මේ දවස්වල උෂ්ණත්වය ඉහළයි. ඒ නිසාම දහදිය පිටවීමත් වැඩියි. සෑම වසරකම මාර්තු සහ අප්රේල් මාසවල අපේ රටට හිරු මුදුන් වන කාලයයි. එබැවින් අන් කවරදාටත් වඩා මාර්තු, අප්රේල් මාසවලදී අධික උෂ්ණත්වයක් දැනෙන අතර දහදිය දැමීමද වැඩි වශයෙන් සිදු වේ. මේ දිනවල පවතින උෂ්ණාධික කාලගුණය නිසාවෙන් කුඩා දරුවන් වැඩි වශයෙන් වෛද්ය ප්රතිකාර සඳහා යොමු වීමේ ප්රවණතාවක්ද පවතී.
විශේෂයෙන් කුඩා දරුවන්ට දඩිය බිබිලි දැමීම, දද වැනි සමේ රෝග හට ගැනීම ඇරැඹේ. තවද කුඩා ළමයින්ට අධික උෂ්ණත්ව තත්ත්වයට ඔරොත්තු දීම දුෂ්කර නිසාවෙන් ඔවුන් වැඩි හරියක්ම විජලනයට ගොදුරු වීමේ හැකියාවක්ද පවතී. එබැවින් මේ දිනවලදී දරුවන් හට වඩ වඩාත් පිරිසුදු ජලය පානය කිරීමට ලබා දීම මෙන්ම ඔවුන්ව ඒසඳහා උනන්දු කරවීමත් යෝග්යදායී වේ.
උෂ්ණත්වය වැඩි වීමේ හේතුවෙන් මේ දිනවලදී වරින් වර කුඩා දරුවන් අතර පහත රෝගී ලක්ෂණද දැකිය හැකි වේ.
1) හිසරුදාව
2) ඇඟපත කැක්කුම
3) සිරුරට වෙනදාට වඩා දැඩි වෙහෙසකර ගතියක් දැනීම
4) නිදිමත ගතිය හා උදාසීනත්වයක් දැනීම
ඉහත ලක්ෂණ බොහොමයක්ම මෙවන් කාලවලදී සුලබව දැකිය හැකිය.
එසේම එළැඹෙන සිංහල අලුත් අවුරුදු කාලය නිමිත්තෙන්ද රට පුරා අවුරුදු උත්සව වැඩි වශයෙන් සංවිධානය වීම දක්නට ලැබේ. එහීදී මැරතන් තරග සඳහා ඉදිරිපත් වන ධාවකයන්ද මේ කාලයේදී බොහෝ සෙයින්ම සැලකිලිමත් වීම ඉතා අවැසිය. දැඩි උෂ්ණත්වය හමුවේ නිසි ජල පරිමාවෙන් ඔබේ සිරුර අපොහොසත් නම් තාප කම්පන තත්ත්වය ‘ Heat Stroke ‘ ඇති වීමේ අවදානමක් පවතී. එබැවින් දිවීමේ තරග සඳහා ඉදිරිපත් වන්නන් මේ අවදියේදී වැඩිපුර ජල පරිමාවක් සේම ශාරීරික නිරෝගීතාව කෙරෙහිද වඩාත් අවධානයෙන් පසුවීම ඉතාම වැදගත්ය. සෑම වසරකම දිවීමේ තරගවලදී සිදුවන පුද්ගල මරණ බොහෝවිටම තාප කම්පන තත්ත්වය නිසා සිදුවූ ඒවාය. එනිසා උෂ්ණත්වය ඉහළ යාම යන කාරණය කුඩා දරුවන්ට මෙන්ම වැඩිහිටියන්ටද පොදුවූවක් වන බැවින් සියලු දෙනාම ඒ පිළිබඳව දැනුම්වත් වීම අවශ්ය කෙරේ.
පාසල් යන ඔබේ දරුවාට පාසල් කාලය ඇතුළතදී පානය කිරීමට මෙම වකවානුවේදී අවම වශයෙන් වතුර බෝතල් දෙකක්වත් යැවීම සුදුසුය. එමගින් දරුවා කය වෙහෙසා කෙතරම් ක්රියාකාරකම්වල නියැළුණද සිරුරට අවශ්ය පරිදි ජලය ලැබෙන බැවින් විජලන තත්ත්වයට ගොදුරු නොවේ.
