හිටපු ඇමැතිවරයකු වූ අල්හාජ් ඒ.එච්.එම්. අස්වර් මහතා අභාවප්රාප්තවී අදට (30) වසර හතරක් සපිරේ. මේ ලිපිය ඒ නිමිත්තෙනි.
1932.08.02 වැනිදා මහරගමදී උපන් අස්වර් මහතා ආචාර්ය ටී.බී. ජයා මහතා කොළඹ සහිරා විද්යාලයේ විදුහල්පති වශයෙන් කටයුතු කරන කාලයේදී ඔහුගේ මගපෙන්වීම යටතේ ශිල්ප ලැබුවේය.
අස්වර් මහතා සිය වෘත්තීය ජීවිතය ආරම්භ කළේ ලේක්හවුස් ආයතනයේ නුගේගොඩ වාර්තාකරු වශයෙනි. ශ්රී ලංකා පාර්ලිමේන්තුවේ මන්ත්රීවරයකු වූ පසුව ඔහු නිතර එස්කින් මේ මහතාගේ ලේඛන උපුටා දක්වමින් කථා කළ විට ඔහුගේ සහෝදර පාර්ලිමේන්තු මන්ත්රීවරු මවිතයට පත්වූහ.
ආචාර්ය එන්.එම්. පෙරේරා, ආචාර්ය කොල්වින් ආර්. ද සිල්වා, රොබට් ගුණවර්ධන වැනි වාමාංශික නායකයන්ගේ කථාවලට ආකර්ෂණය වූ අස්වර් මහතා ලංකා සමසමාජ පක්ෂයට සම්බන්ධ වී දේශපාලන පන්නරය ලබාගත්තේය.
වසර 1950 දී එක්සත් ජාතික පක්ෂයට සම්බන්ධ වූ අස්වර් මහතා, පසුකාලීනව පාර්ලිමේන්තු මන්ත්රීවරයකු වශයෙන්ද මුස්ලිම් ආගමික කටයුතු හා පාර්ලිමේන්තු කටයුතු රාජ්ය ඇමැතිවරයා වශයෙන් ද කටයුතු කළේය. ප්රේමදාස රජයේ මුස්ලිම් ආගමික හා සංස්කෘතික රාජ්ය ඇමැතිවරයා වශයෙන් කටයුතු කළ කාලසීමාව තුළ හෙතෙම ශ්රී ලංකාවේ මුස්ලිම් ජනතාවගේ ආගමික සංස්කෘතික දියුණුව සඳහා විවිධ වැඩපිළිවෙළ ගණනාවක් ක්රියාත්මක කළේය.
දිස්ත්රික් මට්ටමින් නබි නායක ජන්මදින උත්සව වාර්ෂිකව පවත්වමින්, ඒ ඒ දිස්ත්රික්කවල මුස්ලිම්වරුන්ගේ අතිශය පැරණි ඉතිහාසය ග්රන්ථාරූඪ කිරීමටද ඔහු මුලපිරුවේය.
මුස්ලිම් කලාකරුවන්ට ජීවත්ව සිටියදීම උපහාර දැක්වීම අස්වර් මහතා විසින් ආරම්භ කරන ලද්දේ මුදල් පරිත්යාග හා නම්බුනාම ද ප්රදානය කරමිනි. මේ හරහා කලාකරුවන් 135 දෙනෙකුට උපහාර දක්වා ඇත.
ඔහු මන්ත්රීවරයකු වශයෙන් පත්වීමට පෙර, ශ්රී ලංකාවේ හිටපු කීර්තිමත් කථානායකවරුන් වන එම්.ඒ. බාකීර් මාකර් සහ එම්.එච්. මොහොමඩ් යන මන්ත්රීවරුන්ගේ පෞද්ගලික ලේකම්වරයකු වශයෙන් ඔහු කටයුතු කළේය.
මාධ්යවේදියකු, සාහිත්යකරුවකු මෙන්ම කවියකු වශයෙන් ද අස්වර් මහතා ප්රචලිතව සිටියේය. පාර්ලිමේන්තුවේ ඇතැම් විවාදවල දී සිංහල මෙන්ම දෙමළ බසින් කවි ගයමින් තම අදහස් ප්රකාශ කළේය.
අස්වර් මහතා කිසිදු මැතිවරණයකට මුහුණ නොදුන්නද, පස්වරක්ම ජාතික ලැයිස්තුවෙන් පාර්ලිමේන්තුවට පත්වූයේය.
සිංහල, දෙමළ හා ඉංග්රීසි භාෂා තුනෙන්ම මනා දැනුමක් සහිත වූ අස්වර් මහතා රටේ දේශපාලන නායකයන්ගේ කථා පරිවර්තකයෙකු වශයෙන් ද කටයුතු කළේය.
