නැතිවූ දුරකතනය වැඩිහිටියකුගේ සරම ඇතුළෙන් නාදවෙලා

(මෝදර සී. ඉග්නේෂස් ඇන්තනී)

අහුලාගත් ජංගම දුරකතනයක් අයිතිකරුට නොදී සඟවාගෙන සිටි වැඩිහිටි පුද්ගලයකු ඇඳසිටි සරම ඇතුළෙන් එය නොනවත්වාම නාදවීම නිසා එය අයිතිකරුට ආපසු දීමට සිදුවූ පුවතක් කොළඹ නගරයේ මුහුදු වෙරළ තීරයකින් වාර්තා විය.

ඉරිදා සහ පෝය දිනයන්හි වගේම රජයේ නිවාඩු දිනවලත් සවස් කාලයේ මෙම ස්ථානයට කවුරුත් එන්නේ සැඳෑ සිරිය නරඹන්නටය. එදා ද ඉරිදා දවසකි. දුවන පනින සෙල්ලම් කරන කුඩා දරුවන් මෙන්ම තරුණ තරුණියන්, ටික වේලාවක් නිදහසේ ගතකරන්නට කැමැති වැඩිහිටියන් සහ පවුල්පිටින් පැමිණි පිරිස් විනෝදවී තැන් තැන්වලට වී සිටියහ.

මොවුන් අතර සිටි තරුණ යුවළකි. ඔවුහු පඳුරක් යට වාඩිවී පෙම් සුව විඳිමින් කතාබහෙහි යෙදී සිටියහ. ඊට නුදුරින් අවුරුදු 60ක් 65ක් පමණ වයසැති සරමකින් සහ කමිසයකින් සැරසී සිටි වැඩිහිටි පුද්ගලයකු අවට සිරිනරඹමින් තනි පංගලමේ වාඩිවී සිටියේය. කෙමෙන් කෙමෙන් හිරු අවරගිරෙන් බැසයන්නට විය. රැය උදා විය. වැල්ලේ සිටි බොහෝ පිරිස් නිවෙස් බලා යන්නට වූහ.

කරුවල ටිකෙන් ටික වැඩිවිය. අවසානයේ වැල්ලේ සිටියේ තරුණ යුවළ සහ වැඩිහිටි පුද්ගලයා පමණි. සඳ එළියත් පොළෝ තලය සිපගත්තේය. කාල වේලාව ඉක්ම යන නිසා ජංගම දුරකතනයත් දමා තරුණ යුවළ ද එතැනින් නික්ම ගියහ. වැඩිහිටි පුද්ගලයා එතැනමය.

ටික දුරක් ගිය තරුණ යුවළ ආපසු සිටි තැනට පැමිණ ‘අංකල් මෙතැන ෆෝන් එකක් තිබුණේ නැත්දැයි’ වැඩිහිටි පුද්ගලයාගෙන් විමසූහ. ‘මම ෆෝන් එකක් ගත්තෙත් නැහැ. ෆෝන් එකක් දැක්කෙත් නැහැ’ යැයි ඔහු කියා සිටියේ මහත් ආඩම්බරයෙකිනි. ඒ වනවිටත් ඔහු ෆෝන් එක අහුලාගෙන සරම යටට සඟවාගෙන හමාරය.

තරුණ යුවළ ෆෝන් එක සොයමින් සිටියදී වැඩිහිටි පුද්ගලයා සිටි දෙසින් ෆෝන් එක නාද වන්නට විය. දිගින් දිගටම ෆෝන් එක නාද වෙමින් පැවතුණි. එහෙත් නාදය නවත්වන්න ඔහුට වෙලාවක් තිබුණේ නැත. ‘ඔය ඇහෙන්නේ අපේ ෆෝන් එක’ යැයි ඔවුහු ඔහුට පැවසූහ.

අන්තිමේදී තරුණ යුවළ ‘අංකල් ෆෝන් එක ගත්තා නම් දෙන්න. අපි පොලිසියට යන්නේ නැතැයි’ කියූවිට සරම යටින් ෆෝන් එක ගෙන ඔවුන්ට දී වැඩිහිටි පුද්ගලයා ලජ්ජාවෙන් මිරිකී පසුපස නොබලාම යන්නට ගියේය.

අදහස් (0)

නැතිවූ දුරකතනය වැඩිහිටියකුගේ සරම ඇතුළෙන් නාදවෙලා

ඔබේ අදහස් එවන්න

වැඩි දෙනා කියවූ පුවත්

ඇමති දෙන්නෙක්ගේ ඉල්ලා අස්වීමක් ගැන ගැසට් නිවේදනයක්

2025 ඔක්තෝබර් මස 12 15747 6

පොලිස් පොඩ්ඩාට පෙනී සිටි ‍තාරක නීතිඥ සංගම් කමිටුවෙන් යයි

2025 ඔක්තෝබර් මස 19 12419 17

පුටු මාරුව: බිමල්ගෙන් සැර ප්‍රකාශයක්

2025 ඔක්තෝබර් මස 12 9638 11

වාහන ආනයනයෙන් බස් 3,000ක් අනතුරේ

2025 ඔක්තෝබර් මස 24 8977 34

“ඇප ලැබෙන විදිහට බඩු නොදැම්මොත් මරනවා”

2025 ඔක්තෝබර් මස 10 8620 2

2025 ඔක්තෝබර් මස 08 1650 0

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

2025 ඔක්තෝබර් මස 01 1399 0

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

2025 සැප්තැම්බර් මස 23 498 0

ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී.

ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන