IMG-LOGO

2024 අප්‍රේල් මස 15 වන සඳුදා


නිර්මාණ රචකයා සම්මතයේ සිරකරුවකු විය යුතු නැහැ

මෑත යුගයේ ලාංකික කෙටි කතාකලාවට විශිෂ්ට නිර්මාණාවලියක් එක්කළ නිශ්ශංක විජේමාන්න කෙටි කතා රචකයකු මතු නොව නවකතාකරුවකු ලෙස ද ප්‍රකටය. ඔහුගේ නිර්මාණ බොහොමයක් රාජ්‍ය සම්මාන, ස්වර්ණ පුස්තක සම්මාන ඇතුළු විවිධ සම්මානාදියට බඳුන් වී තිබේ. හඳ පළුව තනි තරුව, තිත්ත සීනි, කීඩෑවෝ ඇවිල්ලා, වැලන්ටයින් කුමාරයා ආදී කෘති ඔහුගේ නිර්මාණ අතරින් කිහිපයකි. නිශ්ශංකගේ අලුත්ම නවකතාව කඳ අරනී’ විදර්ශන ප්‍රකාශනයක් ලෙස පසුගියදා නිකුත් විය. මේ සංවාදය ඒ පිළිබඳවය.

● ඔබේ අලුත්ම නවකතාව කඳ අරනී’ තේමාත්මකව ඉතා වෙනස් අනන්‍යතාවක් අරගන්න නවකතාවක්. වැදි ජන සංස්කෘතිය ගැන විශාල ලෙස අධ්‍යයනය කර රචනා කළ නවකතාවක්. කොපමණ කාලයක් මේ අධ්‍යයනයන් හා රචනයන් සඳහා ගත වුණා ද?

 අවුරුදු දෙකකටත් වඩා කාලය ගොඩක් ගෙව්වා මේ නවතකාව ලියන්න. සමහර කරුණු තහවුරු කරගන්න ඇවිදින්න වුණා. මූලාශ්‍ර හොයන්න මහා මහන්සියක් ගන්නට වුණා. දඹානේ ගුණවර්ධන මේ කාලය අතරේ වැදි භාෂාව’ කියා පොතක් ලියමින් හිටියා. එය මුද්‍රණයෙන් එළියට එනතුරු මං හිතාමතාම ප්‍රමාද වුණා. එය විතරක් නෙවේ. භූමියට ගොස් අධ්‍යයනය කිරීම ඇතුළු පූර්ව ලේඛන පරීක්ෂා කිරීමට බොහෝ කාලයක් ගෙව්වා. හරියටම කිව්වොත් පොත් 40ක් පමණ නැවත නැවත කියවන්නට සිදුවුණා. කාලය ගෙවුණා. මට හදිසියක් තිබ්බේ නැහැ. තවත් කල් ගියත් හොඳයි කියලයි හිතෙන්නේ

● මේ නවකතාවේ ප්‍රධාන චරිතය ඌරුවරිගේ සුගන්ධිකා කියන්නේ අධිපති කථිකාව විසින් ප්‍රබන්ධගත කරපු ඉතිහාස කතාව තුළ ආන්තික කරන ලද සමාජ කණ්ඩායමක ඉතිහාසය සොයා යන තරුණියක් කිව්වොත් එය නිවැරැදි ද?

 අධිපති කථිකාවක් තුළ අපි ඉතිහාසයේ හිරකාරයො වෙලා. අධ්‍යාපනය ඇතුලේ ඒක වඩාත් බලවත්. රවුම් කරලා පෙන්වන ටික තමා අපි දන්නේ. ඒක නොලීවොත් ෆේල්. මේ කැලෑ ගම් බිම් ඇතුලේ අපි නොදන්නා ඉතිහාසයක් නෙවේ. අපි හංගපු ඉතිහාසයක් තියෙනවා. ඔබ හිතනවා ශිෂ්ටාචාරය යනු නාගරික වීම කියලා. මම කීවොත් නැහැ, වනාන්තරය තුළ ශිෂ්ටාචාරගත විය හැකි බව, ඔබ කියයි මට පිස්සු කියලා. මේ පොත අතීතයට විදින ඊයක්. ඇය හොයන්නේ ඇගේ ශිෂ්ටාචාරය. ඒ නිසා නිර්මාණකරුවා ඉතිහාසයේ හිරකාරයකු විය යුතු නෑ. 

