IMG-LOGO

2025 ජුලි මස 19 වන සෙනසුරාදා


ආනන්ද සමරසේකරගෙන් පෙත්සමක්

(තිළිණි ද සිල්වා සහ රංජන් කටුගම්පොළ)

ශ්‍රී ලංකා වෛද්‍ය සභාවේ ලියාපදිංචි වෛද්‍යවරයෙකු ලෙස කටයුතු කිරීම එම සභාව විසින් මාස 6කට අත්හිටුවමින් තමන්ට එරෙහිව නිකුත් කර ඇති නියෝගය බල රහිත කරන්නැයි ඉල්ලා හිටපු කොළඹ ප‍්‍රධාන අධිකරණ වෛද්‍ය නිලධාරී වෛද්‍ය ආනන්ද සමරසේකර අභියාචනාධිකරණය හමුවේ අද (9) රිට් පෙත්සමක් ගොනු කළේය.

ශ්‍රී ලංකා වෛද්‍ය සභාව ,එහි සභාපතිවරයාව සිටි මහාචාර්ය කාලෝ ෆොන්සේකා , ශ්‍රී ලංකා වෛද්‍ය සභා වෘත්තිකයින්ගේ හැසිරීම් සොයා බැලීම සඳහා වන කමිටුවේ සාමාජිකයින් නම දෙනෙකු මෙහි වගඋත්තරකරුවන් වශයෙන් නම් කරනු ලැබ සිටිති.

එම වෛද්‍ය සභාව විසින් ඉකුත් ජුනි 30 වැනිදා තමන් සම්බන්ධයෙන්  නිකුත් කරනු ලැබ තිබෙන නියෝගය ක‍්‍රියාත්මක වීම සහ එම නියෝගය මත පදනම් ඉදිරි පියවර ගැනීමෙන් ශ්‍රී ලංකා වෛද්‍ය සභාව සහ එහි සාමාජිකයින් වළක්වන ප්‍රෙහිබිෂන් රිට් ආඥාවක්ද නිකුත් කරන්නැයි පෙත්සම්කරු ඉල්ලා ඇත.

හිටපු රගර් ක‍්‍රීඩක වසීම් තාජුඞීන් ගේ ශරීර කොටස් අස්ථානගත වීම ඇතුළු චෝදනා පහක් ඇතුළත් චෝදනා පත‍්‍රයක් ශ්‍රී ලංකාව වෛද්‍ය සභාව ඉකුත් දා තමන්ට එරෙහිව ලබා දුන් බවත් පෙත්සම්කරු කියා සිටී. ඒ සම්බන්ධයෙන් වෛද්‍යවරුන් 9 දෙනෙකුගෙන් යුතු ශ්‍රී ලංකා වෛද්‍ය සභා වෘත්තිකයින්ගේ හැසිරීම් සොයා බැලීම සඳහා වන කමිටුවේ සාමාජිකයින් ඒ සම්බන්ධයෙන් පරීක්ෂණයක් පැවැත්වූ බවද පෙත්සම්කරු කියා සිටී.

එකී චෝදනා වලින් චෝදනා තුනකට පමණක් තමන් වැරදිකරු කොට හිටපු රගර් ක‍්‍රීඩක වසීම් තාජුඞීන් ගේ ශරීර කොටස් අස්ථානගත වීම ඇතුළු වෙනත් චෝදනා දෙකකට තමා නිවැරදිකරු බවට අදාළ කමිටුව ඉකුත් ජුනි 30 වැනිදා තීරණය කර ඇති බව සිය පෙත්සම මඟින් පෙත්සම්කරු පෙන්වා දේ.

කෙසේ වුවද එම චෝදනා වලට වැරදිකරු බවට තීරණය කර ඇත්තේ ඒකමතික තීරණයකින් නොවන බවත් ,තමා සම්බන්ධයෙන් තීන්දු තීරණ ගනු ලැබු කමිටුවේ ඇතැම් සාමාජිකයින්ට ඒ සඳහා සුදුසුකම් නොමැති බවද පෙත්සම්කාර ආනන්ද සමරසේකර මහතා කියා සිටී.



අදහස් (4)

ආනන්ද සමරසේකරගෙන් පෙත්සමක්

Chanak Los angeles Wednesday, 09 August 2017 05:20 PM

තව අවුරුදු 10 කට තහනම බලපවත්වන්න.

:       0       0

sanath Wednesday, 09 August 2017 06:31 PM

ආනන්ද සමරසේකර විශ්වවිද්‍යාලයේ ඉන්න කාලේ නිශ්ශබ්ද පුද්ගලයෙක් නමුත් ජී.එම්.ඕ.ඒ. එකේ බොස් වුණාට පස්සේ අං දෙකක් ආවා දැන් බොස්ගේ වගේම. අධිකරණ වෛද්‍ය නිලධාරීන් පොලිසිය එක්ක ලඟින්ම ගණුදෙනු කරන නිසා මෙයත් හිතාගෙන හිටියේ අයි.ජී.පී. කෙනෙක් කියලලු.

:       0       0

ravin Thursday, 10 August 2017 12:22 AM

මොකෝ !! තව ශරීර කොටස් උස්සන්න හිතිලද? නැතිනම් තමුන්ගේ ශරීර කොටස් අස්ථාන ගත කරන්න හිතිලද?

:       0       0

sachith Thursday, 10 August 2017 03:14 AM

මේ කොහොමට රාවයක් තියන හිටපු පුද්ගලයෙක්ද? බල්ලෝ එක්ක නිදාගත්තම බලු මැක්කෝ එක්ක නැගිටින්න වෙනවා කියලා අපේ පරණ පඬිවරු කියලා තියෙන්නේ මේවගේ දේවල් වලට තමයි. අධිකරණ වෛද්‍යවරයකු සැකකටයුතු මරණයක සාක්ෂි සැඟවෙනවා කියන්නේ වෛද්‍ය විද්‍යාව හිතුමතේ යොදවනවා වගේ.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 409 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 569 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 234 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site