එසේම මේ දිනවලදී කුඩා දරුවන් වුවද දිනකට දෙවරක් උදේ සහ දහවල් වන පරිදි නෑවීමද ඉතාම සුදුසු වේ. එහිදී උදෑසන විනාඩි 20ක් සහ දහවල් නෑවීමේදී විනාඩි 20ක කාලයක් දරුවා වතුරේ තබා තැබීමත් සිදු කළ හැකියි. එහෙත් අපේ රටේ ඇතැම් දෙනා දවසට 02වරක් තබා කුඩා ළමයින්ව දිනපතා නෑවීමටත් දක්වන්නේ දැඩි බියකි. උණුසුම අධිකව දැනෙන මෙවන් කාලයකදී එවන් අනවශ්ය බියක් ඇති කර නොගෙන කටයුතු කිරීම අවශ්ය වේ. අපේ රට තවමත් මෙවන් මිත්යා මත විශ්වාස කළද විදෙස් රටවල දරුවෝ රාත්රී කාලයේදී පවා ස්නානය කරති. ලෙඩ නොවී සිටීමට පිරිසුදුකමද ප්රධාන හේතු කාරකයකි.
අධික රස්නයට ඔරොත්තු දෙන පරිදි පිරිසුදු සරල ඇඳුම් භාවිතයද ඉතාම සුදුසය. දහදිය උරා ගන්නා කපු ඇඳුම් භාවිතයට හුරු වන්න. පාසල් පද්ධතිය තුළ වුවත් දරුවන්ගේ ක්රියාශීලීත්වය මෙවන් වකවානුවලදී කඩා නොවැටී පවත්වා ගෙන යාම උදෙසා නිල ඇඳුමට හානියක් නොවන පරිදි සරල ඇඳුම් භාවිතයකට දරුවන්ව හුරු කළ හැකියි.
විදෙස් රටවල උෂ්ණත්වය අධික කාලවලදී පාසල් පද්ධතියට ‘ summer suit ‘ සංකල්පය පැමිණෙන්නේද දරුවන්ගේ නිරෝගිතාව රැක ගැනීම උදෙසාය.
ඔබ රස්නය අධික දහවල් කාලයේදී හිරු එළියට නිරාවරණය වනවා නම් කුඩයක් හෝ හිස් වැසුමක්, අව් කණ්ණාඩියක් පැළැඳීමටත්, පීඩාකාරී හිරු එළියෙන් සම සුරකින ආලේපන වර්ගයක් භාවිත කිරීමටත් අමතක නොකරන්න.
එබැවින් වෙනදාට වඩා පිරිසුදු ජලය වැඩිපුර පානය කිරීමත්, දිනපතා දෙවරක් ස්නානය කිරීමත්, සරල කපු ඇඳුම් භාවිතයට හුරුවීම සේම දියර ජාති පානය කිරීමත් දෛනික පුරුදු බවට පත් කොට ගන්න. පෙර පරිදිම ඔබගේ දෛනික ජීවිතයට අනුගත වෙමින් පෝෂණීය සමබල ආහාර වේලක් ගැනීමටත් අමතක නොකරන්න.
-සටහන- මාධවී ධර්මරත්න
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.
අලුත උපන් බිළිඳාගේ පූර්ණ පෝෂණයට අවශ්යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්රතිශක්තිකරණය සඳහා මුල් මාස හය නිව
පසුගිය කාලයේ පැතිර ගිය ඔමික්රෝන් රෝගයේ ම අනු ප්රභේදයක් වන න්භග 1 ප්රභේදය මේ වනවිට ලෝකය පුරාම ඉතා ශීඝ්රයෙන් පැතිර යමින් තිබේ. එම රෝගය මෙරටටත් පැමිණ
මේ වනවිට පරිගණක භාවිතය ඉතා බහුල වී තිබේ. දෛනික ක්රියාකාරකම් මෙන්ම රැකියාවල කටයුත ද ඉතා පසු කරන මෙවලමක් වන පරිගණකය වැඩ පහසු කරනවා වුවත් එය පුද්ගල කායි
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
දැඩි රස්නෙන් නැති ලෙඩ හැදෙන්න පුලුවන්