ආහාර රසවත් කර ගැනීම උදෙසා ලුණු අත්යවශ්යම අංගයකි. එක් දිනකට මිනිස් සිරුරට අවැසි නියමිත ලුණු ප්රතිශතයක් පවතී. අද නියමිත ලුණු ප්රතිශතය ඉක්මවා ලුණු පරිභෝජනය තුළින් ලෙඩ රෝගාදියට පවා ගොදුරු වීම සුලබ වී ඇත.
ඒ වගේම බොහෝ දෙනා සකස් කළ ආහාර වෙළෙඳපොළෙන් මිලදී ගනිති. එනම් Processed food නමින් හඳුන්වන මේවායෙහි ලුණු අධිකව අඩංගු වේ. ඒ වගේම සෝස් වර්ගත් භාවිත කරනු දක්නට හැකියි.
දවසකට අපේ ශරීරයට අවශ්ය ලුණු ප්රතිශතය වන්නේ ග්රෑම් 05ක් පමණි. එනම් කපාපු තේ හැඳි එකකි. ඒත් දිනකට සාමාන්යයෙන් එක් පුද්ගලයකු ලුණු තේ හැඳි එකහමාරක් දෙකහමාරත් අතර ප්රමාණයක් ආහාරයට ගනී. ග්රෑම්වලින් නම් එය ග්රෑම් නවයත් දොළහත් අතර නියමිත ප්රතිශතය ඉක්මවා යාමකි.
මෙයාකාරයට ලුණු අධික ආහාර ගැනීම ශරීරයට හොඳද? අධික රුධිර පීඩනය ගැන ඔබ අසා ඇති. සමීක්ෂණ වාර්තා පෙන්වා දෙන පරිදි අවුරුදු 18ත් 65ත් අතර වයස් කාණ්ඩයෙන් සියයට 26ක්ම අධික රුධිර පීඩනයෙන් පෙළෙති. එනම් සෑම පුද්ගලයන් හතර දෙනකුගෙන්ම එක් අයකු අනිවාර්යෙන්ම ප්රෙෂර් රෝගියෙකි.
බෝ නොවන රෝග යටතේ ඇති අධික රුධිර පීඩනය , හෘදය ආශ්රිත රෝග, අංශභාගය, දියවැඩියාව, පිළිකා, නිදන්ගත ස්වසන රෝග නිසා අපේ රටේ කොපමණ පිරිසක් මිය යනවාද කියා ඔබ දන්නවාද?එය වාර්ෂිකව සියයට අසූ තුනක ප්රතිශතයකි. විශේෂයෙන්ම හෘදයාබාධ, අංශභාගය, වැනි රෝග තත්ත්ව ආදියට අධික රුධිර පීඩනය මූලික වේ. මේ අනුව අධික රුධිර පීඩනය ඇති වීමට මූලිකම හේතුව වනුයේ අප ගන්නා ආහාරයේ අධික වශයෙන් ලුණු අඩංගු වීමයි. එබැවින් දිනකට ශරීර ගතවන ලුණු සාන්ද්රණයේ අඩු වැඩි වීම මත අධික රුධිර පීඩනයේ අවදානම තීරණය වේ.
එසේම ප්රෙෂර් වැඩි පුද්ගලයකුගේ රුධිර පීඩනය වැඩිවීම නිසා ඇති විය හැකි අංශභාගය වැනි සංකූලතා අඩු කරන්නත් ලුණු අඩුවෙන් ආහාරයට ගැනීම උදව්වේ. කට පරෙස්සම් කරගෙන රෝගී නොවී සිටිනවාද ,නොඑසේනම් වෙළෙඳපොළේ දක්නට, අසන්නට ලැබෙන කෘත්රිම ආහාර වැඩි මුදලක් ගෙවා පහසුවෙන් ලබා ගෙන ශරීරය නිරායාසයෙන්ම රෝගී කර ගන්නවාද කියන කාරණාව ඔබට භාරයි.
