2025 මැයි මස 08 වන බ්‍රහස්පතින්දා
(රොමේෂ් මධුෂංඛ )
එදා බොම්බයක් පත්තු කරමින් මිනිස් ජිවිත තඹයකට මායිම් නොකළ ප්‍රභාකරන්ට දිට්ඨදම්ම වේදනීය කර්මය පල දුන්නේය. නමුත් ඔහුගේ ගෝල බාලයින්ට දැන් දැන් එදා කරපු පව් හොඳින් වැටහී ඇති බවක් පෙනෙන්නට ඇත්තේ ඔවුන්ද අදටත් එදා කළ පව් ගෙවන්නට සිදුව ඇති බැවිණි.
‘කරන කලට පව් මිහිරිය මීසේ විඳින කලට දුක් දැඩිවෙයි ගිනිසේ යන වදන පසක් කරන සිදුවීමක් කිලිනොච්චිය මරදනගර් ප්‍රදේශයෙන් අසන්නට දකින්නට ලැබුණි.
2008 වසරේදී කොටි නායකයාගේ කියමනකට අනුව කොළඹ බෝම්බ පිපිරුමකට සම්බන්ධව අධිකරණයේදී වරදකරුවී ජීවිතාන්නතය දක්වා සිරදඩුවම් විඳින පුද්ගලයකුට සිය පව් විදිමට සිදු වූ ශෝක ජනක අවස්ථාවක් හේතුවෙනි.
ආනන්ද සුදාකර් නැමති මේ පුද්ගලයා හදිසියේම කිලිනොච්චිය මරද නගර් ප්‍රදේශයට පැමිණියේ සිය බිරිඳගේ දේහයට අවසන් ගෞරව දැක්වීමටය.
පසුගිය 16 වනදා ඇතිවූ හදිසි අසනීපයක් හේතුවෙන් ඇය මිය ගොස් තිබුණි. බිරිඳගේ අවසන් අවස්ථාවට සහභාගී වීමට කරන ලද ඉල්ලීමට අනුව බන්ධනාගාර නිලධාරීන් ඊට ඉඩ සලසා දී තිබුණේ දැඩි ආරක්ෂාවක් සමගින්ය. බිරිඳ වූ ආනන්ද සුදාකර් යෝගරාණිගේ දේහයට අවසන් ගෞරව පවත්වා සිය දියණිය හා පුතනුවන් දුටු සුදාකර් හඬා වැලපුනේ රුස්ව සිටි සියලු දෙනාගේ නෙතඟට කඳුලක් එක් කරමිණි.
තමන් කොයි තරම් වරදක් කර ඇත්තේද ඉන් විඳවන්නේ කව්රුන්ද යන්න වැටහුණු ආනන්ද සුදාකර් මහුණ සගවාගෙන ඉකිගසමින් හඩා වැළපුණේ තම දරු දෙදෙනාගේද මුහුණ බැලීමට නොහැකි තරම් වූ ලැජ්ජාවකිනි.
මවගේ වෙන්වීමෙන් ඇති වූ කඳුළු සතුටු කඳුළු බවට වුයේ පියා ගෙදර පැමිණීම නිසාය ඒ නිසාමදෝ දියණිය පියාගේ එඩොක්කුවෙන් බැස්සේ නැත.
දියණියගේත් පුතණුවන්ගෙත් සතුටු කඳුළු නැවත් හඩූ කඳුළු බවට පත් වූයේ බිරිඳගේ අවසන් කටයුතු සිදු කිරීමෙන් පසුව ආනන්ද සුදාකර් නැවත බන්ධනාගාරයට රැගෙන යාමට සූදානම් වූ අවස්ථාවේදීය. එය දැනුණු දියණිය බන්ධානාගාර බසය දෙසට දිව ගොස් පියාගේ දෑතේ එල්ලී නැවත නොයන ලෙසටත් අනේ මාමේ අපේ තාත්තා අරන් යන්න එපා කියා හැඩූ අයුරු රැස්ව සිටි අයට මෙන්ම බන්ධනාගාර නිලධාරීන්ගේද නෙතගට කඳුළු ඉනුවා නොවෙන්නට බැරි නැත.
