(වසන්ත චන්ද්‍රපාල)
 
අම්පාර මහා රෝහලේ ආසාදන පාලන ඒකකය මගින් රෝහල් සේවකයින්ට අවශ්‍ය ආරක්ෂිත  ඇඳුමක් අඩු වියදමකින් නිර්මාණය කරගෙන තිබේ.
 
දිරා යන පොලිතින් භාවිත කර සකස් කරන ලද මෙම ඇඳුම එක්වරක් පමණක් භාවිතා කළ හැකිබව අම්පාර මහා  රෝහලේ ක්ෂද්‍ර ජීවී විශේෂඥ වෛද්‍ය දර්ශන වික්‍රමසිංහ මහතා පැවසීය.
 
දැනට මෙම ලංකාවේ අනෙක් රෝහල්වලටත් හඳුන්වාදීමට කටයුතු කරන බවද සඳහන් කළේය. අම්පාර මහා රෝහලේ සේවය කරන සියලු කාර්ය මණ්ඩල සඳහා මෙම ආරක්ෂිත ඇඳුම ලබාදෙන බවද පැවසීය.
 
කොරෝනා වයිරසය ආසාදනයට ලක්වු පුද්ගලයන් පැමිණියහොත් ඔවුන්ට මුලික ප්‍රතිකාර ලබාදීම සඳහා අම්පාර මහා රෝහලේ ස්ථාන කිහිපයක් සහ කාර්ය මණ්ඩල සුදානම් කර ඇති බව අම්පාර මහා රෝහලේ වෛද්‍ය අධිකාරි උපුල් විජේනායක මහතා වැඩිදුරටත් සඳහන් කළේය.