2025 දෙසැම්බර් මස 12 වන සිකුරාදා
(කල්පිටිය පද්මා කුමාරි කංකානම්ගේ)
‘‘දුව එන්න, මට ගේ ළඟට ඇරලවන්න සුළුවනි. වැස්සේ තෙමි තෙමි යන්න එපා’’ කාරුණික ත්රිරෝද රථ මාමා කෙනෙක් ඉදිරිපත් වූයේය.
පාසලේ සිට කිලෝ මීටරයක් දුරින් නිවෙස පිහිටි, දස හැවිරිදි දැරියක ත්රිරෝද රියට ගොඩ වූවාය. නිතර දෙවේලේ දකින මාමා පිළිබඳව දැරියට කුකුසක් නොවීය. විසි එක් හැවිරිදි ත්රිරෝද රථ මාමා විවාහපේක්ෂිත තරුණයෙකි.
‘‘පුංචි කාලේ ඇල්ලූවාට පස්සේ අත ගාන්නත් බැරි වුණා.’’ මාමා දැරියගේ පාද සෙනෙහසින් පිරි මැද්දේ ය.
‘‘දුව අම්මාට එහෙම මුකුත් කියන්න එපා’’ නිවෙස අසලින් දැරිය බැස්ස වූ ත්රිරෝද මාමා වහාම ඉගිල ගියේය.
‘‘අම්මෙ මා කැන්දන් ආ ත්රිරෝද මාමා, අපේ නෑදෑයෝද?’’
‘‘නැහැ. ඇයි දුව එහෙම අහන්නේ?’’
‘‘එහෙනම්, ඒ මාමා මට කිව්වා නේ, පුංචි කාලේ ඇල්ලූවාට පස්සේ අදයි අතගාන්න ලැබුණේ කියලා මා අත ගෑවානේ’’ දියණිය පැවසුවාය. ත්රිරෝද රථය යළි නිවෙස අසලින් පැමිණෙන තුරු, මව මග බලා සිටියාය. ඈත සිටම ත්රිරෝද රථයට අත දමා මව රිය නතර කළාය.
‘‘මට අද ඉස්කෝලේ ගාවට යන්න පරක්කු වුණා. මේ වැස්සේ දුවව ගෙදර ඇරලපු එකනම් ලොකු පිනක්. ලොකු උදව්වක්. අනේ එන්නකෝ තේ ඩිංගක් බීලාම යන්න.’’ මව පෙරත්ත කළාය.
අවසානයේ ත්රිරෝද රථ මාමා, මවගේ බලවත් පෙරැුත්තය හමුවේ නිවසට ගොඩ වූවේය.
‘‘වාඩි වෙන්න. වාඩිවෙන්න. හීතලට කෝපි එකක් හොඳයි නේද?’’
‘‘හොඳයි, හොඳයි... ඕක මහ ලොකු උදව්වක් නෙවෙයි නේ.’’ ඔහු පැවසුවේය. මව මුළුතැන් ගෙයට ගියාය. එසැණින් බූවල්ලක් අතින් ගත්, මව මදි නොකියන්න තරුණයාට පහර දුන්නා ය. ‘‘උඹේ අම්මා ගැහැණියක් නෙමෙයි ද? උඹට සහෝදරියෝ නැද්ද? උණුසුම් කෝපි කෝප්පය වෙනුවට බූවලූ ප්රහාරයට ලක් වූ ත්රිරෝද මාමා පණ එපා කියා දිව්වේ තම ජඩ කමට උගත් පාඩම ද සමගිනි.
සිය දරු දැරියන්ට විස්වාසම කිට්ටු ඥාතියකු ගේ හැර වෙනත් අයකුගේ රථ වාහනවලට ගොඩ නොවන්නට තරයේ අවවාද කළ යුතු බව පොලිසිය කියයි. විශේෂයෙන් ආවරණය කළ ත්රිරෝද රථ ඇතුළු වැසුණු වාහනවලට ඇතුළු නොවන ලෙස කීමටද දෙමාපියන් හා ගුරුවරුනට ලොකු වගකීමක් ඇති බවද පොලිසිය පැවසීය.
