IMG-LOGO

2024 මැයි මස 27 වන සඳුදා


ප‍්‍රදර්ශනයේදී මිලට ගත යුත්තේ ජීවිතය කියාදෙන පොතපතයි

කොළඹ ජාත්‍යන්තර පොත් ප‍්‍රදර්ශනය මෙවරත් 13 වැනි වරට කොළඹ බණ්ඩාරනායක සම්මන්ත‍්‍රණ ශාලාවේදී සතියක් පුරා මහත් උත්කර්ෂවත් අන්දමින් පැවැත්වුණි. ලක්‍ෂ සංඛ්‍යාත ජනගඟක් කොළඹට කැඳවන වෙනත් සංස්කෘතික උළෙලක් තවත් ඇතැයි සිතන්නට නොහැකි තරමට මෙවරත් ප‍්‍රදර්ශනයට එක්වූ ජනතාව ලක්‍ෂ ගණනකි.කොළඹ තදාසන්න පෙදෙස්වලින් පමණක් නොව බොහෝ දුර බැහැර ගෙවාගෙන පවුල්පිටින් පැමිණි පිරිස් ද මෙම ප‍්‍රදර්ශනයේදී අපට හමුවිය.මතු දැක්වෙන්නේ ප‍්‍රදර්ශනයට පැමිණි ලක්‍ෂ සංඛ්‍යාත ජනකාය අතුරින් අප හා අදහස් දැක් වූ කිහිප දෙනෙකි.

පොත් ප‍්‍රදර්ශනයේ සැබෑ ප‍්‍රතිඵල නෙළා ගනිමු කිරිඳිවල, උක්ගහවිල ශ්‍රී වික‍්‍රමශිලා පරිවේණාධිපති දොම්පේ ශ්‍රී විජය ශ්‍රී හිමි වාර්ෂිකව පැවැත්වෙන කොළඹ ජාත්‍යන්තර පොත් ප‍්‍රදර්ශනයට හැම වසරකම සහභාගී වන කෙනෙක් මම. පොත් යනු අපේ දැනුම වර්ධනය කරන මාධ්‍යයක්. පොත් කියවන විට අප නොදන්නා දේ ගැන දැනුමක් ලබාගන්න පුළුවන්. එසේම දන්නා දේ වැඩිදියුණු කරගන්නත් පුළුවන්. සැකයක් තිබෙනවා නම් එය දුරු කරගන්නත් පුළුවන්.මෑත කාලයේ ලියැවුණු ආගමික පොත් රැුසක් මේ ප‍්‍රදර්ශනයට එක්ව තිබෙනවා. ඒ පොත් වලින් සමාජ ගැටලූ පවා හඳුනා ගන්න පුළුවන්. තමන්ට අවස්ථාවක් ලැබෙන හැම මොහොතකම පොත් පිංචක් කියවන්නැයි මා හැම කෙනකුගෙන්ම ඉල්ලා සිටිනවා. ගුරුවරයකුට කරන්නට බැරි මෙහෙයක් ඇතැම් විට පොතපතට ඉටු කරන්න පුළුවන්.ඒ සඳහා මෙබඳු ප‍්‍රදර්ශනවලින් ප‍්‍රයෝජන ගන්න. සැබෑ ප‍්‍රතිඵලය නෙළාගන්න.

දරුවන්ට කියැවීම හුරුකරවීමට හොඳ අවස්ථාවක් මිරිස්වත්ත ජාතික පාසලේ පුස්තකාලාධිපතිනි නයනා කුලතුංග අපේ පාසලට අවශ්‍ය පොත පත එකම තැනකින් ලබාගැනීමේ හැකියාව මෙම ප‍්‍රදර්ශනයෙන් ලැබෙනවා. එසේම පාසල් පුස්තකාල දියුණු කිරීමටත් ළමයින්ගේ කියැවීමේ රුචිය වර්ධනය කිරීමටත් මේ ප‍්‍රදර්ශනය බෙහෙවින් වැදගත්. ප‍්‍රදර්ශනයේ ඉඩ පහසුකම් තවදුරටත් පුළුල් කළ හැකි නම් වඩාත් හොඳයි.

