ජනී ජනයාගෙන් නගර පිරී ඉතිරී යාම ආරම්භ වී තිබේ. මහරගම පමුණුව ජනයාගෙන් සක්රිය වන්නට පටන්ගෙන තිබෙන්නේ අලුයම 2.00 පමණ සිටය. මේ සූදානම අලුත් අවුරුද්ද වෙනුවෙනි. ආර්ථික අර්බුදයේ කර වටක් ගිලී සිටිය ද තම දුවා දරුවන් සමග අලුත් අවුරුද්ද ප්රීතියෙන් ගෙවා දැමීමට මව්පියෝ උනන්දු වෙති. අලුත් අවුරුද්ද මහා සංස්කෘතික මංගල්යයක් ලෙස හැඳින්වෙන්නේ ද එහෙයිනි.
මෙම අහිංසක ජනී ජනයාගේ සතුට ‘පික්පොකට්’ ගැසීමට පේවුණු සංවිධානාත්මක කොල්ලකරුවෝ ද සිටිති. ඉන් එක් වර්ගයක් ඇත්ත වෘත්තීය පික්පොකට්කරුවෝ වෙති. ඔවුහු බස් රථවල තදබදයේ මිරිකෙමින් යන ජනයාගේත්, වීදිවල රොද බඳින ජනයාගේත් මුදල් පසුම්බි සොරකම් කරති. ඒ සඳහාම සංවිධානය වූ ගැහැනු පිරිමි දෙපාර්ශ්වයක්ම සිටිති. ඔවුහු දැනටමත් ක්රියාත්මක වෙමින් සිටිති. ගැට කපන්නන්ගේ ගැටවලට හසු වී අවුරුදු සිහිනය කඳුළෙන් බොඳ කර නොගැනීමේ වගකීම අප කා ඉදිරිපිටත් තිබේ. නොසැලකිල්ලෙන් වැඩ කර තමන් තමන්ටම පාඩු කර නොගත යුතුය. එමෙන්ම, මෙම චෞර කප්පිත්තන් නීතියේ රැහැනට හසු කරගැනීමේ වැඩපිළිවෙළක් පොලිසිය ඇතුළු ආරක්ෂක අංශ ක්රියාත්මක කළ යුතුය.
ජනයාගේ අවුරුදු සිහිනයට වින කටින අනෙකුත් සංවිධානාත්මක අපරාධකරුවන් වන්නේ, අපිරිසුදු ආහාර පාන විකුණා තම මල්ල තර කරගන්නා පිරිස්ය. නිවෙසින් කෑම බීම හදාගෙන සාප්පු සවාරි යෑමේ හැකියාවක් බොහෝ දෙනකුට නැත. එමෙන්ම, සුපිරි පන්තියේ අවන්හල්වලට ගොඩ වී මිල අධික ආහාර පාන මිලදී ගැනීමේ වත්කම ද බොහෝ දෙනකුට අහිමිය.
මේ බව දන්නා අපරාධකරුවෝ පිරිසුදු බව, ගුණාත්මක බව ආදි කාරණා කෙරෙහි අවධානය යොමු නොකර ‘කුණු කෑම’ විකිණීමට පටන්ගනිති. අප පුවත්පත ඉකුත්දා වාර්තා කළ ප්රවෘත්තියකින් කියැවුණේ, සිංහල-දෙමළ අලුත් අවුරුදු උත්සව සමයේ කොළඹ නගරයේ වෙළෙඳසල්, භෝජන ශාලා, තරු පන්තියේ හෝටල් සහ ආහාර ගබඩා ආදී ස්ථානවල ආහාර ප්රමිතිය හා ස්වස්ථතාව පරීක්ෂා කිරීමේ වැඩසටහනේදී ස්ථානීය පරීක්ෂණ 477ක් සිදු කර, ආයතන 83කට දැඩි අවවාදාත්මක නිවේදන ද, ආයතන 59කට නඩු පැවැරීම් ද සිදු කළ බව ප්රධාන මහජන සෞඛ්ය පරීක්ෂක ඩබ්ලිව්.ඒ. සමන්ත කුමාර මහතා ප්රකාශ කළ බවය.
කොළඹ මහ නගර සභාවේ සෞඛ්ය වෛද්ය නිලධාරීන් හත් දෙනකුගේ අධීක්ෂණය යටතේ, මහජන සෞඛ්ය පරීක්ෂකවරුන් පනස් දෙනකුගේ සහභාගිත්වයෙන් මෙම ස්ථානීය පරීක්ෂාව සිදු කර තිබේ.
මෙම ස්ථානවල තිබී සොයාගත් මිනිස් පරිභෝජනයට නුසුදුසු ආහාර සහ වෙනත් ද්රව්ය කිලෝ ග්රෑම් 500කට ආසන්න ප්රමාණයක් විනාශ කළ බවත්, විශේෂයෙන් මස්, මාළු, එළවළු සහ වෙනත් ආහාර වෙන් නොකර මිශ්රිතව ගබඩා කර තැබීම්, පිරිසුදු නොකර ආහාරයට සූදානම් කළ බිත්තර වැනි ද්රව්ය විශාල ප්රමාණයක් අත්අඩංගුවට ගත් බවත්, සමන්ත කුමාර මහතා අප පුවත්පතට ප්රකාශ කර තිබිණි.
මෙම කූට වෙළෙන්දන් මෙම ජාවාරමෙන් උපයා සපයා ගන්නා මුදලෙන් තම දරුවන්ට ආහාර පාන රැගෙන යනු ඇත. තම දරුවන්ට පිරිසුදු ආහාරපාන රැගෙන ගියද අන් දරුවන්ටද එසේ පිරිසුදු ආහාර පාන සැපැයිය යුතු යැයි මෙම ජාවාරම්කරුවෝ නොසිතති. අපට මහා සංස්කෘතික මංගල්යයක් සැමරීමට සිදු වී තිබෙන්නේ එබඳු අසංස්කෘතික මිනිසුන්ගේ තක්කඩිකම් මැදය.
මෙම ජාවාරමුන්ට එරෙහිව නීතිය ක්රියාත්මක කිරීම හැර වෙනත් විකල්පයක් නැත. අහිංසක ජනයාගේ අවුරුදු සිහින සමග දාදු ක්රීඩාවේ යෙදෙන අමනුෂ්යයන්ට එරෙහිව නීතිය තදින් ක්රියාත්මක කළ යුතුය.
(***)
ජාත්යන්තර මැයි දින සැමරුම අදට යෙදී තිබේ. වැඩ කරන පන්තියේ ජනයාගේ ශක්තිය එක මීටට එකතු කර සකල අගති කුදලා දමන අරගලයට පණ පොවන මැයි දිනය වෙනුවෙන් කැපවන කම්කර
බරවාහන රියදුරන් වශයෙන් රැකියා කිරීමේ මහත් බලාපොරොත්තු ඇතිව ලිතුවේනියා රටට ගිය ශ්රී ලාංකිකයන් 108 දෙනකුට සිදුවූ මහා අකරතැබ්බක් පසුගියදා අපගේ ලංකාදීප
උත්සවශ්රීයෙන් හොඳ ආරම්භයක් ගෙන සද්ද නැතිවම අතහැර දමන ව්යාපෘති ආරම්භ කෙරෙන්නේම බොරු පුරාජේරු මට්ටමෙනි. ඒවා ක්රියාවට නංවන්නේත් ලාබ ප්රචාරක වැඩට ක
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අවුරුදු මුවාවෙන් ගසාකෑම් වැළැක්වීමට දැඩි නීති ඕනෑ