විශේෂයෙන් පුද්ගලයකු කුඩා අවදියේ සිට " Processed Food”, ”Junk Food”, “ Fast Food” යන නම්වලින් හඳුන්වන ලුණු, තෙල් වැඩි ආහාර පුරුදු නොකළ යුතුයි. එසේ නොවුණහොත් අවුරුදු 20ටත් කලින් අපේ දරුවන් ප්රෙෂර් රෝගියකු, හෘද ලෙඩෙක්, දියවැඩියා රෝගියකු වීම වැලැක්විය නොහැකියි. ඒ අවදානම තවත් තීව්ර කෙරෙනු ඇත. එනිසා ලුණු අවම භාවිතයකට හුරු වීම ඉතා සුදුසු අතර නිවසේ පිසින ලද ආහාරවලට ලුණු අඩු ප්රමාණයක් යොදන්නේ කොහොමද යන්න විමසුම වටී.
පුද්ගලයන් 05 දෙනකුගෙන් සැදුම්ලත් කුටුම්භයක නම් එක් අයකුට ලුණු කපාපු තේ හැඳි එක බැගින් තේ හැඳි 05ක් දිනකට අවශ්ය වේ. ගෘහණියක් ලෙස ඔබ ඒ තේ හැඳි 05 වෙනම කුඩා බඳුනකට එකතු කර ගන්න. දවසේ ආහාර පිළියෙළ කරන විට ලුණු එකතු කර ගත යුත්තේ ඒ ලුණු තේ හැඳි 05 අඩංගු බඳුනෙනි. වේල් 03ක් ඔබ ආහාර පිසිනවානම් ඒ ඒ ආහාර වේල අනුව එය තුනට බෙදා ගන්න. ඒ අනුව වෑංජනවලට ලුණු එකතු කර ගත හැකියි. මුලදි තරමක් අපහසු වුවද ක්රමයෙන් පවුලේ සියලුම දෙනා ඊට හුරු වේවි.
ප්රෙෂර් වැළඳුණු පසු වෛද්ය උපදෙස් අනුව ක්රියාත්මක වන ඔබ ලුණු අඩු කිරීමට පෙළඹෙනවා නේද? ඒත් අප උත්සාහ ගත යුත්තේ සිරුර රෝගී වීමටත් ප්රථම වැරැදි පුරුදු මඟ හරවා ගැනීමටයි. අවශ්ය ප්රමාණයට නිසි පමණට ලුණු භාවිතයට හුරු වීම තුළ ඔබ නිරෝගී පුද්ගලයකු වන බව මතක තබා ගන්න. එසේම බත් පිසීමේදී ලුණු එකතු කිරීමේ වැරදි පුරුද්දෙනුත් මිදීමට මේ සුදුසුම කාලයයි.
තමන් කැමැති ආකාරයට ඔනෑම දෙයක් ආහාරයට ගැනීම මිනිසකුගෙ අයිතිවාසිකම වුවත් කිසිදු ඉවක් බවක් නැතිව කෘත්රිම ආහාර සංස්කෘතියකට හුරු වීම නිසා අපේ නිරෝගී දිවි පැවැත්ම ගැන අමුතුවෙන් සිතීමට සිදුව ඇත. ලුණු ශරීරයට අවශ්ය සංඝටකයක් වුවද පමණ ඉක්මවා ගැනීමේ අහිතකර ප්රතිඵලය වන්නේ ඔබ ඉතා ඉක්මනින් ප්රෙෂර්, හෘදයබාධ රෝගියෙක් හෝ වකුගඩු රෝගියකු වීමට ඇති අවදානමට ළං කිරීමකි.
-සටහන- මාධවී ධර්මරත්න
ටීනියා දිලීර ආසාදනය රට පුරා වේගයෙන් ව්යාප්තවෙමින් තිබෙනවා. හිතුමතේ ඔසුහල්වලින් ඖෂධ වර්ග රැගෙන ආලේප කිරීමට වැඩිදෙනා පුරුදුවීම හේතුවෙන් ටීනියා මර්ද
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.
අලුත උපන් බිළිඳාගේ පූර්ණ පෝෂණයට අවශ්යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්රතිශක්තිකරණය සඳහා මුල් මාස හය නිව
පසුගිය කාලයේ පැතිර ගිය ඔමික්රෝන් රෝගයේ ම අනු ප්රභේදයක් වන න්භග 1 ප්රභේදය මේ වනවිට ලෝකය පුරාම ඉතා ශීඝ්රයෙන් පැතිර යමින් තිබේ. එම රෝගය මෙරටටත් පැමිණ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලුණු වැඩිපුර කෑවොත් වෙන දේ මෙන්න