ සම්බන්ධයෙන් සිදුකළ විමර්ශනයේදී සැකකරුට හෝ ඔහුගේ පරම්පරාවට කිසිඳු හිමිකමක් නැති රජයේ කැළෑව සැකකරු තවත් පිරිසක් සමඟ එක්ව ව්‍යාජ ලෙස සකස් කළ ඔප්පු මඟින් විකූණා ඇති බව හෙළි වුවේ යැයි දැනුම් දුන්නේය.


බලයලත් මිණින්දෝරුවකු 1974 වර්ෂයේදී පිළියෙල කළ  බව කියන පිඹුරක් උපයෝගි කර ගනිමින් නැවත නැවත එම පිඹුරට අයත් බිම් කොටස් කර අලුතින් සකස්කරන පිඹුරු ඉදිරිපත් කරමින් සැකකරු විසින් විවිධ කණ්ඩායම් මෙම ජාවාරම සඳහා පොළඹවාගෙන ඇති බව පරීක්ෂණ වලදී අනාවරණය වී ඇතැයි දැනුම් දුන් චන්දිම කුමාර  මහතා මෙම දේපලෙහි දැනට සිටින එකම හිමිකරු තමා බව ප්‍ර‍කාශ කරමින් සැකකරු නීතිඥයන් මඟින් පැටිකිරි වාර්තා කිහිපයක් ද සකස්කරවා ගෙන ඇතැයි දැනුම් දුන්නේය.


මිනිනින්දෝරු දෙපාර්තමේන්තුව පිළියෙල කළ කැලෑ මැනුම් මූලික පිඹුරකට අයත් වන බිම් ප්‍රදේශයක් ඉලක්ක කර ගනිමින් මෙම කූට සැලැස්ම ක්‍රියාවට නගා ඇති බවද සමහරක් රාජ්‍ය නිලධාරීන්ගේ වක්‍ර‍ සහයෝගය සැකකරුට ලැබී ඇති බවට තොරතුරු ලැබී ඇති හෙයින් ඒ පිළිබඳ හෙළි කරගැනීම සඳහා පරීක්‍ෂණ පවත්වන්නේ යැයි දැනුම් දුන් චන්දිම කුමාර මහතා මිනිනින්දෝරු දෙපාර්තමේන්තුව පිළියෙල කළ කැලෑ මැනුම් මූලික පිඹුරකට අනුව මෙම කැලෑව තුල අක්කර 105 ක පුද්ගලික ඉඩම් ඇති බවත් එසේ තිබියදි එම බිම් කට්ටි එකකට හෝ නිසි හිමිකමක් නොලැබු තැනැත්තෙකු එම බිම් කට්ටිද ඉඩම් ප්‍රතිසංස්කරණ කොමිෂන් සභාව භාරයේ පවතින බිම් කට්ටිද ඊට අමතරව වන සංරක්ෂණ ආඥා පනත යටතේ රජයේ වනාන්නතර ලෙස ගැනෙන ඝණ කැලෑ සහිත විශාල ප්‍රදේශයක් ද ඇතුළත් වන සේ අක්කර 9998 ක එකම හිමිකරු තමා ලෙස දක්වමින් ව්‍යාජ පිඹුරු හා ලේඛන මත හිමිකම් ඉදිරිපත් කොට ඇති බව මේ සම්බන්ධයෙන් සිදුකළ මුලික විමර්ශන වලදී හෙළි වු බවද අධිකරණයට දැනුම් දුන්නේය.


මෙම සිද්ධියට සම්බන්ධ සැකකරු අත්අඩංගුවට ගැනීමට විමර්ශන සිදු කළත් සැකකරු ප‍්‍රදේශයෙන් පළාගොස් සැඟවී ඇතැයිද ඔහු අල්ලා ගැනීම සඳහා වැඩිදුර පරීක්‍ෂණ සිදුකරන බවත් දැනුම් දුන් චන්දිම කුමාර මහතා සැකකරු අත්අඩංගුවට ගෙන ඉදිරිපත්කිරීම සඳහා තමන්ට කල් ලබාදෙන්නැයි ඉල්ලීමක්ද කළේය.


ඉදිරිපත් ව කරුණු සළකා බැලීමෙන් අනතුරුව ඒ සඳහා අවසර දුන් මහෙස්ත‍්‍රාත්වරයා මෙම ජාවාරමට සම්බන්ධිත සියළුම සැකකරුවන් වහාම අත්අඩංගුවට ගෙන අධිකරණයට ඉදිරිපත් කරන ලෙස නියම කළේය.


වන සංරක්ෂක ජනරාල් අනුර සතුරුසිංහ ල අතිරේක වන සංරක්ෂක ජනරාල් ලාල් අබේගුණසේකර වන සංරක්ෂක නන්ද කුමාර හා නියෝජ්‍ය වන සංරක්ෂක සුමිත්‍ර ගුණතිලක යන මහත්වරුන්ගේ උපදෙස් පරිදි අනුරාධපුර දිසා වන නිලධාරි ලලිත් ගමගේ මහතාගේ මෙහෙයවීම යටතේ සහකාර දිසා වන නිලධාරි උපුල් හෙට්ටිආරච්චිල අඩවි වන නිලධාරි චන්දිම කුමාර ඇතුළු නිලධාරින් පිරිසක් මේ සම්බන්ධයෙන් විමර්ශණ සිදුකරයි.


