IMG-LOGO

2024 අප්‍රේල් මස 17 වන බදාදා


දරුවා පාසලට යැව්වාටම මදි නිරන්තර විමසිල්ලක් ඕනෑ

‘‘ලොව හොඳම දේ දරුවන්ට’’ යැයි කීව ද, සම්මුති විරහිතව හිස් මුදුනින්ම එය පිළිගත්ත ද, අප රටේ දරුවන් ලොව නරකම දෙයෙහි පහසුම ගොදුරු බවට පත්ව ඇති බව ඒකාන්තය. වාර්ෂික ලිත් සැමරුමක් බවට පත්ව ඇති ජාත්‍යන්තර ළමා දිනය දා ළමයින් සම්බන්ධව පුරාජේරු කතා කියා, පසු දින සිටම ඒ දරු පරපුර අමතක කර දමන රටක, දරුවන්ගේ ඉරණම කඳුළෙන් සුසුමෙන් ලියැවීම අහේතුක ද නොවේ.

පෙරවදන, අප පුවත්පතේ පළ වූ ප්‍රවෘත්තියක් සම්බන්ධයෙනි. ඒ ප්‍රවෘත්තියෙන් කියැවුණේ, දොඩම්ගස්ලන්ද ප්‍රදේශයේ පාසලක පස් වැනි ශ්‍රේණියේ සිසුන් සිවු දෙනකු මත් පෙති වර්ගයක් පානය කර, රෝගාතුර වීමේ සිද්ධියක් සම්බන්ධයෙන් සැකපිට එක සිසුවකුගේ පියකු අත්අඩංගුවට ගත් බව කුරුණෑගල දිසාව බාර නියෝජ්‍ය පොලිස්පති කාර්යාලය පවසන බවය. එම ශිෂ්‍යයන් සිවු දෙනා කුරුණෑගල ශික්ෂණ රෝහලට ඇතුළත් කර ඇති බව ද ප්‍රවෘත්තියෙහි සඳහන්ය.

පාතාල කල්ලි සහ මත්ද්‍රව්‍ය ජාවාරමට එරෙහි යුක්තියේ මෙහෙයුම ජයටම ක්‍රියාත්මක වෙමින් තිබේ. පාසල් දරුවන් ඉලක්ක කරගනිමින් මත්ද්‍රව්‍ය බෙදාහරින ස්ථාන සහ ජාවාරම්කාරයන් සම්බන්ධයෙන් යුක්තිය මෙහෙයුමේදී විශේෂ අවධානයක් යොමු කර ඇති බව ද පැවැසේ. එය ඉතා යහපත් පියවරකි. නැතහොත්, අනාගතයේදී අපට හමුවනු ඇත්තේ, මතින් විකල් වූ මනසින් යුත්, රෝගී වූ දරුවන් බවට පත්වූ ළමා පරපුරක්ය. ඇතැම් මවුපියන්ට තමන්ගේ දරුවන් සම්බන්ධයෙන් වගේ වගක් නොමැති බව ද පැහැදිලිය. දොඩම්ගස්ලන්ද සිදුවීමෙන් ද එය මනාව ඔප්පු වේ.

අප ප්‍රවෘත්තියට අනුව, එම පාසලේ දරුවන් සිවු දෙනකු විවේක කාලයෙන් පසුව වමනය කරනු දුටු පන්ති බාර ගුරුතුමිය ඒ පිළිබඳව විමසීමෙන් පසුව, ඔවුන් කිසියම් පෙති වර්ගයක් පානය කර ඇති බව අනාවරණය කරගෙන ඇත. මෙම සිසුන් සිවු දෙනාගෙන් එක් සිසුවකුගේ පියා මත්ද්‍රව්‍ය පානයට ඇබ්බැහි වූ අයකු වන බවත්, ඔහු පානයට ගෙනා මත් පෙති වර්ගයක් සොරකම් කර ඇති පුතා ඒවා පාසලට ගෙනැවිත්, ඒවා මිතුරන්ට ද පානය කිරීමට දී ඇති බවටත් තොරතුරු අනාවරණය වූ බව අප ප්‍රවෘත්තියෙහි වැඩිදුරටත් සඳහන්ය.

මෙම සිද්ධිය සම්බන්ධයෙන් පරීක්ෂණ කරන මදුරාගොඩ පොලිසියේ නිලධාරීන් පිරිසක් එම සිසුවාගේ නිවෙස පරීක්ෂා කිරීමේදී, එහි සිටි සැකකාර පියා පාවිච්චියට ගෙන ඇති බව කියන හෙරොයින් මත්ද්‍රව්‍ය සහ ගංජා සොයා ගැනීමට හැකි වූ බවත්, සැකකරුට එරෙහිව මත්ද්‍රව්‍ය ජාවාරම සහ භාවිතය සම්බන්ධයෙන් චෝදනා ඇති බව පොලිසිය පවසන බවත් ප්‍රවෘත්තියෙහි සඳහන්ය. සැකකාර පියා අධිකරණයට ඉදිරිපත් කර ඇත.

