(ශාන්ත චන්ද්‍රසිරි)

නුවරඑළියේ වාර්ෂික වසන්ත උත්සව සැණකෙළිය නොපැවැත්වීමට තීරණය කර තිබේ.

මධ්‍යම පළාත් ආණ්ඩුකාර ලලිත් යු. ගමගේ මහතාගේ ප්‍රධානත්වයෙන් මධ්‍යම පළාත් ආණ්ඩුකාර ශ්‍රවණාගාරයේදි පැවැති කොරෝනා මර්ධන මධ්‍යම පළාත් ඒකාබද්ධ කාර්ය සාධන බළකායේ විශේෂ රැස්වීමේදි මෙම තීරණයට එළඹ ඇත.

කෝවිඩ් -19 වසංගතය ව්‍යාප්තවීම වැළැක්වීමේ අරමුණින් නුවරඑළිය වසන්ත උත්සව සැණකෙළියේ කිසිඳු උත්සවයක් මෙසේ නොපැවැත්වීමට තීරණය කර තිබිණි.

නුවරඑළිය වසන්ත උත්සව සැණකෙළිය සෑම වසරකම අප්‍රේල් මාසය පුරා මහත් උත්කර්ෂවත් අන්දමින් නුවරඑළිය මහ නගර සභාව විසින් පවත්වනු ලබයි.