හිරු ගිනියම්ය. වැගිරෙන දාහයට මද පවන තරමක සිසිලක්ය. මම කුරුඳුවත්ත පොලිසිය ඉදිරිපිට රාජ්ය ලේඛනාගාර ගොඩනැගිල්ල අසලින් නිදහස් චතුරස්රය හරහා රූපවාහිනී සංස්ථාව අසලින් බෞද්ධාලෝක මාවතට වැටෙන සොඳුරු මාවතේ පියනගමි. මගේ නෙතු මානයෙන් මෙපිට මැවෙන පරිසරය සැබැවින්ම සොඳුරුය. හාත්පස හරිත වර්ණ ගහකොළින් අලංකෘත වී ඇත. ඒ තුරු වදුලූ යටින් වැටී ඇති අලංකාර ගල් ඇතිරූ මාවත තිස් වසරක කුරිරු යුද්ධය අවසන් කරන්නට ලේ, කඳුළු, දහදිය වැගිරූ අපේම වීරෝදාර රණවිරුවන්ගේ දහදිය මහන්සියෙන් මිල කළ නොහැකි අමිල සේවයක අවසන් ප්රතිඵලය ලෙස මාස තුනක් වැනි කෙටි කලකින් මේ අපූරු මග නිමැවිණි. මහින්ද රාජපක්ෂ වත්මන් ජනපතිතුමන්ගේ මඟපෙන්වීම යටතේ රාජ්ය ආරක්ෂක අමාත්යංශයේ ලේකම් ගෝඨාභය රාජපක්ෂ මහතා ඇතුළු නිලදරුවන්ගේත් කොළඹ මහ නගර සභාවේ විශේෂ කොමසාරිස් භද්රානි ජයවර්ධන මහත්මිය ඇතුළු කාර්ය මඩුල්ලේ සහයෝගය ඇතිව මේ වැඩ කටයුතු දියත් විණි. මඩවගුරු, බැමි, තාප්පවලින් අපිළිවෙළ වී තිබූ ඒ කලාපය අද ඉතාමත් විධිමත්ව නෙතට සැබැවින්ම පි්රය උපදවන අයුරින් නිර්මාණය වී තිබේ. ශ්රී ලංකා යුද හමුදාවේ සහ සිවිල් ආරක්ෂක බළකා විරුවන්ගේ අප්රතිහත ධෛර්ය මේ සියල්ල ක්රමවත්ව නිමවන්නට මිශ්රවිණි. නිදහස් චතුරස්ර ගොඩනැගිල්ල අවට වූ හරිත වර්ණ තණ පළසේ වාඩිවී නිදහසේ ගිමන් හරිනා දුවා දරුවන් කිහිප දෙනෙකුගෙන් යුත් දෙමාපියන් ඒ පරිසරයේ සුලභය. සාමයේ අරුණලූ වැටුණු කොළඹ නගරයේ සන්සුන් බවට මේ දසුන් කදිම නිදසුන්ය. තවත් තැනක පතපොත අතර හිඳ අධ්යාපන කටයුතුවල යෙදෙන දුවා දරුවන්ය. එවැනි කටයුතුවලට මෙම පරිසරය කදිම තෝතැන්නක්ය. එම මාර්ග පද්ධතිය තුළ නිම වූ පා ගමන් හා පා පැදිවල ගමන් කළ හැකි අලංකාර සිමෙන්ති ගල්වලින් නිමවූ මග ලංකාවේ ප්රථම වරට නිමවූවක්ය. කොළඹ නගර සභාවේ කොමසාරිස්වරිය, ඉංජිනේරුවන් ඇතුළු කාර්ය මඩුල්ල මේ කටයුතුවලදී පෙරමුණ ගත්තෝය. එසේම නිදහසේ ශාරීරික ව්යායාම්වල යෙදිය හැකි මංතීරුවක් නිදහස් චතුරස්ර පරිශ්රයට යාබදව නිමැවුණේය. ඉඩම් ගොඩ කිරීමේ හා සංවර්ධනය කිරීමේ සංස්ථාවේ සභාපති හර්ෂාන් සිල්වා මහතා ඇතුළු කාර්ය මඩුල්ල එහි නියමුවෝ වූහ. මේ අපූරු භූමිය සෙවණ කරන්නට ලංකාවට ආවේනික වූ කොළඹ පරිසරයේ දකින්නට දුලභ රූස්ස ලෙස වැඩෙන ශාඛ වර්ග බොහොමයකි. කළුවර, බුරුත, පලූ, වීර, කෝන්, කැටකාල, මී, කොහොඹ, මිල්ල, කළුනික, හැලඹ ආදී ශාඛ ඒ බිමට සෙවණ දෙයි. මේ භූමියේ ටොරින්ටන් සිට රූපවාහිනි සංස්ථාව දක්වා ඇතුළු මාර්ග පද්ධතිය රාති්ර 11.00 දක්වා විදුලි පහන්වලින් ඒකාලෝක වන අතර ඒ ආශි්රත ප්රධාන මාර්ගවල ආලෝකය රාති්රය පහන් වනතුරුම දැල්වේ. පොලිසිය හා ති්රවිධ හමුදා නිලදරුවෝ පැය 24 පුරාම ආරක්ෂාව