කරන්දෙණිය එම්. සුසිල් ප්රියන්ත
නොනගතය වෙලාවේ නෝනාට නොදැනෙන්න කළ වැඩක් මාට්ටු වී අවුරුද්ද පුරාම නොනවතින නෝක්කාඩුවකට මුහුණ දෙන්න සිදුවූ සැමියකු පිළිබඳ පුවතක් දකුණේ ගමකින් අසන්නට ලැබේ.
ඇය අවුරුදු නැකැත් සීට්ටුවට අනුවම ඉෂ්ට සිද්ධ කරන්න පුරුදු පුහුණුවූවේ මහගෙදර ඉන්නා කාලයේ සිටමය.
අවුරුදු සිරිත් විරිත් යම් හෙයකින් කඩවුවහොත් මුළු අවුරුද්දම මූසලවේ යැයි ඇය සිතුවාය. ඒ නිසාම ඒ කටයුතු පොතේ හැටියට නියම වේලාවට සිදු කිරීමට සැමියා ඇතුළු දූ දරුවන්ට දැඩි නීති රීති කොන්දේසිද දැමූවාය.
නොනගතය වේලාවට නිවෙසින් එළියටත් එළියෙන් නිවසටත් දේවල් ගෙන ඒම සම්පූර්ණයෙන්ම තහනම්ය.
නොනගතය වෙලාවේ කරන්නට කියන්නට දෙයක් නොමැති හෙයින් සැමියා මිතුරන් කිහිප දෙනකු සමග අසල ලඳු කැලෑවට ගියේ අඩියක් පුඩියක් ගැසීමේ අරමුණෙනි. බෝතලයක් එක මිතුරෙකු ගෙනි. ප්රශ්නය බයිට්ය.
හේතුව නොනගතය ය. කිසිම නිවෙසකින් දෙයක් මේ වෙලාවේ ගනු බොරුය.
අපේ මිතුරා එයට විසඳුමක් දුන්නේය. ඒ නැකැතට කිරිබත් කෑමට නෝනා සාදා තිබූ මාළු ඇඹුල් තියල්ය. වැඩේ හරිය. යහළුවන්ට සතුටුය. බෝතලය මාළු ඇඹුල් තියල් සමග අල්ලාප සල්ලාප මැද හිස් විය.
එදා සෙට්වූ යහළුවන්ගෙන් එක් අයෙක් ඔහුගේ නිවෙසට පසුදා පැමිණියේ අවුරුද්ද නිමිත්තෙනි. ආගිය තොරතුරු අතර ඔයාගේ මාළු ඇඹුල් තියල් නම් මාර රසයි මිතුරා ඔහුගේ නෝනාට කීවේය. මොන ඇඹුල් තියල්ද? අපි ඊයේ ඒවා කිරිබත් එක්ක කෑවානේයි ඇය කීවාය. ඕ ඊයේ දහවල් තමයි අපි කෑවේ යයි මිතුරා කී විට ඔහුට හීන් දහඩිය දමන්න විය.
නොනගතේ වේලාවේ මාළු ඇඹුල් තියල් හට්ටියෙන් කෑලි කිහිපයක් අඩුව තියූ බව ඇයට පෙනුණත් ඇය සිතුවේ දරුවන් එය හොරෙන් කොටා බාන්නට ඇතැයි සිතාය. සියල්ල සුලමුල විමසීමෙන් දැනගත් ඇය අපෝ ඉතින් මේ අවුරුද්ද ඉවරයි කියලා ඇය දෙස් දෙවොල් තිබ්බාය. ඉන්නවකෝ මේ අවුරුද්ද මොනවා හරි වුණොත් මම තමුසෙ අල්ල ගන්නම් යයි කිය කියා නාහෙන් අඬන්න පටන් ගත්තාය.
නොනගතය වේලාවේ කළ නොහොඹිනා වැඩේ නිසා දැන් අවුරුද්ද පුරාම නෝක්කාඩු අසන්න වේයැයි සිත සිතා ඔහු සිටින්නේ මිතුරාගේ තිරිංග නැති කටට ශාප කරමිනි.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නොනගතේදී නෝනාට හොරෙන් වැඩ අල්ලලා අහුවෙලා