IMG-LOGO

2025 මැයි මස 09 වන සිකුරාදා


නාඳුනන තුවක්කුකරුවන්ට නැගිටින්න ඉඩ නොදෙමු

මේ රට චිකාගෝ නුවර දැයි සැක සිතෙන තරමට අපරාධ බහුල වෙමින් තිබේ. නාඳුනන තුවක්කුකරුවාගේ අණසකට රටම යටත් වෙමින් තිබෙන සෙයකි. උදේ දිවා රෑ වෙනසකින් තොරව ඉලක්ක හඹා යන තුවක්කුකරුවෝ ඉලක්ක සපුරා ගෙන සැඟව යති. තුවක්කුකරුවන් මැඩලන මෙහෙයුම් තවමත් හරි පාරට වැටී ඇති බවක් නොපෙනේ. පාතාලයේ අලුත්ම බිල්ල ගාල්ලේ කෝටිපති ව්‍යාපාරිකයෙකි.

ඉකුත් 23 වැනිදා රාත්‍රියේ යතුරුපැදියකින් පැමිණි දෙදෙනකු ටී 56 ගිනි අවියකින් එල්ල කළ උණ්ඩ වර්ෂාවකට මැදිව මියගියේ, ගාල්ලේ කෝටිපති නිමි ඇඳුම් ව්‍යාපාරිකයකු වන ලලිත් වසන්ත නමැත්තෙකි.

ඔහු ගාලු ක්‍රිකට් සමාජයේ උප සභාපතිවරයා ද වේ. එමෙන්ම, රාජ්‍ය ඇමැති ඩී.වී. චානක මහතාගේ මාමණ්ඩිය ද වේ. පාතාල කල්ලි දෙකක් අතර ඇති ගැටුමක් හේතුවෙන් මෙම ඝාතනය සිදු කර ඇතැයි පොලීසිය සැක කරයි.

මහමග මෙසේ මිනිසුන් මරා දමන්නේ නම්, එබඳු රටක පුරවැසියන්ගේ ජීවිතවලට ආරක්ෂාවක් නොමැත. ආරක්ෂාව යනු, කෑම බීම, ඉඳුම් හිටුම්, බෙහෙත් හේත් වැනිම මූලික අවශ්‍යතාවන් මෙන්ම මූලික අයිතිවාසිකමකි. ප්‍රතිවාදීන් එල්ල කර තිබුණ වෙඩි ප්‍රහාරවලින් අහිංසක සාමාන්‍ය මිනිසුන් මියගිය අවස්ථා මෙන්ම වරදවා වටහා ගැනීම නිසා අහිංසක මිනිසුන් පාතාලයේ වෙඩි උණ්ඩවලට බිලි වූ අවස්ථා ද තිබේ. මහමගට බැසීම දින නියමයක් නැති මරණ සහතිකය අතට ගැනීමක් බවට පත්ව තිබේ නම්, ආරක්ෂාව සම්බන්ධ වගකිව යුත්තන් ඒ සම්බන්ධයෙන් විශේෂ අවධානය යොමු කළ යුතුය.

දකුණු පළාතේ අපරාධ වැඩිවත්ම, අපරාධ මැඩලීම සඳහා පොලිස් විශේෂ කාර්ය බළකාය ද යොදාගනු ලැබීය. විශේෂයෙන්ම ගාල්ල සහ අම්බලන්ගොඩ ආශ්‍රිත ප්‍රදේශ මුදා නොගත් ප්‍රදේශ බවට පත්ව තිබිණි. පොලිස් විශේෂ කාර්ය බළකා සෙබළු හැම හන්දියකම, අතුරු මංමාවත්වල ද රාජකාරි කරති. එහෙත්, පාතාල ක්‍රියාකාරකම් අඩු වී ඇති බවක් නොපෙනේ.

පාතාලයේ ප්‍රධානම ආදායම් මාර්ගය වී තිබෙන්නේ, කුඩු ජාවාරමය. පාතාලයන් එකිනෙකාට එරෙහිව අවි ඔසවන්නේ කුඩු ජාවාරමේ තනි අයිතිය අතට ගැනීමටය. එසේ නම්, කළ යුතුව තිබෙන්නේ, කුඩු එන මාර්ග අහුරා තැබීමය. ශ්‍රී ලංකාව ආසියාවේ මත් කුඩු කේන්ද්‍රස්ථානය බවට පත්ව තිබේ. එයට හේතුව, ඇෆ්ගනිස්ථානයේ, ඉරානයේ හා පාකිස්තානයේ කුඩු ප්‍රවාහනය සිදු වූ මුහුදු ගමන් මාර්ගය හෙවත්, ආසියානු මත්ද්‍රව්‍ය මාර්ගය ශ්‍රී ලංකාවට ආසන්නයෙන් පිහිටා තිබීමය. මෙයින් දකුණු පළාත ඉන් විශේෂිතය. එයට හේතුව, මෝය කටවල්, කුඩා තොටුපොළවල් විශාල ප්‍රමාණයක් දකුණේ පිහිටා තිබීමය. දකුණේ ධීවර වරාය 19ක් තිබේ. ලියාපදිංචි බහුදින යාත්‍රා 2,888කි. ලියාපදිංචි ඩිංගි බෝට්ටු ගණන 1,680කි. ලියාපදිංචි නොකළ බහුදින යාත්‍රා සහ ඩිංගි බෝට්ටු ද විශාල ප්‍රමාණයකි.