2008 වසරේදී ජනාධිපති මහින්ද රාජපක්ෂ මහතාගේ ආරාධනයෙන් ශ්රී ලංකා නිදහස් පක්ෂයට සම්බන්ධව රාජපක්ෂ මහතාගේ දෑත් ශක්තිමත් කිරීමට එක් වූයේය. මිය යන තෙක්ම මහින්ද රාජපක්ෂ මහතාගේ දේශපාලන දර්ශනය හා ඒකාත්මිකව සිටි අස්වර් මහතාගේ සහයෝගය යහපාලන රජය කාලයේදී හිටපු ජනාධිපති මෛත්රීපාල සිරිසේන මහතා ද ඉල්ලා සිටියේය. එම ආරාධනය පිළිගත්තේ නම් පදවි තානාන්තර ලබන්නට අවස්ථාව තිබුණද, මහින්ද රාජපක්ෂ මහතා සමග මුස්ලිම්වරුන් සිටිය යුතුය යන ස්ථාවරය මත මොහු ජීවිතයේ අවසානය දක්වාම මහින්ද රාජපක්ෂ මහතාට සහයෝගය දැක්වූවේය.
මාධ්යවේදීන් සමග ඉතා සමීපව කටයුතු කළ ඒ මහතා කලක් පොදුජන එක්සත් පෙරමුණු රජයේ මාධ්ය ඔම්බුඩ්ස්මන්වරයා ලෙසද කටයුතු කළේය.
එක්සත් ජනතා නිදහස් සන්ධාන රජයේ මන්ත්රී කණ්ඩායමට 2014 වසරේදී නැගෙනහිර පළාතෙන් මුස්ලිම් මන්ත්රීවරයෙකු පත් කළ යුතු අවශ්යතාවක් පැනනැගුණු විට, අස්වර් මහතා නායකත්වයේ ඉල්ලීම පරිදි මන්ත්රීධුරයෙන් ඉල්ලා අස් වූයේය.
ක්රිකට් ක්රීඩාව පිළිබඳ දැඩි උනන්දුවක් දැක්වූ අස්වර් මහතා ගුවන්විදුලියේ හා රූපවාහිනියේ ක්රිකට් තරග විස්තර ප්රකාශකයෙකු වශයෙන් ද කටයුතු කර ඇත.
(*** එන්.එම්. අමීන්)
දෙදිනක් තිස්සේ ලෝවැසියන් දෑස් දල්වා සිටියේ නව පාප්තුමා තෝරා ගැනීමේ ඡන්ද විමසුම එසේත් නැතිනම් ‘කොන්ක්ලේව්’ කෙසේ සිදුවේවිදැයි යනුවෙනි. කාදිනල්වරුන්
ඉකුත් 6 වැනිදා පැවැති පළාත් පාලන මැතිවරණවල ප්රතිඵල පිළිබඳව මෙරට දේශපාලන පක්ෂ කරන විග්රහ අනුව බලන කල මෙම මැතිවරණයෙන් සෑම පක්ෂයක්ම ජයග්රහණය කර ඇත.
පළාත් පාලන ආයතන 339 කට වැඩි ගණනකට සභිකයන් තෝරා පත් කර ගැනීමේ පළාත් පාලන මැතිවරණය පසුගිය මැයි 6 වැනිදා පැවැත්වීමට මැතිවරණ කොමිසම පියවර ගත්තේය. එදින ඡන්දදා
අදට අවුරුදු 03 ට ඉහතින් 2022 මැයි 09 වනදා පාන්දර, අගමැති මහින්ද රාජපක්ෂ සිය පවුලේ සාමාජිකයන් කිහිප දෙනා සමග දැඩි හමුදා රැකවරණ යටතේ අරලියගහ මන්දිරයෙන් පිටත්ව
මාලිමා ආණ්ඩුව මෙවර පළාත් පාලන මැතිවරණ ප්රචාරක කටයුතු කළේ එය පළාත් පාලන ඡන්දයක් ලෙස ගනිමින් නොව, ජාතික මැතිවරණයක් ලෙස සිතමිනි. ජනාධිපතිවරයා රටපුරා ගො
දෙදහස් විසිපහේ මැයි මස 06 වැනිදා (පෙරේදා) මෙරට පැවැති පළාත් පාලන මැතිවරණය පළාත් පාලන මැතිවරණ ඉතිහාසයේ වැදගත් සංධිස්ථානයකැයි සැලකිය හැකිය. 2018න් පසුව වසර 07
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
සිංහල-දෙමළ කවියෙන් මැති සබය රසවත් කළ - අස්වර්
jayasekara Monday, 30 August 2021 12:11 PM
ජාතිය කුමක් වුවත් ආසම කරන මුස්ලිම් දේශපාලන මහතෙක් .කවදාවත් ජාති භේද ඇවිස්සුවේ නැති සිංහල භාෂාව වියත් ලෙස හසුරවපු ,රටේ බහුතර සංස්කෘතිය හඳුනාගත් පරිනත ශ්රී ලාංකිකයෙක් .දැන් ඉන්න ය ඒකේ අනික් පැත්ත
ganegoda Monday, 30 August 2021 07:12 PM
ගුටිනොකා බේරුණා ඇති...