(හිරාන් ප්‍රියංකර ජයසිංහ)

මුන්දලම කිරියන්කල්ලිය විදුලි පාරිභෝගක හා නඩත්තු ඒකකයේ සේවකයකුට කෝවිඩ් ආසාධිත විමත් සමග ඉතිරි සේවකයින් නිරෝධායනයට ලක්කර කාර්යාලය වසා දැමු බව මුන්දලම සෞඛ්‍ය වෛද්‍ය කාර්යාලය පවසයි.

මෙසේ කෝවිඩ් ආසාධිත වි ඇත්තේ කිරියන්කල්ලිය විදුලි බල මණ්ඩල කාර්යාලයේ නඩත්තු අංශයේ සේවය කළ මුන්දලම පදිංචි සේවකයකු බව කියයි.

අදාල සේවකයා ආසාධිත විමත් සමග එම කාර්යාලයේ සේවය කළ ඉතිරි සේවකයින් 29 දෙනෙකු නිවෙස් තුල ස්වයං නිරෝධායනයට යොමු කිරිමට සෞඛ්‍ය අංශ කටයුතු කර තිබුනී.

මෙම සේවකයින් ජෛව පටල සාම්පල පරික්ෂාව සිදුකර එහි ප්‍රථිපල එන තුර නිවෙස් තුල රැදවු බවත් නැවත දැනුම් දෙන කිරියන්කල්ලිය විදුලි බල මංඩල කාර්යාලය වසා දැමිමට විදුලි බල මංඩල බළධාරියකු පැවසිය.

මේ හේතුවත් සමග කිරියන්කල්ලිය විදුලිබල පාරිභෝගික හා නඩත්තු ඒකකයේ කටයුතු තාවකාලිකව හලාවත ප්‍රධාන කාර්යාලයෙන් සිදු කිරිම සිදුවන බව කියයි.