IMG-LOGO

2024 ජුනි මස 25 වන අඟහරුවාදා


බලයෙන් මත්වූ දේශපාලනය සමාජයෙන් පිටමං කරමු

අප රටේ දේශපාලකයන් සෑහෙන පිරිසක් සුව කළ නොහැකි රෝගවලින් පෙළෙන බව බොහෝ අවස්ථාවල ඔප්පු වී ඇති සත්‍යයකි. එසේ සුව කළ නොහැකි රෝග අතර බලයෙන් ඉදිමීම, අතීතය අමතකවීම, සිදුවීම්වලින් පාඩම් ඉගෙන නොගැනීම, බලය ප්‍රදර්ශනය කිරීමට සිත් පහළ වීම ප්‍රධාන රෝග වේ. රථගාය අමතර වශයෙනි. ඒ බව පසක් කරවන පුවතක් අප පුවත්පත ඊයේ වාර්තා කළේ ය.

අප පුවත්පත වාර්තා කළ ප්‍රවෘත්තියට අනුව පුත්තලම පැරැණි මන්නාරම් මාර්ගයේ රජයට අයත් ඉඩමක් පිරිසක් විසින් නීති විරෝධී ලෙස අත්පත් කරගන්නා බවට ලැබුණු පැමිණිල්ලක් මත සොයා බැලීමට එම ස්ථානයට ඉකුත් 26 වැනිදා පස්වරුවේ ගිය පුත්තලම ප්‍රාදේශීය ලේකම් සම්පත් විජේසේකර මහතාට පාර්ලිමේන්තු මන්ත්‍රී අලි සබ්‍රි රහීම් මහතා තර්ජනය කළ බවට ඔහු සිය ප්‍රධානීන්ට කර ඇති පැමිණිල්ල පිළිබඳවය.

ප්‍රවෘත්තියට අනුව මෙම ඉඩම රජයට අයත් වූවකි. කිසියම් පිරිසක් මෙම ඉඩම බලහත්කාරයෙන් අල්ලා ගැනීමට උත්සාහ දරන බවට ප්‍රාදේශීය ලේකම්වරයාට පැමිණිලි ලැබී ඇත. ප්‍රාදේශීය ලේකම්වරයා වහාම ක්‍රියාත්මකව ඇත. රාජ්‍ය දේපොළ ආරක්‍ෂා කිරීම රජයේ නිලධාරියකුට පැහැර හැරිය නොහැක. එබැවින් ඔහු එම ඉඩම කම්බි ගසා වෙන්කර ඇත. ප්‍රාදේශීය ලේකම්වරයා ඉකුත් 26 වැනිදා එතැනට ගොස් ඇත්තේ එම ඉඩමට කිසියම් පිරිසක් ඇතුළු වී ඇති බවට ලැබුණු පැමිණිල්ලකට බව ද පැවසේ.

පාර්ලිමේන්තු මන්ත්‍රී අලි සබ්‍රි රහීම් මහතා පවසන්නේ එම ඉඩම ප්‍රදේශයේ ජනතාවට අයත් බව ය. එසේනම් මෙම කාරණා නිරවුල් කර ගතයුත්තේ නිවැරැදි අධිකරණමය ක්‍රියාමාර්ගයක් මගින් ය. එසේ නොමැතිව පාර්ලිමේන්තු මන්ත්‍රී බලය අතට ගෙන රාජ්‍ය සේවකයකු වන ප්‍රාදේශීය ලේකම්වරයාට තර්ජනය කරමින් චණ්ඩිකම් ප්‍රදර්ශනය කිරීම තම දේශපාලන නිරුවත ප්‍රදර්ශනය කිරීමකි.

කටුනායක බණ්ඩාරනායක ජාත්‍යන්තර ගුවන් තොටුපොළේ දී එහි සේවකයකුගේ කකුල පාගා කනට ගැසූ රාජ්‍ය ඇමැතිවරයකු සම්බන්ධ ජුගුප්සාජනක සිද්ධියට තවම දෙසතියක්වත් කල් ඉක්ම ගොස් නැත. අත්අඩංගුවට ගත් තම පාක්‍ෂිකයන් වහා නිදහස් කරන්නැයි පොලිස් ස්ථානයට කඩා වැදී පොලිස් ස්ථානාධිපතිවරයාගේ අසුනෙහි වාඩිවී පොලිස් ස්ථානාධිපතිවරයා ඇතුළු නිලධාරීන්ට තර්ජනය කළ මදාවි දේශපාලකයන්ගේ අපකීර්තිමත් හැසිරීම් අතීතයේ එමට ය. රාජ්‍ය ආයතනවලට කඩා පැන රජයේ නිලධාරීන්ට ‘‘තග’’ දාන, රාජ්‍ය සේවකයන් ගස් බැන්ද අමන දේශපාලකයන්ට සම්බන්ධ සිදුවීම් ද නොවැහැරුණ මතකය අතර තවම වේ. ප්‍රජාතන්ත්‍රවාදී අභිලාසයන්ගෙන් සමන්විත සාතිශය බහුතරයක් වන ශිෂ්ට ජනයා මෙවැනි සිද්ධි මිනිස් කසළ මෙන් බැහැර කරන බව දේශපාලකයන් තරයේ සිතට ගත යුතු ය.

