IMG-LOGO watawala

2024 මැයි මස 21 වන අඟහරුවාදා


සොහොන් කොත වැරදී කණුවට ඉටිපන්දම් පත්තු කරලා

කලවාන - උපේන්ද්‍ර ප්‍රියංකර ජාතුංගම 



සිය මාමණ්ඩියගේ සොහොන යැයි සිතා සූර් පිට කිලෝ මීටර් කණුවකට ඉටි පන්දම් පත්තු කර පැමිණි පුද්ගලයකු පිළිබඳව වයඹ පළාතේ එක්තරා ගමකින් වාර්තා වේ.
සිද්ධිය මෙසේය.
එම ගම තරමක් දුෂ්කර ගමකි. නගරයේ මෙන් ආදාහනාගාර නොමැති හෙයින් කනත්ත භූමියේ මිනී භූමදානය සිදු කරයි. දුප්පත් පුද්ගලයන් සාමාන්‍යයෙන් මිනිය භූමදානය කරන අතර, පොහොසත් පිරිස් සොහොන් කොත් නිර්මාණය කර වසරක් පාසා ගොස් ඉටි පහන් හෝ මැටි පහන් දල්වා මියගිය පුද්ගලයන් ස්මරණය කරති.
මෙම කනත්ත ප්‍රධාන මාර්ගයකට ආසන්නව පිහිටා ඇති අතර, පාර පුළුල් කිරීමේදී කනත්ත දෙසින් නොව අනෙක් පසින් පාර සකස් කර ඇති හෙයින්, කනත්ත භූමියේ පැරැණි කිලෝ මීටර් කණුවක් ද තිබේ. එම කණුව නව පාර තැනීමේදී එම ස්ථානයෙන් ඉවත් කර නොමැති අතර, වටේ ඇති සොහොන් සමග පස්වලින් යට වී සොහොන් කොතක් සේ දිස් වේ.
මෙම ගමෙහි ජීවත් වූ තරමක් ධනවත් පවුලක කාන්තාවක් සිය පියාගේ වසර හතේ පින්කම නිමිත්තෙන් සොහොන ශුද්ධ කර ඉටි පහන් දල්වා පැමිණෙන ලෙස සිය ස්වාමිපුරුෂයාට පවසා ඇත. 
පසු දින තමන් සොහොනට මල් කලඹක් තැබීමට යා යුතු බව ද ඔහුට පවසා ඇත. ඉතා බියගුලු‍ පුද්ගලයකු වූ ඇයගේ සැමියා බිරියගේ කීම අහක දැමීමට නොහැකි නිසා හා ඇය කළ ඉල්ලීමක් ප්‍රතික්ෂේප කළහොත් ලැබෙන ප්‍රතිවිපාක දන්නා හෙයින්, මිතුරකු හා කනත්ත වෙත යාමට කටයුතු කර ඇත්තේ ඇයට සිතින් සාප කරමිනි. 


රාත්‍රී කාලයේ පහන් දැල්විය යුතු බැවින්, එතෙක් බිය මඳක් හෝ අඩු කරගැනීමට මිතුරා සමග අවන්හලකට ගොස් හොඳ හැටි මත්පැන් පානය කර තිබේ. පසුව රාත්‍රී උදා වූ පසු දෙදෙනා බොහෝ අපහසුවෙන් කනත්ත වෙත ගොස් මාමණ්ඩියගේ සොහොන් කොත සොයා කනත්ත පුරා ඇවිද ඇත. 
මාමණ්ඩියගේ නම කේ.එම්. යනුවෙන් පටන් ගන්නා අතර, මිතුරා බොහෝ අපහසුවෙන් කේ.එම්. සොහොන් කොතක් සොයා ගෙන ජයග්‍රාහි ලීලාවෙන් ඔහුට කතා කර තිබේ. පසුව එම ස්ථානය එහෙන් මෙහෙන් ශුද්ධ පවිත්‍ර කර, බිරිය කෑන් එකකට දමා දුන් නැවුම් කිරිවලින් කොත සෝදා ඉටිපන්දම් දල්වා ඉක්මනින් එතැනින් ගොස් ඇත්තේ වෙරි පිටමය.
බිරිය මල් කලඹක් රැගෙන පියාගේ සොහොන වෙත සැමියා සමග ගොස් ඇති අතර, පෙර දින සැමියා සිය පියාගේ සොහොන වෙත කිසිවක් කර නොමැති බව දැක යකා ආරූඪ වී තිබේ. එවිට ඔහු බියෙන්, බිරිය අමතා, “නැහැ, නැහැ. මගේ යාළුවා හොඳට නම බලලා ශුද්ධ කරලා කිරිවලින් සොහොන නාවලා හේදුවේ”‍ යැයි පවසා ඇත. පසුව ඔහු වටපිට බලද්දී කිලෝ මීටර් කණුව අසල දැවී ගිය ඉටිපන්දම් හා කිරි ගෙනා කෑන් එක දැක, තමන් මාමණ්ඩියගේ සොහොන යැයි සිතා කිරිවලින් සෝදා ඉටිපන්දම් දල්වා ඇත්තේ කිලෝ මීටර් කණුවකට බව දැක, ඒ දෙස දත් මිටි කමින් බලා සිටින බිරිය දෙස බලා ලැජ්ජාවෙන් එතැනින් හිමිහිට මාරු වී ඇත්තේ බිරියගේ කටේ ශක්තිය ඇයගේ අත පයවලට ඒමට පෙරය.

