(සිරිනිහාල් ගමගේ  )

බද්දේගමසෞඛ්‍ය වෛද්‍ය නිලධාරී බල ප්‍රදේශයේ ඉදිගස්කැටිය  ප්‍රදේශයේ පවත්වාගෙන යන ඇඟලුම් කර්මාන්ත ශාලාවක සේවක සේවිකාවන් 41  දෙනෙකුට කොරොනා  ආසාදන වී ඇති බැව් කරන ලද රැපිඩ් ඇන්ටිජන් පරීක්ෂණ වලදී අනාවරණය කරගෙන ඇතැයි සෞඛ්‍ය අංශ කියයි.

.දින හතරක්  ඇතුලත 260 දෙනෙකු පරීක්ෂණවලට භාජනය කර ඇති අතර එම වාර්තා අනුව මෙම කොරෝනා ආසාදිතයින් හදුනාගෙන ඇත.

මෙසේ කොරෝනා  ආසාදිත පිරිස අතර  අතර එම කර්මාන්ත ශාලාවේ  විධායක ශ්‍රේණියේ සිව්  දෙනෙකු සිටින  බවත් පැවසේ.

 මෙම කර්මාන්ත ශාලාවේ තවත්  සේවකයින් 400ක් පමණ පරීක්ෂණයට භාජනය කිරීමට නියමිත බැව් සෞඛ්‍යය නිලධාරි පවසයි.  

 බද්දේගම හා  ඒ අවට ප්‍රදේශ වල සිට පැමිණෙන මෙම සේවකයින් ග්‍රාම සේවා කොට්ඨාස ගණනාවක අයවලුන්  බැව් පැවසේ. එම සේවකයන් ළඟින් ඇසුරු කර පුද්ගලයින් හා  ගැවසුන  ස්ථාන පිළිබඳව සොයා බලා කටයුතු කිරීම ඉතාම වැදගත් බැව්  සෞඛ්‍ය නිලධාරීන් පවසයි.