● සුගන්ධිකාගෙ චරිතය නවකතාව තුළ ගොඩනැගෙන්නේ පිරිමි චරිත දෙකක් දෙපසින් තබමින්. එක්කෙනෙක් ආදිවාසි නායකයෙක්. අනෙක් කෙනා සුගන්ධිකාගේ පෙම්වතා අමිත්. ඔවුන් දෙදෙනා තුළින් වැදි ජන සංස්කෘතියේ නූතන අන්ත දෙකක් නේද ඔබ නිරූපණය කරන්නේ?

ඇත්තටම මට හිතෙන්නේ අදිවාසි නායකයා අහිංකයි, අසරණයි. ඔහු අවංකව හිතනවා මෙන්න මේකයි ආදිවාසින්ගේ මොඩලය කියලා. ඒක ඔහුගේ විතරක් නොවේ සුද්දාගේ හා ලාංකික අපේත් ප්‍රාර්ථනය. මට හිතෙනවා ඔහු තමා ඒ ගණයේ අන්තිම නායකයා. ඊට පස්සේ ප්‍රැක්ටිස් කරන කවුරුත් පේන්න නෑ. පොලා පනින නව නායකත්වයකට (කැරිස්මා) ඉඩකඩ වැඩියි. ඔහු තාම එතන ඉන්නවා. තමන් විශ්වාස කරන දේ මත රැඳෙනවා. ඒ චේතනාවේ ආත්ම වංචාවක් නැහැ. 

අමිත් එහෙම නෙවේ. ඔහු ආදිවාසි බිමේ පැළවුණු බීජයක් නොවේ. ඔහු සිංහල සමාජයට ආ සිංහල ගෝත්‍රය පිළිගත් පියෙක්ගේ පුතෙක්. පළමුව ඔහු එය වසැංගුවත් ඔහු දන්නවා මේක මාර්කට් කරන්න පුළුවන් වග. ඒක ඉල්ලමක් වග. ඒත් සුගන්ධිකා එක්ක ඉඳලා ඒක කරන්න බැහැ. ඔහුට උපයාගන්න දෙයක් නෑ. ආපහු අතීතය කසාද බැඳීමක්. ඔහු හිතන්නේ එහෙමග කොළඹට ආවම ඔහු චරිතයක් වෙනවා. වැදි විතරක් නෙවේ අපි දැකලා තියෙනවා ඒ වගේ චරිත කොච්චරවත්.

● නවකතාවේ එක් තැනකළ කුකුළාපොළ කිරිඅම්මා ගැන කියන තැනේදි, සුගන්ධිකාගෙ නංගි කියනව 'අක්කි උඹ බොරු හද හද කියනවා’ කියලා. මම යෝජනා කළොත් 'කඳ අරනී’ නවකතාව නම් මන්දිරයේ එක් දොරක් අරින යතුරක් එතැන තියෙනවා කියලා ඔබ ඊට එකඟ ද?

සුගන්ධිකා කියන්නෙම අලුත් ප්‍රවාදයකට පණ දෙන්න හදන චරිතයක්නේ. අපේ ඉතිහාසඥයො සමහරක් කළෙත් ඔය ටික. උදාහරණයක් විදියට මං යෝජනා කරනවා 'සංසෝනි කොමිසම’ හොයාගෙන කියවන්න. නැතිනම් නිර්මාල් දේවසිරිගේ 'ලංකාවේ ඉතිහාසයේ දෘෂ්ටිවාදී විචාරයක්’ පොත කියවන්නග සුගන්ධිකා කරන්නේ දැනටමත් ඈ උපකල්පනය කළ දේ තහවුරු කරන්න.මේක කෘතිය තුළ පුනරුච්චාරණය විය යුතු විශේෂ වාක්‍යයක්. 'අක්කි උඹ බොරු හද හදා කියනවා’ යන්න. එත් මම කියන්නේ ඊට විරුද්ධ වෙන්න ඕන නෑ. අපි කරන්නේ ප්‍රවාද හදන එක.