පළමුව කළ යුතු වන්නේ, අදාළ පුත්‍රයාට විශේෂ ආරක්ෂාවක් සැලසීමය. මන්ද, තමන් පොලිසියට කොටු වූයේ තම පුත්‍රයා නිසා වන හෙයින්, පුත්‍රයාගෙන් පළි ගැනීමට ඉඩ ඇති හෙයිනි. කුඩ්ඩන්ගේ හැටි එහෙමය.

මෙයට පෙරත් මෙබඳුම පන්තියේ ප්‍රවෘත්ති වාර්තා විය. සීයා කසිප්පු ලබා දී ඒවා පානය කර, සිහි මඳ ගතියෙන් පාසලට එමින් සිටි ලාබාල සිසුවියක සම්බන්ධ ප්‍රවෘත්තියට දෙතුන් මසකි. හාර පස් මාසයකට එපිටදී වාර්තා වූ ප්‍රවෘත්තියකින් කියැවුණේ, පාසලක ආපණ ශාලාව තුළ කාලාන්තරයක් මුළුල්ලේ කසිප්පු පෙරා ඇති බවය.

මත් පෙති ජාවාරමක් සම්බන්ධයෙන් ගම්පොළදී ඉකුත් දා අත්අඩංගුවට පත්වූයේ වෛද්‍යවරයෙකි. වෛද්‍ය වෘත්තියෙන් උපයන මුදලින් ජීවිතය නඩත්තු කරගත නොහැකි වූ හෙයින්, එම වෛද්‍යවරයා අතිරේක ආදායම් මාර්ගයක් ලෙස සලකා මත් පෙති ජාවාරමට යොමු වූවා විය හැකිය. මෙම සිදුවීම් සරළව ගෙන, පහසුවෙන් බැහැර කළ නොහැක. මෙම සිදුවීම්වලින් රට ගමන් කරමින් සිටින දිශාව ඉතාම පැහැදිලිය.

ළමා පරපුරේ ආරක්ෂාව හා පෝෂණය සම්බන්ධයෙන් මීට වඩා අවධානයක් යොමු කළ යුතුය. ඒ වෙනුවෙන් විධිමත් මෙන්ම දියුණු වැඩපිළිවෙළක් ක්‍රියාත්මක කළ යුතුය. ඒ ගැන කතාබහ කිරීමට ජාත්‍යන්තර ළමා දිනය එනතුරු බලා සිටිය යුතු නැත.

(***)



අදහස් (1)

දරුවා පාසලට යැව්වාටම මදි නිරන්තර විමසිල්ලක් ඕනෑ

sam Wednesday, 21 February 2024 07:47 PM

රුවා පාසලට යැව්වාටම මදි නිරන්තර ( දිනපතා ) වැඩිහියන්ගේ / දෙමාපියන්ගේ අවධානය / විමසිල්ලක් අත්‍යවශ්‍ය වේ. දරුවා පාසලට යවා ඔවුන්ගේ අදයපනය පාසලින් ලබාදුන්නද, නිවසට පමිනිපසු ඔවුන්ගේ දිනපතා අධ්‍යාපනය කටයුතු සිදුවන් ආකාරය පිලිබදව ඔවුන් පාසලේදී ලබාගත් අධ්‍යාපනය පිලිබදව දෙමාපියන්ද දැනුවත්විය යුතුවේ. කුඩාකාලයේ සිටම වැඩිහිටියන් දරුවන්ගේ අධ්‍යාපනය පිලිබදව උනන්දුවන්නේනම් පාසලින් පමිනිපසු ඔවුන්ගේ පොත්පත් නිරීක්ෂණය කිරීම ලකළ යුතුම දෙයකි. මේවනවිට මත්ද්‍රවය වසංගතයක් මෙන් පැතිර තිබෙන නිසා පාසල් දරුවන් නිවසට පැමිණි පසු ඔවුන් පිළිබද දැඩි අවධානයක් ලබාදීම වැදගත්.

:       0       0

ඔබේ අදහස් එවන්න

කතුවැකිය

මුලින් රට ගොඩ ගනිමු ඉන්පසු වරප්‍රසාද ඉල්ලමු
2024 අප්‍රේල් මස 17 104 0

දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග


වෛද්‍ය විද්‍යා අධ්‍යාපනය තවත් පුළුල් කළ යුතුයි
2024 අප්‍රේල් මස 16 543 2

ජෙනරාල් සර් ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයේ වෛද්‍ය උපාධිය සඳහා මෙරට ශිෂ්‍යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව


අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 168 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 299 1

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 194 1

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 1075 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 177 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1460 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1375 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site