විශේෂාංග

අර්බුදයේ නොදුටු පැත්තක්

අද මුළු රටේම දක්නට ඇත්තේ අස්ථාවර ස්වභාවයකි. ප්‍රධාන වශයෙන් ආර්ථිකය අතිභයානක තත්ත්වයක් දක්වා පිරිහී තිබේ. ඒ ඔස්සේ ගොඩනැගුණු සමාජ පීඩනය මේ වන විට පුපුරා යමින් ඇත්තේ රට පුරා පැවැත්වෙන ආණ්ඩු විරෝධී උද්ඝෝෂණ ඔස්සේය.. මේ කාරණාවලට ප්‍රධානම හේතුව වී ඇත්තේ විදේශ ණය ගැනීම්ය. මේ රට යම් දියුණුවක් ලබා තිබුණි. එතැන් සිට අලුතෙන් සංවර්ධනය වන රටක් දක්වා ගමනක් ගියේය. මෙම ගමනේදී ආර්ථිකයේ ලොකු වෙනසක් ඇති විය.

04 May 2022

දේශපාලනය කිලිටි කරන මැති ඇමැතින්ගේ දූෂණ

රටම අරගල බිමකි. එය එසේ වූයේ ආර්ථික පීඩනය, ගෑස් හිඟය, ඉන්ධන හිඟය හා විදුලිය අර්බුදය නිසා පමණක්ම නොවේ. කාලයක් මුළුල්ලේ සිටම මෙරට නිදැල්ලේ වැඩෙන අශිෂ්ට, අනීතික, දූෂිත හා අශීලාචාර දේශපාලන සංස්කෘතියට එරෙහිව සමාජයේ පතුල බිඳගෙන එළියට පැන්න විරෝධය ද අරගල බිමට උත්තේජනය සපයා ඇත. ‘‘225 ම එපා’’ යැයි සටන් පාඨ නිර්මාණය වී තිබෙන්නේ ද ඒ අනුවය. දූෂිත දුෂ්ට දේශපාලනයක නියාමන සෑම වර්ණයකටම අයත් දේශපාළුවන්ගේ දණ හිස් වෙවුළුවා තබන්නට අරගල බිම සමත් වී ඇති බව ඒකාන්තය.

04 May 2022

ඩොලර් වියදමට ආදායමට ක්‍රමවේදයක්

අර්බුදය ඉතාම නරක තැනකට ගමන් කර තිබේ. ඉන්ධන, ගෑස්, ඖෂධ ආදියෙහි දරුණු හිඟයක් නිර්මාණය වී ඇත. රටට අවශ්‍ය ආනයන සිදු කළ නොහැකි තත්ත්වයක් උද්ගතව තිබේ. එය ඇති වූයේ එක් ආණ්ඩුවක හෝ එක් පුද්ගලයකුගේ හෝ වරදක් නිසා නොවේ. ඩොලර් අර්බුදයේ සුලමුල සොයාබැලීම වැදගත්ය. එහිදී බොහෝ දෙනකුගේ අවධානයට යොමු නොවූ කරුණක් ගැන මේ ලිපියෙන් විමසුමක යෙදීමට අපේක්ෂා කරමි.

02 May 2022

වගකීම ඉටුනොකරන උද්ඝෝෂණ සාධාරණද?

ආණ්ඩුවට ඉල්ලා අස්වන ලෙස බල කරමින් එක් දින මහා වැඩවර්ජනයක් 28 වැනිදා සංවිධානය කෙරිණි. ඊට පෙර ගුරු - විදුහල්පති එක් දින වැඩවර්ජනයක්ද ක්‍රියාත්මක වූ අතර පාසල් පද්ධතියම එම දිනයේ අඩාල විය. වැඩ වර්ජන මෙතැනින් නවතින බවක් පෙනෙන්නේ නැත. ආණ්ඩුවද තම ධුර අත්හැරීමේ සූදානමක නොසිටින බව ඔවුන්ගේ කතාවලින්ද ක්‍රියාවෙන්ද පෙන්නුම් කර තිබේ. මේ හේතුවෙන් අද මුළු රටම හතරමං හන්දියක හිර වී සිටී. රටේ ජනතාව කිසි කලෙක නොතිබූ අමාරුවක වැටී සිටිති.

02 May 2022

අර්බුදයේ දුක්ඛිත අවසානය

ජාත්‍යන්තර මුල්‍ය අරමුදලෙන් ලංකාව සඳහා ණය මුදලක් අනුමත වීමට මාස කිහිපයක් ගත වෙයි. ඒ නිසි අධ්‍යයනයකින් තොරව එම අරමුදල සාමාජික රාජ්‍යයකට ණය නොදෙන නිසාය. ඊට අමතරව ණය ස්ථායීකරණය සහ සාර්ව ආර්ථික ස්ථායීකරණය සඳහා වන වැඩපිළිවෙළක් අවශ්‍ය බව යෝජනා කර ඇති හෙයිනි. එහි ගිවිසුමක් ප්‍රකාරව ණය අයැදුම් කරන රාජ්‍යය හා මුල්‍ය අරමුදල පොදු එකඟතාවකට පැමිණීමෙන් පසු කළ යුතු කාර්යයන් තිබේ.

