IMG-LOGO

2024 ජුනි මස 18 වන අඟහරුවාදා


ශ්‍රියා මනමත් කළ ආනන්ද අයියා

අභාවප්‍රාප්ත ප්‍රවීණ සංගීතඥයකු වූ ආනන්ද පෙරේරා මහතාගේ අවසන් කටයුතු හෙට (29) මහයියාව පොදු සුසාන භූමියේදී සිදුකෙරේ. මේ සටහන ඒ නිමිත්තෙනි.

ප්‍රකට සංගීතඥ, සංගීත අධ්‍යක්ෂ සහ තනු නිර්මාණක ආනන්ද පෙරේරා මහනුවර රෝහලේ ප්‍රතිකාර ගනිමින් සිටියදී පෙරේදා (26) සවස අභාවප්‍රාප්ත වූ අතර මියයන විට ඔහු 67 වැනි වියෙහි පසුවීය. 

‘‘සිහශක්ති”‍ වාද්‍ය වෘන්දයේ නායකයා ලෙසින් කටයුතු කරමින් කාගේත් සිත් දිනාගත් ආනන්ද අයියා ටෙලිනාට්‍ය රැසක සංගීත අධ්‍යක්ෂණය කළේය. යසනාත් ධම්මික බණ්ඩාර රචනා කොට 2000 වසරේ පටිගත කළ මවිසින් ගයන ”‍තටු බිඳී හඬන කිරිල්ලියේ........”‍ ගීතය සංගීතවත් කළේ ඔහු විසිනි.

මම ද ශිල්ප ලැබූ මහනුවර ධර්මරාජ ශිල්ප ශාලිකාවේම අකුරු කළ ආදී සිසුවකු වන ආනන්ද අයියා යනු, අතිදක්ෂ සංගීතඥයකු වූ නැසීගිය සිරිල් පෙරේරාගේ පුතුය. මා එවකට ආචාර්ය නන්දා මාලිනියගේ ‘සත්‍යයේ ගීතය’ ප්‍රසංගයක අත්වැල් ගැයීමට සහභාගී වූ සමයක එතුමන් අභාවප්‍රාප්ත වූ අවස්ථාවේ නන්දා මා​ලිනී සමගින්ම අප එහි ගොස් ඔහුට අවසන් ගෞරවය ද දැක්වීය.

ආනන්ද අයියා නිර්මාණය කළ තනු අතර අජන්තා රණසිංහයන් රචනා කොට එඞ්වඞ් ජයකොඩි ගයන ‘‘මුව මුක්තා ලතා........”‍ සහ සමන් අතාවුදහෙට්ටි රචනා කර අතුල අධිකාරි ගයන ”‍සිලිලාර සිත නයනා.......”‍, ප්‍රීති රන්දෙණිය රචනා කර සමිතා මුදුන්කොටුව ගයන ”‍පිපිච්ච මල්........”‍, අතුල අධිකාරි ගයන ‘‘මුතුලතා.......”‍, නිරෝෂා විරාජිනී ගයන ”‍ඔබ සඳක් මැයි.......”‍, සිහශක්ති කණ්ඩායම සමග කෞෂල්‍යා ප්‍රනාන්දු ගැයූ ”‍දෝන කතිරිනා.......”‍ වැනි ගීත ජනාදරයට පත් විය.

ඉකුත් 2019 වසරේදී ජයන්ත රත්නායක වෙනුවෙන් පැවැත්වුණු ප්‍රසංගයේ ද ආනන්ද අයියා සීහශක්ති වෘන්දය පිරිවරා ගී ගැයූ අතර ඉකුත් වසරවල අතිශය ජනප්‍රිය වූ ‘‘ලෙය සහ ළය”‍ වැඩසටහන තුළින් ද ඔහු නිතර අප දෙනෙත් මානයේ සත්සර රටා මවන්නේය. කලක් ගිලන්ව සිටි ආනන්ද අයියා අප සැමගේ ආශිර්වාදය සහ ආදරය මධ්‍යයේ මේ වන විට සම්පූර්ණ සුවය ලබා අප වෙනුවෙන් ස්වකීය නිර්මාණ කාර්යයේ නියැලීම සතුටකි. ඉකුත් 2020 වසරේ පෙබරවාරි 29 වනදා පැවැත්වුණු චාමින්ද රත්නසූරියගේ ”‍රෝමාන්තිකයා”‍ ප්‍රසංගයේ ඔහු ද ගීතවත් වූ අතර එදින ද මම ඔහුගේ ඡායාරූප කිහිපයක් ගතිමි.

ආසන්නතම වශයෙන් ද ඉකුත් වසරේ සැප්තැම්බර් මස 30 වැනිදා මා හට Grand Monarch හෝටලයේ පැවැත්වුණු, මහනුවර ධර්මරාජ විද්‍යාලයේ ආදි ශිෂ්‍ය සංසදයේ කොළඹ ශාඛාවෙන් පැවැත්වූ Legends of Rajans ප්‍රසංගයේ දී ඔහු මුණගැසුණු අතර එදින ඔහු සිය ජනප්‍රියම ගී රැසක් ගයමින් මා ද ඇතුළු ආදි ධර්මරාජයන් පිනෙව්වා අද මෙන් මට මතකය. එකෙණෙහි ඔහු එසේ හමුවන අවසන් වතාව බව අප නොදැන සිටි නමුදු, ජීවිතය යනු එයම යැයි පසක් කරමින් ඔහු මෙසේ අපෙන් වියෝවන්නේය.