ප‍්‍රදර්ශනය අති ශ්‍රේෂ්ඨයි තිලක් අබේගුවර්ධන (කැලණිය) මම රජයේ සේවයෙන් විශ‍්‍රාම ලැබූ අයෙක්. පොත් ප‍්‍රදර්ශනය ආරම්භ කළ වසරේ සිටම මම එය නැරැඹීමට පැමිණෙනවා. කොළඹ පොත් ප‍්‍රදර්ශනය අති ශ්‍රේෂ්ඨ වැඩක්. ප‍්‍රදර්ශනයෙන් මා වැඩිපුරම මිලට ගත්තේ දාර්ශනික හා ආගමික පොතපත. මම එදා සිටම පොතපත කියැවූ කෙනෙක්. ඒත් දැන් අපේ රටේ බොහෝ දෙනා පොත් කියවන්නේ විභාග ඉලක්ක කොටගෙන. අප කියැවිය යුත්තේ දැනුම වර්ධනය කර ගැනීමේ අරමුණ ඇතිවයි. ඒ සඳහා මේ ප‍්‍රදර්ශනය ඉවහල් කර ගන්න පුළුවන්. ප‍්‍රදර්ශනයේදී අප මිලට ගත යුත්තේ එදිනෙදා කියවා විසි කරන පොත් නොව ජීවිතය කියා දෙන පොත පතයි. ඒ කියැවීම තුළ අපට හැමදාම තෘප්තිමත්ව ජීවත් වෙන්න පුළුවන

මොන තරම් පොත් ගත්තත්  ඇති වෙන්නේ නෑ නීල් මුණසිංහ (පානදුර) මා සේවය කරන්නේ කම්කරු දෙපාර්තමේන්තුවේ. දරුවන්ගේ පටන්  ඕනෑම වයසක ජනතාව සඳහා අතිශයින් ප‍්‍රයෝජනවත් වන ප‍්‍රදර්ශනයක් මේ.  ඕනෑම ප‍්‍රකාශකයකු ප‍්‍රකාශයට පත් කළ  ඕනෑම පොතක් මේ ප‍්‍රදර්ශනයෙන් ලබාගැනීමේ අවස්ථාව තිබෙනවා. එය විරල අවස්ථාවක්. වැඩි කාලයක් ගෙන පොතපත තෝරාගැනීමට ලැබෙන අවස්ථාවත් වැදගත්.අපේ රටේ පොතපත කියවන පිරිස ගැන තවමත් සතුටු වෙන්න බෑ. එහෙත් මෙවැනි තැන් පොතපත කියැවීමට ජනතාව හුරු කරවනවා. මිලට ගන්නේ කවර පොතපතදැයි නිවෙසින් සැළසුම් කරගෙන ආවත් ප‍්‍රදර්ශන භූමියට පැමිණි පසු මොන තරම් පොත් ගත්තත් ඇති වෙන්නේ නෑ.මා ප‍්‍රදර්ශනයට පැමිණියේ පවුලේ සියලූ දෙනාද සමඟයි. දරුවන්ට කැමති පරිදි පොතපත තෝරා ගැනීමේ අවස්ථාව ඉන් ලැබෙනවා. මේ ප‍්‍රදර්ශනය ඉතාම හොඳ වැඩපිළිවෙළක්.  මෙමඟින් දරුවන්ට පොතපත ගැන ආසාවක් කැමැත්තක් හා අවබෝධයක් ලැබෙනවා. මෙවැනි පොත් ප‍්‍රදර්ශන දිස්ත‍්‍රික් මට්ටමින් පැවැත්වීමට හැකි නම් එය වඩාත් පලදායී වෙන්න පුළුවන්.

තරුණ පරපුර පොතපතින් ඈත් වී නැහැ අමන්දා සමාධි (බත්තරමුල්ල) එකම තැනකදී අඩු මිලකට පොත් ලබාගැනීමේ අවස්ථාව මෙම ප‍්‍රදර්ශනයෙන් ලැබෙනවා.  ඕනෑම විෂය ක්‍ෂේත‍්‍රයක් නියෝජනය කරන පොතපත මෙහි තිබෙනවා. මා මේ ප‍්‍රදර්ශනයට හැම වසරකම සහභාගී වෙනවා. තරුණ පරපුරේ කියැවීමේ රුචිය වර්ධනය කර ගැනීමට මෙය ඉතා හොඳ අවස්ථාවක්. තරුණ පරපුර පොතපත නොකියවනවා යැයි ඇතැමුන්ගේ චෝදනාවක් තිබෙනවා. ඒත් එහි සත්‍යයක් ඇතැයි සිතන්න බෑ. තරුණ පරපුර අද මනෝවිද්‍යාත්මක පොතපත කියැවීමට වැඩි වශයෙන් නැඹුරු වී ඇති බවයි පෙනෙන්නේ. මෙම ප‍්‍රදර්ශනය කොළඹට පමණක් සීමා නොකොට ප‍්‍රාදේශීය වශයෙන් රැුගෙන යාම වඩාත් වැදගත් වේවි.