පොලිස් වාර්තාවලට අනුව, රටට කුඩු එන ප්‍රධානම මාර්ගය මුහුදය. විශාල යාත්‍රාවලින් රැගෙන එන මත් කුඩු මුහුද මැදදී බහුදින යාත්‍රාවලට, ඩිංගි බෝට්ටුවලට පටවනු ලබයි. මත්ස්‍යයන්ට අමතරව කුඩු තොග ද රැගෙන මෙම යාත්‍රා මෙරටට ඇතුළු වෙයි. පාතාලයන් මෙසේ මරා ගන්නේ එම කුඩු ජාවාරම තමන් සතු කරගැනීමටය. එහෙයින්, පාතාලයන් මැඩලීමේ මෙහෙයුමේ ප්‍රධාන අංකය විය යුත්තේ, කුඩු එන මාර්ග අහුරා තැබීමය. ලෝක සිතියමේ අබැටක් තරමේ රටක් වන ලංකාවට එබඳු ආරක්ෂක වැටක් ඉදිකළ නොහැකි නම්, පාතාලයන්ට අපගේ ජීවන ඉරණම විසඳීමට බාර දෙනු විනා විකල්පයක් නැත.

(***)



අදහස් (1)

නාඳුනන තුවක්කුකරුවන්ට නැගිටින්න ඉඩ නොදෙමු

chandima Friday, 29 September 2023 05:50 PM

මීයෝ මරන්න මී කතුරු තිබ්බාට වැඩක් නෑ. මී ගුල් වහලා දාන්න ඕනෑ. ඇමැතිලා, මන්ත්‍රීලගේ ගෙවල්වල, දොරවල්වලට පිටින් මුරකාරයෝ දාලා ටෙලිෆෝන් ටැප් කරලා බැලුවා නම් මීයෝ කොටු කරගන්න පුළුවනි.

:       0       6

ඔබේ අදහස් එවන්න

 

 
 

විශේෂාංග

පළාත් පාලන ආයතන අනාගතය
2025 මැයි මස 09 18 0

පළාත් පාලන ආයතන 339 කට වැඩි ගණනකට සභිකයන් තෝරා පත් කර ගැනීමේ පළාත් පාලන මැතිවරණය පසුගිය මැයි 6 වැනිදා පැවැත්වීමට මැතිවරණ කොමිසම පියවර ගත්තේය. එදින ඡන්දදා


අරගලය ඉතිරි කළ වෙනස
2025 මැයි මස 09 35 0

අදට අවුරුදු 03 ට ඉහතින් 2022 මැයි 09 වනදා පාන්දර, අගමැති මහින්ද රාජපක්ෂ සිය පවුලේ සාමාජිකයන් කිහිප දෙනා සමග දැඩි හමුදා රැකවරණ යටතේ අරලියගහ මන්දිරයෙන් පිටත්ව


ඡන්දයෙන් විවර වූ ජනමනස
2025 මැයි මස 09 41 0

මාලිමා ආණ්ඩුව මෙවර පළාත් පාලන මැතිවරණ ප්‍රචාරක කටයුතු කළේ එය පළාත් පාලන ඡන්දයක් ලෙස ගනිමින් නොව, ජාතික මැතිවරණයක් ලෙස සිතමිනි. ජනාධිපතිවරයා රටපුරා ගො


පුංචි ඡන්දයේ සංඥාව
2025 මැයි මස 08 654 1

දෙදහස් විසිපහේ මැයි මස 06 වැනිදා (පෙරේදා) මෙරට පැවැති පළාත් පාලන මැතිවරණය පළාත් පාලන මැතිවරණ ඉතිහාසයේ වැදගත් සංධිස්ථානයකැයි සැලකිය හැකිය. 2018න් පසුව වසර 07


නව ව්‍යවස්ථාව කෙසේ වියයුතුද?
2025 මැයි මස 07 229 1

ශ්‍රී ලංකාවේ මෑතකදී තේරී පත් වූ ජනාධිපති අනුර කුමාර දිසානායකගේ දේශපාලන සන්ධානය වන ජාතික ජන බලවේගය, බහුතර සිංහල ප්‍රජාවෙන් මෙන්ම සුළුතර දෙමළ ප්‍රජාවෙ


අනාගත විදුලි බිල කොතැනද?
2025 මැයි මස 07 1046 0

පළාත් පාලන මැතිවරණය ඊයේ අවසන් විය. දැන් ඉතිරි වී ඇති තවත් එක් ප්‍රශ්නයක් වන්නේ රජය විදුලිබිල ඉහළ දමනු ඇත්තේ කවදා ද යන්න සහ කොපමණ ප්‍රමාණයකින් ද යන්නයි.


මේවාටත් කැමතිවනු ඇති

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1253 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 320 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 1343 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

Our Group Site