වෙනුවෙන් රැකවළෙහි යෙදෙති. එසේම මේ අලංකාර භූමිය අඛණ්ඩව නඩත්තු කිරීමේ කටයුතුවලද ඔවුහු නිරත වෙති. ඔලිම්පික් ගොඩනැගිල්ල අසල වූ දර්ශනීය ජල පොකුණද ඉතාමත් සොඳුරු ලෙස අලූත්වැඩියා කර තිබේ. ඒ ප්රදේශයේ දුගඳ හමමින් තිබුණු ජල අපවහන කාණු පද්ධතියේ එන ජලය ඇළ මාර්ගවලට යොමු කෙරෙන මෙම පොකුණ නඩත්තු නොකිරීම නිසා මෙම පෙදෙසට විශාල තර්ජනයක්ව පැවතිණි. ඉදිරියේ දී මෙම භූමියේ සැරිසරණ ජනී ජනයාගේ අවශ්යතා වෙනුවෙන් අවන්හල්, වැසිකිළි පද්ධති, ආදියද ඉදිවීමට නියමිතය. නිදහසේ වාහන නැවැත්වීමේ පහසුකම් මෙහි තිබීම බොහෝ රියැදුරන්ට සැනසිලිදායකය. වසර 30ක් පුරා බිය, සන්ත්රාසය හා අවිනිශ්චිත බවේ අඳුරින් වෙළීගත් මේ භූමිය ඒ අඳුරින් මුදවාගත් අභීත රණවිරුවන්ගේ ධෛර්යයෙන්ම කළඑළිවීම පිළිබඳව අප ඔවුනට හදවතින්ම ණයගැති විය යුතුය.
පාස්කු ඉරිදා සංහාරයට අදට වසර හයකි. මෙම ප්රහාරය පිරිමින්, කාන්තාවන් සහ ළමුන් ඇතුළු ජීවිත 269 ක් බිලිගත් ඛේදවාචකයක් වන අතර, එම අවස්ථාව වන විට ඔවුන්ගෙන් බොහ
පාස්කු ඉරිදා ඛේදජනක ප්රහාරයට වසර හයක් ළඟා වන අවස්ථාවේදී, ශ්රී ලංකාව තවමත් පැටළී සිටින්නේ පිළිතුරු නොලැබෙන ප්රශ්න, ප්රමාද වූ නඩු පැවරීම්, දේශපාලන ම
ජනාධිපති ඩොනල්ඩ් ට්රම්ප් සියලු රටවලට අප්රේල් 05 වැනි දා සිට බලපාන ලෙස ඔවුන්ගේ ආනයන තීරු බදු සියයට 10 දක්වා ඉහළ දැමීමේ නිල විධානයකට මෙම අප්රේල් 02 වන දි
කොළඹ මධ්යම බස් නැවතුම්පොළේ බෝධිය ආසන්නයේ නවතා තිබූ කාර් රථයක අටවන ලද අධිබලැති බෝම්බයක් පුපුරා ගියේ 1987 වසරේ අප්රේල් මස 21 වැනිදා සවස් යාමයේය.
ට්රම්ප්ගේ වෙෙළඳ කම්පනය ගෝලීය පිළිවෙලට දැවැන්ත පහරකි. එය නියෝජනය කරන්නේ 1970 ගණන්වලදී බ්රෙට්න්වුඩ්ස් ක්රමය අවසන් වීමෙන් පසු ඇති වූ විශාලතම බිඳවැටීමය
ශ්රී සුගත තථාගත සම්මා සම්බුදු රජාණන් වහන්සේ පන්සාළිස් වසරක් මුළුල්ලේ දේශනා කොට වදාළ ස්වාසුදහසක් ශ්රී ධර්මස්කන්ධයේ පහස ලැබුවුවා වූ පරම පූජනීය අතිඋ
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 බ්ලූ ප්ලැනට් ත්යාගලාභී මොහාන් මුණසිංහ මහතා, 2025 අප්රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්යක්ෂක හසිත් ප්රේමතිලක මහතා සහ හේලීස් සෝලාහි අධ්යක්ෂක/ප්රධාන විධායක නිලධාරී රොෂේන් පෙරේරා මහතා සමඟ කතාබ
අප්රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
යුධ විරුවන්ගේ දහදියෙන් තැනුණු අපූරු මංපෙතක්
ප්රියන්ති Friday, 16 December 2011 12:52 PM
අපේ විරු දරුවන් අපේ රටට ආඩම්බරයක්. අනෙක් රටවලට ආදර්ශයක්. තවත් මෙවන් දේ කරන්න ධෛර්යය ශක්තිය ලැබේවා
රුවන් Wednesday, 14 December 2011 03:25 PM
මෙම කාර්යය සදහා දහඩිය කදුළු හෙලන විරුවන්ට යෝධ බල යෝධ වීර්යය ලැබේවා