● ඇයි ඔබේ හැම නවකතාවකම පාසල් වියේ අහිමි පෙමක් ගැන කියැවෙන්නේ?

මට මේකට දෙන්න තියෙන උත්තරේ මේකයි. මගේ .කීඩෑවෝ ඇවිල්ලා’ කෙටි කතා පොතේලි 'එක වගේ දෙන්නෙක්’ කතාවේ ගුරුතුමිය පාසල් ශිෂ්‍යාගෙන් අහනවා සාලින්ද කාට ද ඔයා ඒ ලියුම ලීවේ කියලා. ඒ වනවිට ඔහු පෙම් ලිපියක් ලියා විදුහල්පතිගෙන් ගුටි කා හමාරයි. ඒ සිද්ධිය වී අවුරුදු හයකුත් ගෙවිලා. ඔහුට තිබ්බ උත්තරේ මේකයි. කාටවත් නැහැ ටීචර්. එහෙම කෙනෙක් හිටියේ නැහැ. ඔන්න ඔහේ කාට හරි කියලා ලීවා. මාත් තාම උත්සාහ කරනවා මේක විසඳගන්න. හැබැයි පාසල් වියේදී මට අහිමි වූ දේ නම් බොහෝමයි. 

● ඔබ ඔබේ මීට පෙර නවකතාව 'හඳ පළුව තනි තරුව’ ගැන කියද්දී කිව්වා හඳ පළුවේ නොකී කතා කියලා තවත් ලියැවුණු විශාල කොටසක් තියෙනවා කියලා. කඳ අරනී ගැනත් එසේම ද? නොලියැවුණු දේ තියෙනවා ද?

හඳ පළුව නොකී කතා කියලා එකල නවකතාවට රැස්කළ කොටස් ගොඩක් මා ළඟ තියෙනවා. සාමාන්‍යයෙන් තව පිටු අසූවකට විතර ලියාගන්න තරම් ගොඩක්. සිකුරාදා නිවාඩුව සබැඳි කතා, අරාබි නිසොල්ලාසයේ නැති අලුත් කතා, නූතන මුස්ලිම් නායකයාගේ භූමිකාව ආදී බොහෝ දේ මඟහැරියා මම. මේ පොතේදීත් ඒක එහෙමමයි. වැදි ජන සමාජය ගැන බොහෝ ලී දේ මමම අත්හරිනවා. මේ බිමේ තියෙන මහශිලා සොහොන් අත්හරිනවා. ඒ වගේ ගොඩක් ලේඛන මා ළඟ ඉතිරි වෙනවා.

ඔබේ ආසන්න නවකතා දෙකම ඉතා තදට කිටිකිටියේ බැදපුවා. එහෙම වෙන්නේ කෙටි කතාකරුවාගේ රචනා රටාවෙන් ගැලවෙන්න බැරි නිසා ද?

අධ්‍යාපන විද්‍යාවේ ඉගෙනුම් ක්‍රියාවලියේදී ශිෂ්‍යයන් සමඟ ගනුදෙනු කිරීමේදී භාවිත වෙනවා වචන දෙකක්. එකක් විස්තාරණය හා අනික විස්තරකරණය. නවකතාවක් ලියනකොටත් කාලය ගැන නොසිතා චරිත හා සිදුවීම්වලට මේ කාරණය භාවිත කරනවිට පාඨකයන්ට හරි පහසුයි. හිත විවේකීව කියවීම කරනවා. ඇත්තටම කතුවරයා චරිත ලිහන්න ඕනෑ. මට එහෙම විස්තාරණය කරන්න ඕනෑම චරිතය සුගන්ධිකා. ඒත් මම ඒක කරන්නේ නැහැ. ඇයම විමසනවා අපව විපරීත කරන්නේ ඉගෙන ගන්නා අතිවිශාල වචන සමුදාය ද කියලා. දීර්ඝ විස්තර කිරීම් විසින් චරිතයට එහි චාම් ස්වරූපයට හානියක් වේ යැයි මට හිතුණා. කොහොම වෙතත් ඔබ කියන දෙයත් හරි. කෙටි කතාවකදී බොහෝ විට එහෙම වෙනවා. චරිත හිර වෙනවා. එහි යම් ආභාෂයක් නවකතාව වෙත පැමිණියා වෙන්නත් පුළුවන්. සමහරවිට ඉදිරි නවකතාවක මේ බැමි ලිහේවි.