1995 අංක 22 දරණ ශ්රී ලංකා දණ්ඩ නීති සංග්රයේ 345 දරණ වගන්තියට අනුව සැකකරුට නීතිමය පියවර ගන්නා බව පොලිසිය කියයි. කල්පිටිය පොලිස් ස්ථානාධිපති පොලිස් පරීක්ෂක රංජිත් අබේනායක මහතාගේ මෙහෙයවීමෙන් පරීක්ෂණ පැවැත් වේ.
2025 දෙසැම්බර් මස 04
615
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
518
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
431
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
දියණියට හදි කරන්න ආ මාමාට බූවල්ලෙන් තලලා
දමයන්ති Monday, 08 December 2014 08:25 PM
මේ වගේ මිනිස්සුන්ට මේ වගේ දෙවල් කරන්න ඕනා. ගොඩක් හොඳ දෙයක් කරලා තියෙන්නේ (නදී)
කුමාරි Friday, 05 December 2014 07:33 AM
දරු පැටියත් හොදයි.අම්මාට ඔය දේ නොකිය හිටියා නම් පසුව ඔයිට වඩා දෙයක් කරන්න තිබුනා.අම්මා දුන්න පාඩමත් නියමයි.පුංචි දරුවන් පවා දැන් කාලේ හොඳින් දැනුවත් කරන්න වෙලා.(හේ)
මංගල Friday, 05 December 2014 04:14 PM
හොඳ වැඩේ (දී)
මොහොමඩ් කාන් Saturday, 06 December 2014 04:41 AM
මේ වගේ අයට ගහලා මදි.(හේ)
රත්නායක Friday, 05 December 2014 10:04 AM
මේ වගේ මිනිස්සුන්ට හොද පාඩමක් (දිල්)
සුනිල් Friday, 05 December 2014 06:39 PM
අහිංසක දැරියක් සහ බුද්ධිමත් අම්මා කෙනෙක්. (නි)
චින්තක Friday, 05 December 2014 11:11 AM
මේ අම්මා සහ දුව දෙන්නම අද කාලෙට ගෙලපෙන හොද පාඩමක් සමාජයටම දීලා තියෙන්නේ.(හේ)
ශිරන්ති Sunday, 07 December 2014 12:42 PM
හරියට හරි (නදී)
සත්යයා Monday, 08 December 2014 08:15 AM
ගහේ හැටියට තමා ගෙඩි. හිටවපු දේවල් තමයි පැල වෙලා තියෙන්නේ. මාමල තමයි රජ කරන්නේ. (අ)
කාලිංග Friday, 05 December 2014 02:27 PM
අම්මයි දුවගේ බුද්ධිමත් හැසිරීමට මගේ උත්තමාචාරය, එත් මේ දැරිවි හෙට පාසලට ගියාම හැමෝම බලයි බලෙන් දුෂණය කරවගත්තු නැහැදිච්ච කෙල්ලක් විදියට, ඔන්න ඔහොමයි අපේ රට, (දී)
ආකාශ් Friday, 05 December 2014 04:16 AM
මේ වගේ නැහැදිච්ච පුද්ගලයින් හින්දා තමයි අද සමාජය පිරිහිලා තියෙන්නේ.(හේ)
අමල් Friday, 05 December 2014 04:22 AM
ඒකනම් හොද වැඩක්.(හේ)
හංසිකා Saturday, 06 December 2014 02:08 AM
අනේ දෙයියනේ! (නි)
සමීර් Sunday, 07 December 2014 03:34 PM
මේ අම්මා හොඳ වැඩියි. මම එහෙම නම් ඕකාව එල්ලනවා. (නි)
ඇසිලින් Monday, 08 December 2014 04:29 AM
අද පමණක් නෙමෙයි අපට හෙටක් තියෙනවා. වීදුරු ගෙවල් වල ඉඳලා ගල් ගහන්න එපා. (නි)
ප්රියානි Friday, 05 December 2014 05:24 AM
හොද වැඩක්.මේ වගේ අයට ගහලා මදි.(හේ)
අසෝක Sunday, 07 December 2014 04:34 PM
මේවගේ අයට මතක හිටින පාඩමක් කියා දෙන්න ඕනා. (අ)