අනුරාධපුර දිස්ත්‍රික්කය් කැලෑ මැනුම් මුලික පිඹුරු අංක 50 නිරූපිත භූමිය තුල ඉඩම් නියවුල් කිරීමේ ආඥා පනත යටතේ අවසන් ආඥාවකින් නිරවුල් කර ඇති ඉඩම් පිළිබදව වාර්ථාවක් හා ඊට අදාල ලේඛනවල සහතික කරන ලද පිටපත් අනුරාධපුර දිසා වන නිලධාරී ලලිත් ගමගේ මහතා වෙත  ලබා දෙන  ලෙස  ඉඩම් නිරවුල් කිරීමේ කොමසාරිස් ජනරාල්වරයාට නියම කළ මහෙස්ත‍්‍රාත්වරයා අනුරාධපුර දිස්ත්‍රික්කය් කැලෑ මැනුම් මුලික පිඹුරුවල මේ දක්වා යතාවත් කරන ලද පිඹුරුවල භූමි විස්තරද සහිත වාර්තාවල සහතික කරන ලද පිටපත් ලබා දෙන  ලෙස  මිනුම්පතිවරයාට කියම කළේය.


අනුරාධපුර දිස්ත්‍රික්කය් කැලෑ මැනුම් මුලික පිඹුරු අංක 50 නිරූපිත භූමිය තුල යම් ඉඩම් කොටසක් 1972 ඉඩම් ප‍්‍රතිසංස්කරන ලද පනත යටතේ ඉඩම් ප‍්‍රතිසංස්කරන කොමිෂන් සභාවට ඇත්ද, එම ඉඩම් වෙනත් නිශ්චිත පුද්ගලයකු වෙත පවරා ඇත්ද යන්න දැනුම් දෙන ලෙස ඉඩම් ප‍්‍රතිසංස්කරන කොමිෂන් සභාවේ සභාපතිවරයාට නියම කළ මහෙස්ත‍්‍රාත්වරයා අනුරාධපුර දිස්ත්‍රික්කය් කැලෑ මැනුම් මුලික පිඹුරු අංක 50 නිරූපිත භූමිය තුල යම් ඉඩම් කොටසක් ඉඩම් සංවර්ධන ආඥා පනත යටතේ හෝ රජයේ ඉඩම් ආඥා පනත යටතේ නිශ්චිත පුද්ගලයකු වෙත පවරා ඇත්ද යන්න දැනුම් දෙන ලෙස හොරොව්පොතාන ප‍්‍රාදේශිය ලේකම්වරයාටද නියම කළේය.
 
 
 
 
 



අදහස් (0)

‘ආනවිලුන්දාව‘ රජයේ රක්ෂිතයේ සියලු විස්තර ඉදිරිපත් කරන්නැයි අධිකරණයෙන් නියෝගයක්

ඔබේ අදහස් එවන්න

එසැණ පුවත්

ලෝක නායකයෝ විලාසිතා දැක්මක....
2024 ජුලි මස 22 440 0

ඉන්දීය අග්‍රාමාත්‍ය නරේන්ද්‍ර මෝදි, ඇමෙරිකා ජනාධිපති ජෝ බයිඩන් සහ රුසියානු ජනාධිපති ව්ලැදිමීර් පුටින් ඇතුළු ප්‍රසිද්ධ ලෝක නායකයන් සහ තාක්ෂණික ලෝකය


ළමයින්ට එන්නත් දෙන්න ජපානයෙන් තෑග්ගක්
2024 ජුලි මස 22 136 0

ශ්‍රී ලංකාව පුරා සිටින ළමයින්ට එන්නත් ලබාදීමේ ක්‍රමවේදය වැඩි දියුණු කිරීම සඳහා ජපාන රජයේ ආධාර මත සෞඛ්‍ය අමාත්‍යාංශයට ශීතකරණ පහසුකම් සහිත ට්‍රක් රථ 9


ජනපතිවරණය ගැන ජනපතිගෙන් යළි සහතිකයක්
2024 ජුලි මස 22 483 0

අයවැයෙන් මුදල් වෙන්කළේ ජනාධිපතිවරණයට පමණක් බැවින් අනිවාර්යයෙන්ම ජනාධිපතිවරණය පවත්වන බව ජනාධිපති රනිල් වික්‍රමසිංහ මහතා අද (22) ආණ්ඩු පක්ෂයේ මන්ත්‍රී


විසි දෙක 26 මැතිසබයට?
2024 ජුලි මස 22 421 0

විසි දෙවැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත පළමු වර කියවීම සඳහා පාර්ලිමේන්තුවට ලබන 26 වැනිදා ඉදිරිපත් කෙරෙනු ඇතැයි පාර්ලිමේන්තු ආරංචි මාර


අනුර කුමාර - ජපාන විදේශ අමාත්‍ය අතර හමුවක්
2024 ජුලි මස 22 400 0

මේ වන විට ජපානයේ සංචාරයක නිරත ජාතික ජන බලවේගයේ නායක අනුර කුමාර දිසානායක මහතා ජපානයේ විදේශ කටයුතු පිළිබඳ රාජ්‍ය අමාත්‍ය සුගේ යශැහීමී (TSUGE Yoshifumi )මහතා අතර හ


ටැටු දුලාන්ගෙන් අධිකරණයට රහස් ප්‍රකාශයක්
2024 ජුලි මස 22 512 0

අතුරුගිරිය ටැටූ මධ්‍යස්ථානයක් තුළදී ඝාතනයට ලක් වූ සුරේන්ද්‍ර වසන්ත පෙරේරා නොහොත් ක්ලබ් වසන්ත ඇතුලු දෙදෙනාගේ ඝාතනය සම්බන්ධයෙන් රක්ෂිත බන්ධනාගාර ගත


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 170 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 1070 1
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1929 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site