● ආදිවාසි ජන සමාජයෙන් කඳ අරනීට ලැබෙන ප්‍රතිචාර කොහොම ද?

දඹානේ ගුණවර්ධන අද ප්‍රතිචාර දැක්වූවා. ඔහු පෙන්නුවා කතුවරයා සොයාගත් වැදි ගීවල වචන වැරැදී ඇති බව. සුද්දා හා සිංහලයා අනවබෝධයෙන් ලියූ ගී මාගේ කෘතියේ එසේම දක්වා තියෙනවා. ඔහු කීවේ ඒ ගැන. ඒ හැර ඔහු පැසසුවා ඇතැම් දේ ගැන. උදාහරණයක් කීවොත් බරතු යකා කියන්නේ ඔවුන්ගේ නෑ යකෙක්. එහෙත් ඔහු පෘතුගීසි සුද්දෙක්ව සිට වැද්දෙක් දක්වා පරිවර්තනය වීම ගැන ඔහු අසා තිබුණේ නැහැ. කුකුළාපොළ කිරිඅම්මාගේ මුල් ගම්බිම් ගැන ඔහුට අදහසක් තිබේබේ නෑ. ඔහු කීවා මේ පොත ඔහුගේ ශාස්ත්‍රීය විමර්ශන සඳහා පෙළඹවීමක් බව

සංවාදය - ගාමිණී කන්දේපොළ



අදහස් (0)

නිර්මාණ රචකයා සම්මතයේ සිරකරුවකු විය යුතු නැහැ

ඔබේ අදහස් එවන්න

විශේෂාංග

අලුත් අවුරුද්ද රටට සහ ඔබට කොහොමද?
2024 අප්‍රේල් මස 12 1419 0

ලෝකායන විද්‍යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්‍රහචාරය ද


අලුත් අවුරුද්ද සංස්කෘතිය අනාගතය
2024 අප්‍රේල් මස 11 149 0

සංස්කෘතික උත්සව යනු, ඕනෑම සංස්කෘතියක ඉතාම වැදගත් අංගයක් වේ. ඒ අනුව, අලු‍ත් අවුරුද්ද මෙරට සිංහල සහ දෙමළ ජනයාගේ සංස්කෘතික ජීවිතයේ ඉතාම වැදගත් අවස්ථාවකි.


අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 105 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


දේශපාලනය අතීතයෙන් වර්තමානයට
2024 අප්‍රේල් මස 10 656 0

පාරම්පරික එක්සත් ජාතික පාක්ෂිකයන් මෙන්ම නව එක්සත් ජාතික පාක්ෂිකයන් ද මේ දිනවල දැඩි දෙගිඩියාවකට මුහුණ දී සිටින බව පෙනේ. ඒ, තමන් ප්‍රිය කරන එක්සත් ජාතික


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 231 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


ආර්ථිකය යුගයට ගැලපීම
2024 අප්‍රේල් මස 10 120 0

ණය ආපසු ගෙවීම නතරකර වසර දෙකක් ගත වී තිබේ. දරුණු අර්බුදයකට පත්ව තිබුණ ශ්‍රී ලංකාව තරමක් හිස ඔසවා සිටී. ඉන්ධන, විදුලිය සහ ගෑස් බාධාවකින් තොරව සැපයේ. ජනතාව ම


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 126 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1381 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1322 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site