 



අදහස් (0)

සොහොන් කොත වැරදී කණුවට ඉටිපන්දම් පත්තු කරලා

ඔබේ අදහස් එවන්න

දෙයියෝ සාක්කි

කසිප්පු පෙව්වැයි ගනුන්ගෙන් අම්බානට ගුටි කාලා
2024 මැයි මස 21 448 0

මළ ගෙදරක් ආසන්නයේ ගලක් උඩ සිට ගමේ පිරිමින්ට කසිප්පු අලෙවි කළැයි කාන්තාවන් පිරිසක් එකතු වී පුද්ගලයකුට පහරදී ගල පල්ලට තල්ලු‍ කර ඇතැයි කියන සිද්ධියක් සම


තරු හෝටලේ සාදයට ගමේ බඩු දී හතර අතේ වැටිලා
2024 මැයි මස 20 734 0

අත දිගහැර වියදම් කොට මෙරට ප්‍රමුඛ පෙළේ හෝටලයක පැවැත්වූ සිය වැඩිමල් දරුවාගේ මංගල උත්සවයට පැමිණි හිතවතුන්ට විදේශීය රටක නිෂ්පාදනය කරන ලද උසස් තත්වයේ මත


තහනම් ගහේ ගෙඩි කඩන්න ගිහින් පෙම්වතියගේ අම්මාගේ උගුලට අහුවෙලා
2024 මැයි මස 18 1029 0

අනියම් පෙමක සම්බන්ධතාවක් ඇතිකර ගැනීමට ගිය අයකු පෙම්වතිය කියා ඇයගේ මව හමුවීමට යාමෙන් පෙම්වතාට සිදු වූ අකරතැබ්බයක් ඉබ්බාගමුව ප්‍රදේශයෙන් අසන්නට ලැබු


නෑගම් යද්දී පාර්සලය මාරුවී දෙලෝ රත්වෙලා
2024 මැයි මස 18 488 0

සිංහල අලු‍ත් අවුරුද්ද වෙනුවෙන් නෑගම් යාමේදී සීනි වෙනුවට සිමෙන්ති කිලෝ දෙකක් රැගෙන ගිය අපූරු කාන්තාවක පිළිබඳව දකුණු පළාතේ ලස්සන ගම්මානයකින් වාර්තා ව


පන්දහසක් පෙන්වා ත්‍රිරෝද රියැදුරාගේ 4500ට විදලා
2024 මැයි මස 18 277 0

රුපියල් 5000ක් පෙන්වා රුපියල් 4500ක් ත්‍රීරෝද රථ රියදුරකුගෙන් ගත් අපූරු හාදයන් දෙදෙනකු ගැන පුවතක් අම්බලන්ගොඩ නගරයෙන් අසන්නට ලැබේ. ත්‍රීරෝද රථ ගාලේ ඒ අවස්ථ


ලෙඩා මැරුණැයි සිතා අනුන්ගේ මළගේකට ගිහින්
2024 මැයි මස 18 233 0

මියගිය අයකුගේ මළ ගෙදරට සහභාගි වූ නඩයක් මැරුණු අය ජීවමානව දැක ආපසු ගිය පුවතක් ගල්නෑව අවට ගම්මානයකින් අසන්නට ලැබුණි. මෙම ගම්මානයේ උපන් අයකු කුරුණෑගල දිස


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 848 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2393 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2053 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site