නමුත් සියල්ලන් නීතියට හිස නැමිය යුතුය. දියණියටද එය නුදුරේම වැටහෙනු ඇත. ඔවුන් තම පියා නැවත නොයන්නට නිවසට පැමිණෙන තුරු බලා සිටියි. පුතනුවන් හා දියණිය මේ වන විට ආනන්ද සුදාකර්ගේ ඥාතීන්ගේ රැකවරණයේ සිටින අතර මේ සියලු දේ විඳි ආනන්ද සුදාකර් කොතරම් නම් ජීවිතයේ යථාර්තය වටහාගන්නට ඇත්ද? ඔහුට නැවත කෙදිනක හෝ නිවසට පැමිණිමට වාසනාව හිමිවන තුරු ඔහු විඳවමින් සිටිනු නොඅනුමානය.
දෙදහස් විසිපහේ මැයි මස 06 වැනිදා (පෙරේදා) මෙරට පැවැති පළාත් පාලන මැතිවරණය පළාත් පාලන මැතිවරණ ඉතිහාසයේ වැදගත් සංධිස්ථානයකැයි සැලකිය හැකිය. 2018න් පසුව වසර 07
ශ්‍රී ලංකාවේ මෑතකදී තේරී පත් වූ ජනාධිපති අනුර කුමාර දිසානායකගේ දේශපාලන සන්ධානය වන ජාතික ජන බලවේගය, බහුතර සිංහල ප්‍රජාවෙන් මෙන්ම සුළුතර දෙමළ ප්‍රජාවෙ
පළාත් පාලන මැතිවරණය ඊයේ අවසන් විය. දැන් ඉතිරි වී ඇති තවත් එක් ප්‍රශ්නයක් වන්නේ රජය විදුලිබිල ඉහළ දමනු ඇත්තේ කවදා ද යන්න සහ කොපමණ ප්‍රමාණයකින් ද යන්නයි.
1917 අංක 24 දරණ දේශීය ආදායම් පනතේ 102 වැනි වගන්තියට අනුව, 2024 ජනවාරි 1 වැනි දින සිට බලපැවැත්වෙන පරිදි, වයස අවුරුදු 18 හෝ ඊට වැඩි හෝ 2024 ජනවාරි 1 වැනි දින හෝ ඊට පසු වයස අව
ප්‍රවීණ ගීත රචක ලේඛක මහින්ද චන්ද්‍රසේකර මහතා විසින් රචිත ‘වාපී’ නවකතාව අනුරාධපුරයේදී පසුගියදා එළිදැක්වුනි. ආචාර්ය ඩබ්ලියු.ඒ. අබේසිංහ මහතා එම උළෙලේද
ටයිටැනික් නෞකාව ගිලීගොස් වසර 113 ක් ගත වී ඇති නමුත්, තවමත් ඒ ගැන නොයෙක් නොයෙක් කතා කරළියට පැමිණෙයි. ජීවිත 1500 ක් බිලි ගනිමින්, ටයිටැනික් නැව සීතල උතුරු අත්ලා
2025 අප්‍රේල් මස 29
1136
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
287
2
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1325
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
අනේ මාමේ තාත්තාව තියල යන්න
Thilina Wednesday, 21 March 2018 08:06 AM
මේ දරු දෙදෙනා ගැන මට නම් ඇත්තේ බලවත් හිත් වේදනාවකි. මේවාට වගකිව යුත්තෝ කවරහුද?
සාරාසී Wednesday, 28 March 2018 10:57 AM
ඒ දරුවා ගේ තාත්තා නම් හිරේ හරි ඉන්නවා. තාත්තා ගේ බෝම්බ ට ගිය අය, ඒ වෙනුවෙන් අදටත් හඩා වැටෙන අය...?
ravi Wednesday, 21 March 2018 11:21 AM
බෝම්බ කාරයන්ගේ.. කුඩු කාරයන්ගේ.. ත්‍රස්තවාදීන්ගේ පවුලේ අය මේවා නීතිවිරෝධී බව දන්නව නේද..? එක එක්කෙනා බොරුවට පොලිසිය ඉදිරියේ හඬා වැටුණයි කියලා නීතිය වෙනස් කළ යුතුද?
Aluthgama A. Samathasena. Wednesday, 21 March 2018 12:39 PM
පියා කල පවට දඬුවම් ලැබුණා පුතේ. ඒ ගැන දුක්වෙලා දැන්නම් පලක් නැතේ. කොටියන් අපට දුන් ගින්දර නිමක් නැතේ. යහපත් ලෙස හැසිර දිවි ජය ගනින් පුතේ.
