IMG-LOGO

2024 පෙබරවාරි මස 22 වන බ්‍රහස්පතින්දා


සමාජය මේ තරමටම පිරිහෙන්නේ ඇයි?

ශුද්ධ වූ සියල්ල කෙලෙසෙමින් තිබෙන්නේ ද යන සැකය තීව්‍රවන සිදුවීම් බහුලවෙමින් තිබේ. නීතියේ ආධිපත්‍ය පොදු සමාජ අපේක්ෂාව වුවද එය යථාර්ථයක් බවට පරිවර්තනය කර ගැනීම අතිශයින්ම දුෂ්කර අභියෝගයක් බවට පත්ව ඇති සෙයකි. ඒ බව පසක් කරන පුවතක් අප පුවත්පත ඉකුත්දා වාර්තා කළේය.

අප පුවත්පත වාර්තා කළ ප්‍රවෘත්තියෙන් කියැවුණේ මාතර මහේස්ත්‍රාත් අධිකරණයේ නඩු බඩු කාමරයේ තිබූ විදේශීය නිෂ්පාදිත ගිනි අවි සහ හෙරොයින් සොරාගෙන පාතාල කල්ලිවලට රුපියල් ලක්ෂ ගණනකට විකුණන ලදැයි කියන සිද්ධියක් සම්බන්ධයෙන් එම අධිකරණයේ බහුකාර්ය සංවර්ධන සහායකයකු, ඊට අනුබල දුන් අයකු ඇතුළු තිදෙනකු මාතර කොට්ඨාස අපරාධ විමර්ශන අංශය ඉකුත් 2 වැනිදා අත්අඩංගුවට ගත් බවය.

නීතියේ දෙවඟන වැඩවසන අධිකරණ සංකීර්ණයක් සැලකෙන්නේ ශුද්ධ භූමියක් ලෙසය. එම අධිකරණ පරිශ්‍රය තුළ ඉතා සංවර මෙන්ම ගෞරවණීය ලෙස හැසිරීමට සියල්ලන්ටම සිදුව තිබෙන්නේ එහෙයිනි. එම සංවර මෙන්ම ගෞරවණීය හැඟීමෙන් පිළිබිඹු වන්නේ නීතියට ඇති භය පක්ෂපාතීත්වය විනා අන් යමක් නොවේ. සමාජයක පැවැත්ම, සන්සුන් සංහිඳියාව ආරක්ෂා වන්නේ නීතියට ඇති එම භය පක්ෂපාතීත්වයේ ප්‍රමාණය අනුවය. එවන් ශුද්ධ භූමියක් චෞර කප්පිත්තන්ගේ ග්‍රහණයට හසුවී තිබේ නම් එමගින් රටේ අනාගතය සම්බන්ධයෙන් ඇතිවිය යුත්තේ තිගැස්මකි.

කොටුව ප්‍රධාන මහේස්ත්‍රාත් අධිකරණයේ ලේඛකාධිකාරිවරිය දැන් සිටින්නේ රිමාන්ඩ් බන්ධනාගාරගතවය. ඒ මුදලට කූඨ ලේඛන සකස් කිරීමේ චෝදනාවටය. බොහෝ අධිකරණ සංකීර්ණ මහ රාත්‍රියේ සොරුන්ගේ ප්‍රහාරයට ලක්වන පුවත් ද බහුලය. එහිදී සොරුන්ගේ අවධානයට ලක්වන්නේ විවිධ නඩුවලට සම්බන්ධ වැදගත් ලිපි ගොනුය. මාතර මහේස්ත්‍රාත් අධිකරණයෙන් වාර්තා වන්නේ එම අධිකරණයේ නඩුබඩු කාමරයේ තිබූ විදේශයේ නිෂ්පාදිත ගිනි අවි සහ හෙරොයින් සොරාගෙන දකුණේ ක්‍රියාත්මක පාතාල කල්ලිවලට රුපියල් ලක්ෂ ගණනකට විකුණා ඇති බවය.

අප ප්‍රවෘත්තියට අනුව සොරාගන්නා ලද ගිනි අවි සහ හෙරොයින් විකිණීමට ආධාර අනුබල දුන් බව පැවසෙන පුද්ගලයකු සහ නඩු බඩු කාමරයෙන් සොරාගත් විදේශයේ නිෂ්පාදිත රිවෝල්වරයක් රුපියල් දෙලක්ෂ අසූදහසක මුදලකට මිලදී ගත් බව කියන බෝට්ටු හිමිකරුවකු අත්අඩංගුවට ගෙන ඇති බවය. දකුණේ උසස් පොලිස් නිලධාරියකු අප පුවත්පතට ප්‍රකාශ කර තිබුණේ දික්වැල්ල ප්‍රදේශයේ දී පාතාලයට සම්බන්ධ සැකපිට අත්අඩංගුවට ගත් අයකු ළඟ තිබී සොයාගත් ටී 56 ස්වයංක්‍රීය ගිනි අවිය ද මාතර මහේස්ත්‍රාත් අධිකරණයේ නඩු බඩු කාමරයෙන් සොරාගන්නා ලද එකක් බවය.