නිබඳවම පැවැත්වෙන ධර්මරාජ විද්‍යාලයේ ප්‍රසංග සඳහා බොහෝ කාලයක පටන්ම ගී ගැයීමට කැඳවනුයේ එහි ආදි සිසුන් වූ කීර්ති පැස්කුවෙල්, ආනන්ද අයියා සහ මා ය. අප එක්ව එම ප්‍රසංගවලට ආ ගිය මතකයන් සේම එහිලා ගීතවත් වූ මතකයන් ද බොහෝ ය. එමෙන්ම වරෙක ආනන්ද අයියාගේ දියණියක වියෝවූ අවස්ථාවක පවා අප සැවොම එහි ගොස් ඔවුන් සමග දුක බෙදාගත්හ. එවැනි මතක නම් තවත් කොතෙක්දැයි සිතේ. එහෙත් දැන් ආනන්ද අයියා වෙසෙනුයේ එම මතකවලම පමණි.

ඔහුගේ නිසල දේහය මේ වන විට 10/3D, මංගලගම පාර, මොලදණ්ඩ, කිරිබත්කුඹුර නිවසේ තැන්පත් කර ඇති අතර දේහය පිළිබඳ අවසන් කටයුතු හෙට (29) සවස 4ට මහයියාව පොදු සුසාන භූමියේ දී සිදු කිරීමට නියමිත ය.

ආදරණීය ඔහුට නිර්වාණ සුවය වැඩි ඈතක නොවේවායි පතමි !!!

 

(***)
ප්‍රවීණ ගායන ශිල්පී
දයාන් විතාරණ

 



අදහස් (4)

ශ්‍රියා මනමත් කළ ආනන්ද අයියා

මැක්ස් Tuesday, 28 May 2024 12:21 PM

ආනන්ද පෙරේරා මහතා පිළිබඳ මතකයන් ලිවීම කොච්චර හොඳ වුවත්, භාෂාව පිළිබඳ මීට වඩා උනන්දු වුවා නම් අගෙයි දයාන් විතාරණ මහත්තයෝ! ආනන්ද පෙරේරා දක්ෂ සංගීතවේදියානන්ට නිවන් සුව අත්වේවා!

:       13       7

Sam Tuesday, 28 May 2024 12:53 PM

කැමති අකමැති කෙසේ වෙතත් මමනම් අහලා තියෙන්නේ මෙතුමාගේ "ශ්‍රියා මනමත් වී" ගීතය විතරයි.

:       14       4

සමන් විමලධර්ම ධර්මදාස Tuesday, 28 May 2024 04:08 PM

ආදි ධර්මරාජයකු ලෙස නිවන් සුව පතමි.

:       0       1

kumara Tuesday, 28 May 2024 07:49 PM

ඉහළින් දක්වා ඇති අදහස් අනුව පෙනෙන්නේ, මොනවා නැතත්, ශ්‍රී ලාංකිකයින් යථාර්ථවාදයේ (Realism) පරතෙරටම පැමිණ ඇති බවයි.

:       0       7

ඔබේ අදහස් එවන්න

විශේෂාංග

පරිත්‍යාග රැසක් සිහිකරන හජ් වන්දනාව
2024 ජුනි මස 17 60 0

ලොව පුරා වෙසෙන මුස්ලිම් බැතිමතුන් ඉමහත් බැතියෙන් සමරන හජ් උත්සවය අදට (17) යෙදී ඇත. මෙම ලිපිය පළ වන්නේ ඒ නිමිත්තෙනි.


මෝදිගෙන් ගතයුතු පාඩම්
2024 ජුනි මස 17 205 0

ඉන්දියාවේ ලෝක් සභා මැතිවරණය, දෙවතාවක් අගමැති ධුරය හෙබවූ නරේන්ද්‍ර මෝදි හා නේරු පවුලේ බලයේ උරුමකරු වූ රාහුල් ගාන්ධි යන ප්‍රධාන තරගකරුවන් දෙදෙනාම කනස්


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 60 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


හිටිගමන් මතක් වූ දහතුන
2024 ජුනි මස 15 284 1

උතුරේ ඇතැම් දේශපාලනඥයන් ඉදිරි ජනාධිපතිවරණය වර්ජනය කරන්නේද නැත්නම් වෙනම දෙමළ පොදු අපේක්ෂකයකු ඉදිරිපත් කරන්නේදැයි විවාද කරමින් සිටින අතර තුර දකුණේ ප


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 189 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


ලංකාවේ උසස් ප්‍රේක්ෂකයන් සිටීම අසිරිමත්
2024 ජුනි මස 14 431 0

‘‘සහන්‍යා පදනම ශ්‍රී ලංකා’’ හා ‘‘සිද්ධිවිනායක් සිනෙ ආර්ට්ස්’’ වෙනුවෙන් කෞශල්‍යා වික්‍රමසිංහ සංවිධාන කරන ‘‘සුබ්‍රමනියා ග්ලෝබල් ෆියුෂන්’’ ප්‍රසංගය


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1319 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3043 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2493 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site