(මනෝප්රිය ගුණසේකර)
දරු දෙදෙනාගේ නඩත්තු නොගෙවා මාස 06 ක කාලයක් පුරා සැඟවී සිටින ව්යාපාරිකයකු අත්අඩංගුවට ගන්නා ලෙස නියම කරමින් පස්වරක් වරෙන්තු නිකුත් කර තිබුණත් මෙතෙක් ඔහු අත්අඩංගුවට ගැනීමට නොහැකිවීම හේතූවෙන් කැලණිය කොට්ඨාශය බාර ජ්යෙෂ්ඨ පොලිස් අධිකාරීවරයාට ලබන 21 වැනිදා අධිකරණයේ පෙනී සිටින ලෙස කොළඹ අතිරේක මහෙස්ත්රාත් තනුජා ජයතුංග මහත්මිය නියම කළාය.
පෑලියගොඩ පොලිසියේ ස්ථානාධිපතිවරයා මාර්ගයෙන් මෙන්ම කැලණිය කොට්ඨාශය බාර ජ්යෙෂ්ඨ පොලිස් අධිකාරීවරයා මාර්ගයෙන්ද වරෙන්තු නිකුත් කර සිටින සංචාරක ව්යාපාරයක හිමිකරුවෙකු බව කියන දිනුක් ගිහාන් නික්ලස් නමැත්තා අත්අඩංගුවට නොගැනීම හෝ ඔහු සම්බන්ධයෙන් වරෙන්තු වාර්තා ඉදිරිපත් නොකිරීම නිසා ජ්යෙෂ්ඨ පොලිස් අධිකාරීවරයා මෙලෙස අධිකරණයට කැඳවනු ලැබ ඇත.
සිය නීත්යානුකූල බිරිඳ සහ අවුරුදු 17 ක් සහ 07 ක් වයසැති දරු දෙදෙනා හැරදමා වෙනත් කාන්තාවක් සමඟ දිවිගෙවන සැමියාගෙන් දරු දෙදෙනා නඩත්තු කිරීම සඳහා මුදල් අයකර දෙන්නැයි ඉල්ලමින් කාන්තාවක් විසින් පවරා තිබු පැමිණිල්ලක් කැඳවනු ලැබු අවස්ථාවේදී ඉදිරිපත් වු කරුණු සැළකිල්ලට ගත් මහෙස්ත්රාත්වරිය එලෙස නියම කළාය.
දරු දෙදෙනා නඩත්තු කිරීම සඳහා මුදල් අයකර දෙන්නැයි ඉල්ලමින් කාන්තාවක් විසින් පවරා තිබු නඩත්තු පැමිණිල්ලක් විභාග කළ අධිකරණය මීට පෙර අවස්ථාවකදී මසකට රුපියල් 50,000/- බැගින් දරු දෙදෙනාගේ නඩත්තු මුදල් ගෙවන ලෙස පසුගිය පෙබරවාරී මාසයේදී වගඋත්තරකරුට නියම කොට තිබුණත් ඔහු පළමු මාසයේදී හැර ඉන්පසු නඩත්තු මුදල් ගෙවා නොමැති බවද අධිකරණයේදී හෙළි විය.
නඩත්තු මුදල් නොගෙවීම මත වගඋත්තරකාර ව්යාපාරිකයා අත්අඩංගුවට ගන්නා ලෙස නියම කරමින් පෑලියගොඩ පොලිසියේ ස්ථානාධිපතිවරයා මාර්ගයෙන් මෙන්ම කැලණිය කොට්ඨාසය බාර ජ්යෙෂ්ඨ පොලිස් අධිකාරීවරයා මාර්ගයෙන්ද අවස්ථා පහකදී වරෙන්තු නිකුත් කොට ඇතත් වගඋත්තරකාර ව්යාපාරිකයා මෙතෙක් අත්අඩංගුවට ගැනීමට පොලිසියට හැකියාව ලැබී නැතැයි අධිකරණයේදී හෙළි විය.
සැකකරු අත්අඩංගුවට නොගැනීම සහ වරෙන්තු වාර්තා ඉදිරිපත් නොකිරීම ඇතුළු ඉදිරිපත් වු කරුණු සැළකිල්ලට ගනිමින් අදාළ නියෝග නිකුත් කළ මහෙස්ත්රාත්වරිය මෙම පැමිණිල්ල ලබන 21 වැනිදා යළි කැඳවීමට නියම කළාය.
ශ්රී ලංකා රූපවාහිනී සංස්ථාව මගින් විකාශය කළ ’’ඉරා අඳුරු පට’’ නැමැති වැඩසටහන හදිසියේ අතරමග නතර කිරීම තුළින් එම ආයතනය එම වැඩසටහනේ ප්රේක්ෂකයින් වූ නි
සම්පූර්ණයෙන්ම මුහුණු ආවරණය කළ ආරක්ෂිත හිස් වැසුම් පලඳින යතුරුපැදිකරුවන්ට එරෙහිව නීතිමය පියවර නොගන්නා ලෙස නීතිපතිවරයා විසින් පොලිස්පතිවරයා වෙත උප
ශ්රී ලංකාවේ ප්රථම නියෝජ්ය පොලිස්පතිනිය ලෙස පසුගියදා උසස් වීම් ලද බිම්ශානී ජාසිංහ ආරච්චි මහත්මියගේ එම උසස් වීම බල රහිත කරන ලෙස ඉල්ලා ජ්යේෂ්ඨ පොල
මාස 11ක් වයසැති පුතාට සහ අවුරුදු තුනක් වයසැති තම දියණියට වස පෙවූ 28 හැවිරිදි මවක් මාර්තු 01 දින දක්වා රක්ෂිත බන්ධනාගාර ගත කරන ලෙස දඹුල්ල වැඩබලන මහේස්ත්රා
මියගිය සිය පුත්රයා කොවිඩ් ආසාදිත දැයි නිශ්චිතව දැන ගැනීම සඳහා යළිත් වරක් පී.සී.ආර්. පරීක්ෂණයට ලක් කරන්නැයි ඉල්ලා ඉදිරිපත් කළ පෙත්සමේ වගඋත්තරකරුවන්
මාතර පුහුල්වැල්ල මධ්ය මහා විද්යාලයේ විනය භාර ආචාර්යවරයා විසින් සිසුවෙකුගේ කනට ගසා බරපතල හානි කිරීමෙන් එම සිසුවාගේ මූලික අයිතිවාසිකම් කඩ වී ඇති බවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කැලණිය කොට්ඨාස භාර ජ්යෙෂ්ඨ පොලිස් අධිකාරීවරයාට අධිකරණයේ පෙනී සිටින්න නියෝග