තම නිරුවත වසා ගැනීමට මානාපඳුරක් බදාගෙන පූස් පැටවෙකු සෙවූ අයෙකුට තම උපන් ඇඳුමෙන් පැන දුවන්නට සිදුවූ අපූරු කතාවක් කහටගස්දිගිලීය සහ ගලෙන් බිඳුනුවැව අතර පිහිටි පිටිසරබද සුන්දර ගමකින් අසන්නට ලැබුණි.
මැදි වයසේ පසුවුණු ඔහු, මස් මාංශ නොමැතිව ආහාර ගත්තේ නම් එය ඉතා කලාතුරකින් සිදුවුණු දෙයකි. ඒ තරමටම ඔහු මස් මාංශ කෙරෙහි දැඩි තණ්හාවක් දැක්වූ තැනැත්තෙකි. තැන නොතැන නොබලා මස් මාංශ ලබා ගැනීම වෙනුවෙන් ඕනෑම දෙයක් දෙපාරක් නොසිතා කිරීමට පෙලඹෙන හදිසි කාරයෙකි.
ඔහු සහ ඔහුගේ බිරිඳ ගොවිතැන් කරමින් ජීවත් වෙන අතර ඔවුන්ගේ හේන පිහිටා තිබුණේ කුඩා වැවක් ඉස්මත්තේය. මෙම කුඩා වැවට යෑම් ඊම් සිදු කරන්නේ වැඩිපුරම මෙම අඹු සැමි යුවළ පමණක් වීම ද විශේෂත්වයකි. කැලෑව මැදින් වැටී ඇති අඩි පාරක් ඔස්සේ මෙම වැව පසුකරගෙන ඔවුහු තම හේනට යති.
දිනක් බිරිඳ හේනේ වැඩ කරමින් සිටිය දී සැමියා හේනෙන් පිටත්ව ගියේ ඇයට හේනේ ටික වේලාවක් වැඩ කර නිවසට එන ලෙස දන්වමිනි.
‘‘ගෙදර යන ගමන් මාළුකුරියෙක් දෙන්නෙක් අල්ලාගෙන ගියා නං හොඳයි”. යයි සිතමින් වැව අද්දරට ගොස් වටපිට බලා ඇඳ සිටි සරම ගලවා එතැන තබා උපන් ඇඳුමෙන් වතුරට බැස්සේය.
සිතූ පරිදි වතුරේ තිබූ ගස්වල මුල් අස්සේ සිටි මාළු කීප දෙනෙකු අල්ලා ගත් ඔහුට හදිසියේ ශරීර කෘත්යයක් කර ගැනීමට අවශ්ය වී කැලයට රිංගුවේය.
මේ අල්ල පනල්ලේ බිරිඳ දරමිටියක් හිස තබා කැලේ මැදින් හේනේ සිට ගෙදරට එමින් සිටියාය. සැමියාගේ සරම මග වැටී ඇති අයුරු දුටු ඇය සරම ද රැගෙන නිවසට ගියාය.
කැලේට රිංගා ශරීර කෘත්යය සිදු කිරීමෙන් පසුව එළියට පැමිණි සැමියාට සරම නැති බව වැටහුණි. දැන් ඉතින් කුමක් කරන්නද සිතා හෙමින් හෙමින් ඈත මෑත විපරම් කර බල බලා කවුරුන් හෝ ඉදිරියට හමුවේවිදෝ සැකෙන් සහ බියෙන් උපන් ඇඳුමෙන් ඉදිරියට ගමන් කළේය.
මේ අතර තරුණ වයසේ පසුවුණු එම ගමේම තරුණියෝ දෙදෙනෙක් කුමක් හෝ කටයුත්තක් සඳහා වැව දෙසට එමින් සිටියෝය.
නිරුවතින් ඉදිරියට ඇදෙන මාළු වැලක් අතේ එල්ලාගෙන සිටි මේ මාළුකාරයා ඉදිරියෙන් එන තරුණියන් දෙදෙනා දැක තම නිරුවත වසන් කර ගැනීමේ අරමුණින් පාර අයිනේ උසට වැවී තිබුණු මානා පඳුරක් මැදට පැන බිම වාඩි වී කිසිවක් සොයන ආකාරයේ රංගනයක යෙදුණේය.
‘‘ළඟට ආ තරුණියන් දෙදෙනා” මාමා, මොනව ද හොයන්නේ ?” යැයි විමසීය.
‘‘බලන්න දුවේ, හරි වැඩේනෙ මට වුණේ, අපේ ගෙදර හුරතලේට ඇති කරන පූස් පැටියා, මේ පඳුරට පැන්නා නොවැ .මේකා දැන් හැංගිලා. ඒකයි මං මේ හොයන්නෙ.”යැයි පැවසීය.
තරුණියන් දෙදෙනා ද ඔවුන් ආ කාරිය මොහොතකට අමතක කර පඳුර වටේ කරකැවෙමින් පූස් පැටියා අල්ලා ගැනීමට උදව් කළෝය.
‘‘එන පොට හොඳ නෑ කෙල්ල ගෙට ගං” කීවා සේ පූස් පැටියා සෙවූ අපගේ උපන් ඇඳුම්කාරයා තම අතේ තිබූ මාළු වැලද විසිකොට මානා පඳුරෙන් එළියට පැන, ‘‘පණ එපා” කියා දුවන විලාසයෙන් පිම්මට දෙකට තරුණියන්ගේ ඇස් හතරෙන් බේරී සැඟවී ගියේය.
තරුණියෝ දෙදෙනා කාරණය වටහාගෙන , සිනහව එළියට පෙනීම වැළැක්වීම සඳහා අතින් මුව වසාගෙන ඔවුන් ආ කාරිය කරගෙන යළි ගමට ගොස් මෙම ප්රවෘත්තිය විශ්වාසවන්ත කීප දෙනෙකුට විකාශය කළෝය.
දැන් ඔහු හමුවන විට ගමේ කොල්ලෝ කුරුට්ටන් කොහේ හෝ සැඟවී සිට හඬ නගා ‘‘ඥාව් ඥාව්” යනුවෙන් පූසෙකුගේ හඬ අනුකරණය කරන විට අප උපන් ඇඳුම් කාරයා එම කොල්ලෝ කුරුට්ටන්ගේ ‘‘වැදූ මෝ” සරුප වචනයෙන් සිහිපත් කරනවාලු.
කැබිතිගොල්ලෑව
හේමන්ත රණසූරිය
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පූස් උපාය වැරදී උපන් ඇඳුමෙන් දුවලා