අගමැති ධුර, ඇමැති ධුර අතහැර සිය නිවෙස්වලට පල්ලම් බැසීමට සිදුවූයේත් රටින් බැහැරව ගොස් ජනාධිපති ධුරයෙන් ඉල්ලා අස්වීමේ ලිපිය කතානායකවරයාට එවීමට විධායක බලතල සහිත ජනාධිපතිවරයකුට සිදුවූයේත් මහජන මතය හිස එසවීම නිසාය. එසේ වුවද ප්‍රජාතන්ත්‍රවාදීව බහුතර මහජන කැමැත්තෙන් බලයට පත්වූවන් ජනඝෝෂාවලින් බලයෙන් පහකිරීම සාධාරණ ද යන ප්‍රශ්නය ද නැගේ. දේශපාලනඥයන් මෑත අතීතයේ සිදුවූ දේශපාලන සිද්ධි ගැන මැදහත් සිතින් සලකා බැලිය යුතුය. එය අමතක කර කටයුතු කරන්නේනම් එබඳු මුග්ධ දේශපාලනඥයන්ට හිමිවනු ඇත්තේ ඉතිහාසයේ කුණු බක්කිය පමණි. අලි සබ්‍රි රහිම් මන්ත්‍රීවරයා යළි යළිත් ඔප්පු කර තිබෙන්නේ මුග්ධ බව සාඩම්බර පළඳනාවක්ව පැළඳීමට රිසි පිරිස් තවත් සිටින බව ය.

තම ආසනයේ හෝ දිස්ත්‍රික්කයේ හෝ ඇති දේපොළ තමාගේ නින්දගම් යැයි සිතා කටයුතු කරන දේශපාලනඥයෝ සිටිති. අමාත්‍යංශය, අමාත්‍යංශයට අයත් ආයතන, දෙපාර්තමේන්තු, සංස්ථා, මණ්ඩල පක්‍ෂ කාර්යාල යැයි සිතන අමාත්‍යවරුන්, රාජ්‍ය අමාත්‍යවරුන් බිහිවන්නේ මෙම පරිසරය තුළ ය. එහෙත් ඒ කිසිවක් සදාකාලික නොවන බවත් මහජන බලය ඉදිරිපිට දණ නැමීමට සිදුවන බවත් මෙම දේශපාලනඥයන් ඉගෙනගත යුතු ය. බොහෝ දේශපාලනඥයන් තවමත් නූගත් පාඩම ද එය ම ය.

(***)



අදහස් (0)

බලයෙන් මත්වූ දේශපාලනය සමාජයෙන් පිටමං කරමු

ඔබේ අදහස් එවන්න

කතුවැකිය

තෙල් සංස්ථා වංචාව වසර 8 ක්ම යටගැහීම
2024 ජුනි මස 24 141 0

වංචාවක් සිදුකිරීම බරපතළ වැරැද්දකි. එයින් රජයට සිදුවන පාඩුව මකා ගැනීමට එම පාඩුව ජනතාවගේ කර මතට බද්දක් වශයෙන් පැනවීම තවත් වංචාවකි. මේ දෙකම තෙල් සංස්ථාවේ


ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 114 1

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


රටට අභිමානය උදාකළ උතුම් පොසොන් පෝය
2024 ජුනි මස 21 121 0

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාර


එක්ස්ප්‍රස් පර්ල් නැවේ දත්ත මැකුවේ කාගේ වුවමනාවටද?
2024 ජුනි මස 20 590 2

උඩට ගත් හුස්ම පොද පහත හෙළන්නට අමතක කරවන තරමේ පුවතක් අප පුවත්පත ඊයේ වාර්තා කළේ ය. එම ප්‍රවෘත්තිය අතිභයංකර වූවකි. එමෙන්ම ඇස් මානයෙන් එපිට ක්‍රියාත්මක දර


වතු කම්කරු ජීවන අරගලය සාධාරණව විමසුමට ලක්කරමු
2024 ජුනි මස 19 152 1

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නො


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 229 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 240 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1449 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3222 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site