සල්ගල වන සෙනසුන

අවිස්සාවේල්ල-කෑගල්ල ප‍්‍රධාන ගමන් මගේ ගලපිටමඩ හන්දියේ සිට කිලෝමීටර පහක් පමණ දුරින් වැලිතැල්ල -කැටගිල්ල වන රක්ෂිතයයි . එහි පිහිටා තිබෙන සල්ගල ආරණ්‍ය සේනාසනය සුපේෂල, ශික්ෂාකාමී භික්ෂූන් වහන්සේලා සසරින් එතෙරවන්නට මං සොයන තවත් එක් පින් බිමෙකි. අනුරාධපුරයේ රජකම් කළ වළගම්බා රජු සතුරු ආක‍්‍රමණ වලින් බේරීම සඳහා සල්ගල සැඟවී සිටි බව ජනප‍්‍රවාදය කියයි. රජු සල්ගලට පැමිණීමට පෙර ද මෙහි භික්ෂූන් වහන්සේලා වැඩ සිටි බවට සාක්කි ඇත. වන සෙනසුනෙහි ගිජ්ජකූට ලෙනෙහි කටාරමට පහළින් ‘බත දම ගුත ලෙන’ යනුවෙන් බ‍්‍රාහ්මී අක්ෂර දක්නට ලැබේ. ඉන් අර්ථ ගැන්වෙන්නේ ආර්ය මාර්ගයට ප‍්‍රවිෂ්ඨ වූ යන්නයි. භාතෘ ධර්මගුප්ත මහ රහතන් වහන්සේද මෙහි වැඩ සිටි බව කියති. මේ ලෙන විහාර මන්දිරයයි. එහි සමාධි බුද්ධ ප‍්‍රතිමාවකි. වනස්පතින්ගෙන්ද, රක්ෂිතයේ උරුමකරුවන් වන සතුන් ද බහුල සල්ගල කටාරම් කෙටූ ගල් ලෙන් බොහොමයකි. පිප්පලී ලෙන, වේහාර ලෙන, ඉසිගිරි ලෙන, පරමක ලෙන, පාණ්ඩව ලෙන, ඇතුබැඳි ලෙන ඉන් කිහිපයකි. වළගම්බා රජුගේ මඟුල් ඇතු, බැඳ සිටි ස්ථානයේ පිහිටි ලෙන ඇතු බැඳි ලෙන නමින් හැඳින්වේ. මේ සෑම ලෙනක් සමීපයේම යෝගාවචර භික්ෂූන් වහන්සේලා බවුන් වඩන සක්මන් මළුවක් දක්නා ලැබේ. ඇතැම් තැනෙක පිළිකුල් භාවනාව මෙනෙහි කිරීමට යොදා ගන්නා ඇට සැකිල්ලකි. නා නා විධ ‘තුරුලතා හා වන මලින් අලංකාර වූ වනය මැඳින්් පර්වත මුදුණට නැඟි විට මනස්කාන්ත වූ කඳු ශිඛර අවටින් පෙනේ. දසත නෙත ගැටෙන මේ සුන්දර ස්ථානය බැලූම්ගලයි. පෙර රජ දවස සතුරන් පැමිණේදෝයි ඔත්තු බැලූවේද බැලූම්ගල සිට බව කියැවේ. ශ්‍රී පාදස්ථානය ද එතැනට පෙනේ. අරණ්‍යය සිත් කළුය.

අදහස් (0)

සල්ගල වන සෙනසුන

එච්.එම් සරත් Friday, 26 August 2011 12:01 AM

මා දැන් විදේශ රටක සේවය කරනවා. නිවාඩුවට ලංකාවට පැමිණි විට සල්ගල යන්න අදහස් කරනවා. ස්තුතියි බුදුසරණයි.

: 0 0

තේ.එල්.සී ලක්ෂ්මී Saturday, 27 August 2011 06:05 PM

බොහේම ස්තුතියි. වැඩි විස්තර දැන ගන්න ආසයි.

: 0 0

බෝගහලන්ද Monday, 26 September 2011 07:29 AM

කොහොමහරි බලන්න යන්න ඕන.

: 0 0

හසිත Wednesday, 28 September 2011 01:10 PM

මේ ලිපිය පළ කළාට බොහෝම පින්. තවත් මෙවැනි ලිපි පළකරන්න

: 0 0

චන්දන ඒකනයක Friday, 09 September 2011 03:24 AM

දැනගන්න ලැබීම මහත් භාග්යක්.... ඊලග සැරෙ ලන්කාවට අවහම සෙනසුනෙහි සිල් ගන්න අදහස් කරනව

: 0 0

තිලක් Sunday, 18 September 2011 04:09 AM

සල්ගල යන්න පාර මෙහෙමයි. කොළඹ නුවර පාරේ වරකාපොලට ගිහින් අඟුරුවැල්ල පාරේ ගලපිටමඩට යන්න පුළුවන්. අවිස්සාවේල්ල කෑගල්ල පාරේ අගුරුවැල්ලට ගිහින් වරකාපොල පාරේ ගලපිටමඩට යන්නත් පුළුවන්. හරිම මනස්කාන්ත ස්ථානයක් සල්ගල. ජීවිතේ එක වරක්වත් බලන්න යන්නම වටිනවා.