Chanak Los angeles Thursday, 22 March 2018 03:19 AM
නිරායුධ පොලිස් නිලධාරීන් 600 ක් ඝාතනය කල කරුණා දඬුවම් නොලබා රටේ ප්‍රධාන පක්ෂයක උප සභාපති තනතුරක් ලැබුවේ කෙසේද ? මොකක්ද එම නීතිය කියල දන්නා කෙනෙක් කියනවාද ?
yaka Thursday, 22 March 2018 03:37 AM
මිරුසවිල් ඝාතනයට සම්බන්ද වුන සෙබලාගේ දියණිය සහ මෙම දියණිය අතරේ වෙනසක් නැහැ. දෙන්නටම තමන්ගේ තාත්තා ළඟ ඉන්න හිමිකමක් නැහැ.
chinthaka Thursday, 22 March 2018 04:32 AM
පුතේ, ඔයාටනම් තාම ඔයාගේ තාත්තව දැහැට දකින්න ඉන්නවා කියලා හිත හදා ගන්න. ඔයාගේ තාත්තා එදා 2008 දී ඒ කොළඹ තිබ්බ බෝම්බෙන් ඔයා වගේ චුටි බබාල විතරක් නෙමෙය්, ඔයාගේ අම්මා වගේම අම්මලාගේ බඩේ හීටිය ඉපදිලාවත් නැති ගොඩක් බබාලත් සදහටම මේ ලෝකේ දාලා ගියා. ඔයා වගේම චුටි බබාල සිය ගානකගේ ආදරණීය තාත්තලා සදහටම නැතුව ගියා. හොදම දී කෑ ගහල ලෝකෙටම කියන්න "තාත්තේ ඔයා කරපු ඒ මහපොළොව උහුලන්නේ නැති වැඩේ නිසා විදවන්න වෙලා තියන තවත් එක බබෙක් මම" කියලා. එහාකොට වෙන තාත්තලත් පාඩමක් විදියටවත් ඒ වගේ පවුකාර වැඩ නොකර ඉදිය්.
Chandima Thursday, 22 March 2018 06:47 AM
මට නම් තරහ වෙන කවුරුවත් ගැන නෙමෙයි. දකුණේ සිංහල මිනිසුන්ව මරද්දී එක වචනයක් වත් කතා නොකරන කොටින්ට වාසියට විතරක් කතා කරන අර මිනිස්සු බොරුවට මානව හිමිකම් ගැන දොඩවන අය ගැනයි.
Waruna Thursday, 22 March 2018 07:23 AM
මෙම වරද කරුට හැකිනම් ජනාධිපති සමාවක් දීමට හැකිනම් එයට මේ රටේ සිංහල ජනතාවද විරුද්ධ නොවෙනු ඇත. ඉන්දීය අගමැති මරපු අපරාදකරුට ගාන්ධි පවුලෙන් සමාව දුන්නා වගේ .
DILITHA Thursday, 22 March 2018 11:03 AM
ජනාධිපති බලතල යටතේ මොහුට සමව දෙනවා නම් අගනේය...
emerson Thursday, 22 March 2018 04:56 PM
පුළුල්ව සාකච්චාකල යුතු මාතෘකාවක් . කෙසේ වෙතත් වෛරයෙන් වෛරය නොසන් සිදේ
s.c.perera Friday, 23 March 2018 07:06 AM
නීති විරෝධී දෙයක් කරන්න කලින් එකෙන් ලැබෙන විපාක පිළිබඳව හිතන්න.තමන් විතරක් නෙවේ අම්ම තාත්ත දුදරුවෝ දුකට පත්වෙන බව හිතන්න. මේක සියලුම අයට සිදුවෙන දෙයක්. විපාක හිතන්නේ නැතිව හොරකම් කරනවා මිනිමරනවා... ගෙවල් කඩ ගිනිතියනවා. මේ ඔක්කොටොම අම්ම තාත්ත දරුවෝ දුක් විදින්නවෙනවා. මහනුවරදී ,දිගනදී අල්ල ගත්ත වැරදි කාරයන්ට ඇප නොලැබුණහම අම්මල හඬපු විදිහත් අපි දැක්ක. අම්මව රිමාන්ඩ් කරනකොට වීරවංසගේ දරුවෝ හඬපු ආකාරය අපි දැක්කා. තව කොච්චරනම් මේවගේ දේවල් හැමදාම දකිනවද. මේවට ආණ්ඩුවට බැනල වැඩක් වෙන්නේ නැහැ . මිනිස්සුන්ම මේවා අවබෝධ කර ගන්න ඕන.
malee Sunday, 25 March 2018 12:33 PM
සිංහල, මිනිස්සු සහ අපේ රණවිරුවෝ කී දෙනෙක් හිරේ දාන්න මේ දෙමළ අය බලා ඉන්නවද? ඒවාට කවුද අනුකම්පා කරන්නේ?