මාවරල පී.එස්. මද්දුමගේ
නව වසර උදාවත් සමග අලුත් ඇඳුම් පැලඳුම් ඇඳ, කැවුම් කිරිබත් කා නව වසර පිළිගැනීම සමහරුන්ගේ චාරිත්රයක්ව පවතී. ගම්බද ජනතාවද නගරබද ජනතාවද මේ සිරිත් විරිත් ඉටු කරන්නේ ඉමහත් සන්තෝෂයකිනි. මේ අලුත් ඇඳුමක පලහිලව්වකි.
ඔහු රජයේ කාර්යාලයක සේවකයෙකි. තරුණයෙකි. වයස අවුරුදු 25 නොඉක්මවූ ඔහු විවාහ වී මාස කීපයක් ගතවූවා පමණි. නව වසර එළැඹි 31 වැනිදා රාත්රියේ ‘තර් ටි ෆස්ට්” පාටියක් සඳහා කාර්යාලයේ මිතුරකුගේ නිවෙසේ පවත්වන ප්රිය සාදයකට ඇරියුම් ලැබූ මොහු ද සහභාගී වූයේ කාර්යාලයේ රාත්රී ප්රිය සම්භාෂණයක් පවත්වන බව බිරියට පවසමිනි.
කාර්යාලය බෑගය ද රැගෙන ඉතාම කඩිනමින් ගමන් ඇරඹූ ඔහු මිතුරාගේ නිවෙසට යද්දී කාර්යාලයේ සෙසු පිරිස ද පැමිණ සාදය ආරම්භ කිරීමට කඩිමුඩියේ ලක ලෑස්ති වෙමින් සිටියහ. ඔහු ද මිතුරන් හා එක්ව මධුවිත පිරුණු බෝතල් සහ කටගැස්මට අවශ්ය බයිට් ආදිය ගෙනවිත්, සාදය සූදානම් කිරීමට කටයුතු කළේය.
කාලය වේගයෙන් පියඹා ගියේය. සාදය ද නැගලා ගියේය. නව වසරේ 1 වැනි දිනට පහන් වූ බව දැනගත් පිරිස කඩි මුඩියේම නිවෙස්වලට යාමට පිටත් වූයේ “ලැබුවා වූ නව වසර සතුට සාමය සහ සෞභාග්ය සපිරි නව වසරක් වේවා..!යැයි සැමටම සුබ පතමිනි.
කිලෝ මීටර් 10 ක පමණ දුරක් ඇති මොහුගේ නිවෙසට යන විට උදෑසන අට පමණ වී තිබිණි. ඒ වෙද්දී බිරිය කිරිබත් කපා, බැදුමක්ද සාදා අලුත් අවුරුදු කෑම මේසය සකසා තිබුණි. නිදි බර ගතියත් මහන්සියත් නිසා නිවෙසට පැමිණි විගස ඔහු නාන කාමරයට ගියේ මුහුණ කට සෝදාගෙන උදේ කෑම වේල බිරිඳ සමග ගන්නට සිතා ගෙනය.
සැමියා නිවෙසින් පිටව යාමට පෙර අලුත් ඇඳුමක් රැගෙන එන බවට දුන් පොරොන්දුව සිහියට ආ බිරිය, ස්වාමි පුරුෂයා පැමිණි විගස බෑගය පිරික්සීමට අමතක නොකළාය.
පුදුමයකි. අලුත් ඇඳුමක් වෙනුවට නයිටියක් බෑගය තුළ විය. “කමක් නෑ හොඳ ඇඳුමක් නැති නිසා වෙන්නැති නයිටියක් අරන් එන්න ඇත්තෙ. ඇඳල බලන්න ඕනෑ යැයි සිතූ බිරිඳ නයිටිය ඇඳ හැඩ බලන්නට සූදානම් වූවාය.
එයින් සබන් කුඩු සුවඳක් වහනය වීම නිසා ඇය කලබලයටත් කෝපයටත් පත් වූවාය.
සැමියා මුහුණ සෝදා පැමිණි විට බිරිය ඇඟට කඩා පැන්නාය. “ඈ මිනිහෝ... අලුත් ඇඳුමක් ගේනව කියලා තමුසෙ කාගෙ නයිටියක් ද ගෙනැල්ල තියෙන්නෙ...? පාටියට යනව කියල හොර ගෑනියකුගෙ තුරුල්ලට පරණ අවුරුද්දෙ ගියාද?”
සිදු වී ඇති දෙයින් අන්ද මන්ද වූ ඔහු කුමක් සිදු වුණාදැයි තේරුම් ගැනීමට නොහැකිව මදක් ගොළුවත රැකගෙන සිට, පාටිය තිබූ මිතුරාගේ නිවෙසට දුරකතන ඇමතුමක් දී උදේ පාන්දර සිදු වූ අභාග්යසම්පන්න අකරතැබ්බය මිතුරාට පැවැසීය.
කොක් හඬ ලා සිනාසුණු මිතුරා ඔහුට විස්තරය කියා දෙමින්, කාර්යාලයේ කවට මිතුරා මගේ නෝනාගේ නයිටියක් ඉල්ලාගෙන ඔයාගේ බෑගයට දැමූවා යැයි කීවේය. මිතුරා සිදුවූ දේට කනගාටුව පළ කරමින් ඔහුගේ බිරියටද, විස්තරය දුරකතනයෙන්ම පැහැදිලි කර දුන්නේ අවුරුද්දේ පළමුවැනි ආරාවුල සමථයකට පත් කරමිනි.
බෑනාගේ පක්ෂයේ මැයි රැලියට යන්න එන්නේ නැතිව වෙනත් පක්ෂයක මැයි රැලියට ගියයි කියා බෑනා තම මාමණ්ඩිය ගෙදරින් එළවා දැමූ පුවතක් බස්නාහිර පළාතේ පස්දුන් කෝරළ
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අවුරුදු ඇදුමට නෝනත් හොල්මන්