: 0 1

ජේඑච්එම් ජයතිලක Friday, 09 September 2011 10:09 AM

සල්ගල වන සෙනසුන ඉතාමත් ශාන්ත පරිසරයක පිහිටි සුන්දර වන සෙනසුනකි මම ඉතා අගයකරන වන සෙනසුනකි

: 0 0

තලවතුගොඩ චන්දවිමල හිමි-www.oxfordimc.com Wednesday, 21 September 2011 10:47 PM

මා කාලයක් සල්ගල වේභාර ලෙනෙහි වැඩ වාසය කළා. හැන්දෑවේ හතරට විතර මුළු පරිසරයම කලුවර වේගෙන එනවා. අක්කර නවසියයක් පමණ වු වනාන්තරයෙ අයිනක කාත් කවුරුවත් නැතුව තනියම කුටියෙ ලන්තෑරුම පැත්තක තියාගෙන එරමිනිය ගොතාගෙන භාවනා කරන කොට ඇතිවන සහනය- තව්තිසා දෙව්ලොවත් නැතිව ඇති.

: 2 1

චන්දිම Saturday, 01 October 2011 06:28 PM

සල්ගල හරි ප්‍රසිද්ධ ආරාණ්‍ය සේනාසනයක් නෙ.මෙහෙ ගිහි අයට පුහුණු වෙන්න පහසුකම් නැද්ද?

: 0 1

ධමිමික Saturday, 03 September 2011 04:57 PM

දැන ගන්න ලැබීම ස්තුතියි. අපි ලංකාවට ආවාම බලන්න යනනවා.

: 0 0

වසන්ත නාත් පතිරත්න බිබිල Tuesday, 20 September 2011 12:58 PM

සිතට දැනෙන සහනය නිස්කලංක බව දකින්න ඔබත් යන්න මමත් ගියා

: 0 0

ඔබේ අදහස් එවන්න

විශේෂාංග

ඉන්දු - පාකිස්තාන යුද ගැටුම

2025 අප්‍රේල් මස 30 419 0

ඓතිහාසික ආරවුල් සහ කාශ්මීරයේ මෑතකාලීන ඛේදජනක සිදුවීම් හේතුවෙන් ඉන්දියාව සහ පාකිස්තානය අතර වර්ධනය වන ආතතීන් දකුණු ආසියාව පමණක් නොව පුළුල් ගෝලීය පිළි

ඉන්දු - ලංකා ගිවිසුම් රටටත් කියනු

2025 අප්‍රේල් මස 30 229 0

නිල සංචාරයක් සඳහා අප්‍රේල් මස 04 වැනිදා ශ්‍රී ලංකාවට පැමිණි ඉන්දීය අගමැති නරේන්ද්‍ර මෝදිට ශ්‍රී ලංකා රජය විදේශ පුරවැසියකුට පිරිනමන ඉහළම රාජ්‍ය සම්මාන

හෙළ සිනමාවේ නිළි රැජින

2025 අප්‍රේල් මස 30 924 1

හෙළ සිනමාමේ වත්මන් නිළි රැජින ලෙසින් සැලකෙන මාලිනී ෆොන්සේකා අද 30 වැනිදා ජීවන ගමන් මගේ 78 වැනි විය සපුරයි. මේ ලිපිය ඒ නිමිත්තෙනි.

වචන ඇහුවාම දැන් කාලෙ සින්දු එපාවෙනවා

2025 අප්‍රේල් මස 29 625 0

ප්‍රවීණ ගීත රචක සාහිත්‍යවේදී බණ්ඩාර ඇහැළියගොඩගේ නිර්මාණ හා නිර්මාණ දිවිය අළලා ගෝනදෙණියේ විමලජෝති හිමියන් විසින් රචිත ‘නොනිමෙන පහන්සිළ - බණ්ඩාර ඇහැළ

විදුදය බිහිකළ හික්කඩුවේ ශ්‍රී සුමංගල නා හිමියෝ

2025 අප්‍රේල් මස 29 182 0

1827 ජනවාරි 20 වැනිදා ශ්‍රී ලංකාවේ දකුණු පළාතේ ගාල්ල දිස්ත්‍රික්කයේ දකුණු වෙරළබඩ නගරයක් වන හික්කඩුවේදී වලාකුලුගේ දොන් ජහානිස් අබේවීර ගුණවර්ධන මහ ලියනාර

මාර්ගගත සුරක්ෂිත පනත අවශ්‍යද?

2025 අප්‍රේල් මස 29 50 0

ඉතිහාසයේ වඩාත්ම දරුණු ආර්ථික අර්බුදයට පසුව ශ්‍රී ලංකාවේ ආර්ථිකය යම් තරමක ස්ථාවර වීමක් අත්කර ගෙන ඇති අතරම, වර්ධනාත්මක ගමන් පථයක් ඔස්සේ වූ ප්‍රගතිය පැහ