IMG-LOGO

2025 නොවැම්බර් මස 29 වන සෙනසුරාදා


උපන්දිනයට බිරිය පුදුම කළ සැමියා පහුවදා පුදුම වෙලා

කරන්දෙණිය එම්.සුසිල් ප්‍රියන්ත


තම බිරියගේ උපන් දිනය දා ඇය පුදුම කරවන්න අරුම පුදුම උපායක් යෙදූ ස්වාමිපුරුෂයකු පිළිබඳ ගාලු‍ දිසාවේ නගරයකින් අසන්නට ලැබෙයි.
උපන්දිනය දා ඇය සේවය නිම වී නිවෙසට පැමිණිවිට නිවෙසේ එකම උත්සවශ්‍රීයකි. බැළුම් බෝල ඉදිරිපස උළුවස්සේ එල්ලා තිබිණ. නිවෙසේ බිත්තිවල ක්‍රේප්වලින් සහ මල්වලින් අලංකාරවී තිබිණ. සාලයේ මේසය මත ලොකු දැකුම්කළු කේක් එකකි. එහි ඇගේ නමද විය. හැපී බර්ත්දේ කියා ඉංග්‍රීසියෙන් ද ලියා තිබිණ. ඉටිපන්දම් ද ඊට නොදෙවැනි ආකාරයට කේක් එක පුරාය. බිරියට සතුටුය. සැමියා ගැන ආඩම්බරයක් ද ඇතිවිය. අනේ දෙවියනේ මෙයාට මගේ උපන්දිනේ අමතක වෙලා නැතැයි ඇය සිතුවාය. තමා පුදුම කරන්න මටත් නොකියා මෙයා කළදේක මහත යැයි ඇය කියමින් සතුටු කඳුළු සලමින් ඇඟපත සෝදා සැමියා ගෙනත් තිබූ අලු‍ත් ඇදුමක් ද ඇඳ තමාගේ උපන්දිනය සැමරීමට ඇය සූදානම් වූවාය. දරුවෝද මේ අවස්ථාවට එක්වී සිටියහ. සුබ පතමින් සියල්ලෝම කේක් කපමින් උපන් දිනය සැමරූහ. රාත්‍රී කෑමද නිවෙසේ සිටින අය ගාණට කඩෙනි. ඒ විතරක්ම නොව ඔහු හොඳ කට ගැස්මක් එක්ක හොඳ බෝතලයක්ද ගෙනැවිත් තිබිණ.

එදා රැය පහන් කළේ වෙනදා නොවූ සතුටිනි. එයට හේතු ගොඩකි. භාර්යාවගේ උපන්දිනය සමරා ගතවූයේ දින දෙකකි. ඇය කාර්යාලයේ අවශ්‍යතාවකට නගරයේ බැංකුව වෙත ගිය ගමනේදී  කාලයකින් ලකුණු කරගන්න බැරිවූ  සිය බැංකු පොත ලකුණු කර ගත්තාය. එහිදී තමා නොගත්තද රුපියල් දහස් ගණනක් අඩුවී තිබිණ. තමා නොදැනුවත්වම මුදල් ලබාගෙන තිබුණේ තමාගේ ජන්ම දිනය දා උදේ බැවින් ඇයට සිදුව ඇතිදේ තේරුම් ගැනීමට වැඩි වේලාවක් ගත නොවීය. බැංකු කාඩ් පතේ රහස්‍ය අංකය දන්නා සිය සැමියා තමාගේ ගමන් මල්ලෙන් එය සීරු මාරුවට ගෙන එමගින් මුදල් ලබාගෙන තමාගේම උපන්දිනයට එම මුදල් වියදම් කර ඇති බව ඇයට අවබෝධ විය.
මේ ගැන ඇය විමසූවිට ඔහු කීවේ මේ වගේ වැඩවලට කියන්නේ සර්ප්‍රයිස් කරනවා කියලනේ. ඔයාගේ උපන්දිනයෙන් ඔයා සර්ප්‍රයිස් කරන්නයි එහේම කළේ කියමින් ඔහු එතැනින් ලිස්සා ගියේ භාර්යාවගේ මුහුණේ තිබූ රෞද්‍ර බැල්මෙන් එහාට ගිය දෙයක් සිද්ධ වුවහොත් නිවෙසට අලු‍ත් කොස්සක් ගෙන ඒමට සිදුවෙතැයි බියෙනි.



අදහස් (0)

උපන්දිනයට බිරිය පුදුම කළ සැමියා පහුවදා පුදුම වෙලා

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 195 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 256 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1154 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site