දිවා රෑ වෙනසකින් තොරව පාතාලයන් මරාගනිද්දී ‘පොලිසිය මර නින්දේ’ යැයි ඇතැමෙක් චෝදනා කරති. බැලූ බැල්මට එහි සත්‍යතාවක් තිබේ. එහෙත් මෙහිදී පොලිසියට ද සාධාරණය ඉටුවිය යුතුය. පොලිසිය විමර්ශන සිදුකර අතිදුෂ්කර මෙහෙයුමකින් පසුව ගිනි අවි සමග පාතාලයන් අල්ලා අධිකරණයට ඉදිරිපත් කරයි. සැකකරුවන් බන්ධනාගාරයට යැවෙන අතර නඩු භාණ්ඩ අධිකරණයේ නඩු බඩු කාමරයට යැවෙයි. එසේ නඩු බඩු කාමරයට ගිය ගිනි අවි සහ මත්ද්‍රව්‍ය හොර පාරෙන් යළිත් පාතාලයන් අතට පත්වේ නම් ප්‍රශ්නය ඉතාම බරපතළය. දකුණේ ගම් නියම්ගම් නගර ජනපද සිසාරා ඉකුත් සමයේ වෙඩි පත්තු වූයේ කෙසේදැයි දැන් පැහැදිලිය. එහෙයින් මෙම චෞර කප්පිත්තන් සිදුකර තිබෙන්නේ කෙතරම් බරපතළ වරදක්ද යන්න පැහැදිලිය. මොවුන්ට හැකි ඉහළම දඬුවම් පැමිණවීම හැර වෙනත් විකල්පයක් නැත.

(***)

 



අදහස් (0)

සමාජය මේ තරමටම පිරිහෙන්නේ ඇයි?

ඔබේ අදහස් එවන්න

කතුවැකිය

සංවර්ධන ව්‍යාපෘති කෙරෙහි නිරන්තර විමසුමක් ඕනෑ
2024 පෙබරවාරි මස 22 39 0

පාර්ලිමේන්තුව යනු රටේ උත්තරීතරම ආයතනය වේ. නීති සම්පාදනය කිරීමේ බලය, නීති සම්මත කිරීමේ බලය මෙන්ම රටේ මුල්‍ය පාලනය සම්බන්ධ බලය තිබීම පාර්ලිමේන්තුව එවැන


දරුවා පාසලට යැව්වාටම මදි නිරන්තර විමසිල්ලක් ඕනෑ
2024 පෙබරවාරි මස 21 233 0

‘‘ලොව හොඳම දේ දරුවන්ට’’ යැයි කීව ද, සම්මුති විරහිතව හිස් මුදුනින්ම එය පිළිගත්ත ද, අප රටේ දරුවන් ලොව නරකම දෙයෙහි පහසුම ගොදුරු බවට පත්ව ඇති බව ඒකාන්තය. වාර


තෙල් සමාගමේ හොරුන් දඬුකඳේ ගහන්න ඕනෑ
2024 පෙබරවාරි මස 20 1011 2

සාමාන්‍යයෙන් අමාත්‍යවරයකු විසින් තම අමාත්‍යාංශයේ සිදුවන දූෂිත හෝ වංචනික ක්‍රියාවක් සම්බන්ධයෙන් හෙළිදරව් කරනු ලබන්නේ කලාතුරකිනි. එසේ කලාතුරකින් වන


ගොවි ගැටලුවලට සැබෑ විසඳුමක් ඕනෑ
2024 පෙබරවාරි මස 19 165 0

උතුරු ප්‍රදේශයට මහකනදරාව වැවේ ජලය මුදාහැරීමේ උත්සවයට ජනාධිපති රනිල් වික්‍රමසිංහ මහතා පැමිණ සිටියදී, එහි ප්‍රදේශය අවට විශාල උද්ඝෝෂණයක් පැවැත්විණි. ම


විදුලිය විසන්ධි කිරීමට නීතිය අකුරටම ක්‍රියාත්මක කළ යුතුද?
2024 පෙබරවාරි මස 17 814 1

රුපියල් දහතුන් දහසක විදුලිය බිල ගෙවා ගැනීමට නොහැකිව නිවෙසේ විදුලිය විසන්ධි කිරීම හේතුවෙන් පුතාට හා දියණියට පාඩම් කිරීමට අසල්වැසි නිවෙසකින් විදුලිය


පොහොර හොරුන්ට ඉහළම දඬුවම් දෙනු
2024 පෙබරවාරි මස 16 290 0

රටේ ජනතාවට බෙදා දීමට මෙරටට ගෙන්වන ලද සහනාධාර පොහොරවලින් රුපියල් කෝටි 100කට අධික මුදලක් වංචා කිරීම සම්බන්ධයෙන් වගකිවයුතු සමාගම් ප්‍රධානීන් 10 දෙනකු පමණ ළ


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 172 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 235 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 256 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site