පොත් ගන්න වසර පුරාම සල්ලි එකතු කරනවා හිමාලි ශෂිනිකා (කොළඹ ආනන්ද බාලිකා විද්‍යාලය) මා ඉගැනුම ලබන්නේ හය ශ්‍රේණියේ. හැම වසරකම මේ පොත් ප‍්‍රදර්ශනය බලන්න එනවා. මා ඒ වෙනුවෙන්ම මුදල් එකතු කරනවා.මා ප‍්‍රදර්ශනයෙන් වැඩිපුරම මිලට ගත්තේ පරිවර්තන හා ළමා කතා. පාසලට අවශ්‍ය පොත පතත් ප‍්‍රදර්ශනයෙන්ම ලබාගන්න පුළුවන්.

කිරිඳිවල, උක්ගහවිල ශ්‍රී වික‍්‍රමශිලා පරිවේණාධිපති දොම්පේ ශ්‍රී විජය ශ්‍රී හිමි මිරිස්වත්ත ජාතික පාසලේ පුස්තකාලාධිපතිනි නයනා කුලතුංග තිලක් අබේගුවර්ධන (කැලණිය) නීල් මුණසිංහ (පානදුර) අමන්දා සමාධි (බත්තරමුල්ල) හිමාලි ශෂිනිකා (කොළඹ ආනන්ද බාලිකා විද්‍යාලය)



අදහස් (0)

ප‍්‍රදර්ශනයේදී මිලට ගත යුත්තේ ජීවිතය කියාදෙන පොතපතයි

උදාර Tuesday, 21 October 2014 06:13 AM

පොත් ප්‍රදර්ශනය හොඳ පොත් ගන්න ගොඩක් වටිනවා. (අ)

:       0       0

ඔබේ අදහස් එවන්න

විශේෂාංග

නව පනත් අර්බුදයට විසඳුමක්ද?
2024 මැයි මස 27 97 0

​2022 වර්ෂයේ රට මුහුණ දුන් ආර්ථික අර්බුදයේ මූල හේතු ගණනාවකි. ඉන් ප්‍රධාන තැනක් හිමි වන්නේ, දශක ගණනාවක් තිස්සේ පවත්ව‍ාගෙන යනු ලබන ඉහළ අයවැය සහ ගෙවුම් ශේෂ හ


විගණන වාර්තා නියෝග වතුරේ යැවීමේ ප්‍රතිවිපාක
2024 මැයි මස 27 49 0

රාජ්‍ය ආයතනවල දූෂණ, වංචා සහ අක්‍රමිකතා වැළැක්වීමට රජයේ විගණකාධිපති දෙපාර්තමේන්තුව දුන් නිර්දේශ ලක්ෂයකට ආසන්න සංඛ්‍යාවක් සම්බන්ධයෙන් අවශ්‍ය ක්‍රිය


දිඹුලාගල සිංහයා - කිතලගම නාහිමි
2024 මැයි මස 25 712 3

රට, ජාතිය, සම්බුද්ධ ශාසනය වෙනුවෙන් සුවිශාල මෙහෙවරක් කර මෙරට වැඩිම දරු පරපුරක්, සම්බුද්ධ ශාසනයට ඇතුළත් කරගත් දිඹුලාගල හාමුදුරුවන් හෙවත් මාතර කිතලගම ශ්


ජනපතිවරණයට උතුරු - දකුණ ඡන්ද සාධක
2024 මැයි මස 25 510 0

ලක්ෂ ගණනක් ජනතාව 2012 දී වීදි බැස ආණ්ඩුවට එරෙහිව මාස හතරක් පුරා අරගල කරන්නට පොළඹවමින් උත්සන්න වූ ආර්ථික අර්බුදය හේතුවෙන් රටපුරා අති බහුතරයකගේ සාම්ප්‍රද


පාසල් අසල මාර්ගවල රථවාහන පාලනයක් ඕනෑ
2024 මැයි මස 25 145 1

අනතුරු සිදු වන්නේ කල් ඇතිව දැනුම් දී නොවේ. එහෙත් ඇතැම් අනතුරු වළක්වාගත හැකිය. එයට එළැඹගත් සිහියෙන් ක්‍රියා තළ යුතුය. එසේම ඇතැම් අනතුරුවලට හේතුව නොසැලක


චිත්‍රපට අරමුදලක් වහාම ඕනෑ
2024 මැයි මස 24 688 0

ඔහු මෙරට සිනමාව, ටෙලිනාට්‍යය යන අංශ ද්විත්වයේ නිතරම තම අධ්‍යයන කටයුතු සිදුකරන නිර්මාණශීලී අධ්‍යක්ෂවරයෙකි. ‘‘සුදු කළු සහ අළු’’ යන සිනමා පටය නිර්මාණය ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 965 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2525 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2162 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site