02 May 2022

ජනතා විරෝධතා දිනයේ කටුනායක ‘ගොන්කම’

ඉකුත් 29 වැනිදා අප පුවත්පතේ ප්‍රධාන ප්‍රවෘත්තියේ සිරස්තලය වූයේ ‘‘රටම කොට උඩ’’ යන්නය. මුළු රටේම තත්ත්වය එම සිරස්තලයෙන් පිළිබිඹු වේ. එම සිරස්තලය අදටත් වලංගුය. ප්‍රශ්නය වන්නේ එය හෙටටත් වලංගු වේද යන්නය. රට හමුවේ තිබෙන බරපතළම ප්‍රශ්නය එයය.

02 May 2022

විශිෂ්ට ජනවරමේ ශෝකාන්තය

පවතින ආර්ථික අර්බුදය දරාගත නොහැකිව සමාජයේ සෑම පාර්ශවයක්ම පාහේ දුෂ්කරතාවට පත්ව ආණ්ඩුව හා ජනාධිපති ගෝඨාභය රාජපක්ෂ මහතා ඉල්ලා අස්විය යුතු යැයි රට පුරා බොහෝ තැන්වල උද්ඝෝෂණ පැවැත්වේ. එහෙත් තමන් ඉල්ලා අස් නොවන බව අගමැති මහින්ද රාජපක්ෂ මහතා පවසා තිබේ.

30 April 2022

බඩගින්නේ සිටින ජනතාවට මුලින්ම සහන දෙන්න

කුසගින්නේ සිටින ජනතාවට දහම් දෙසන්නට එපා යැයි ගෞතම බුදුරජාණන් වහන්සේ දේශනා කර ඇත. ඔවුනගේ කුසගිනි නිවා දැමීමෙන් පසු දෙසන දහමක් දේශනා කළ යුතු යැයි ද එම බුදු වදනේ සඳහන්ය. දැනට අප රට තුළ දිනපතා අසන්නට දකින්නට ලැබෙන ආවේගශීලී කතා බස්වලින් පෙනෙන්නේ ජනතාවගේ නියෝජිතයන් ලෙස පත්ව සිටින පක්ෂ විපක්ෂ දේශපාලන භවතුන් සියලු‍ දෙනාම ජනතා ප්‍රශ්න විසඳීම වෙනුවට තම තමන්ගේ දේශපාලන න්‍යාය පත්‍ර ක්‍රියාත්මක කිරීමට යාමෙන් සතර කොන පටලවාගෙන ඇති බවය.

30 April 2022

මැයි මාසයේදීවත් ඔබට සුබද බලන්න

මේෂ ලග්න හිමි ඔබගේ ලග්නාධිපති හා යෝගකාරක රවි-ගුරු මෙම මස මුල් සති දෙක තුළ දී බලයෙන් යුක්තව ගමන් කරන හෙයින් ඔබට මෙ

30 April 2022

යන්නේ කොහෙද ඇසුවාම මල්ලේ පොල් කීම

රජයේ තවත් පාර්ලිමේන්තු මන්ත්‍රී කණ්ඩායමක් පසුගිය සතියේ බ්‍රහස්පතින්දා අගමැතිවරයා හමුවිය. ඒ වන විට රටේ සිව්දෙස ඇවිළෙමින් තිබෙන විරෝධතාවයන්ගෙන් එල්ල විය හැකි අවදානම ගැන ඔව්හු අගමැතිවරයාට අනතුරු ඇඟවූහ. ඒත් අගමැතිවරයා ඊට ප්‍රතිචාර දක්වා ඇත්තේ බලාපොරොත්තු නොවුණු ආකාරයකිනි.

29 April 2022

අයියා - මල්ලී ගැටුමේ තිරෙන් පිටුපස

පවතින දේශපාලනික සහ ආර්ථික අර්බුදය හේතුවෙන් දිගින් දිගටම බැටකමින්, මේ වන විට ස්වයං හුදකලාවක සිරවී සිටින ජනපති ගෝඨාභය රාජපක්ෂ මහතා දැන් අවධානය යොමුකර තිබෙන්නේ සිය වැඩිමහල් සොයුරා මෙන්ම දේශපාලන ගුරුවරයා ද වන මහින්ද රාජපක්ෂ මහතා වෙතටය. එහෙත් ඔවුන් දෙදෙන අතර සම්බන්ධය මේ වන විට නරක අතට හැරී තිබේ.

29 April 2022

උතුම් රටේ කැතම රාජ්‍යය

අප කුඩා කල අසා ඇති ගීත කීපයක් සිහියට නැගේ. ලෝකෙන් උතුම් රට ලංකාවයි, ලංකාවයි ශ්‍රී ලංකාවයි, අප නිජ භුමිය ලංකාවයි. ඒ එකකි. මේ සිංහල අපගෙ රටයි, අප ඉපදෙන මැරෙන රටයි, අප හද පණ ගැහෙන රටයි, මුළු ලොව මේ රටට යටයි. ඒ තව එකකි. රත්නදීප ජන්ම භූමි ලංකා දීප විජය භූමි, මේ අපේ උදාර වූ මාතෘ භූමියයි. ඒ අනෙකය. එන්න රට වටේ, යන්න මා ප්‍රියේ, ලස්සන ශ්‍රී ලංකාවේ. ඒ අපි බොහෝ විට කියූ ගීතයකි.

29 April 2022

මේ මොහොතේ අවශ්‍යතාව කුමක්ද?

මුළු රටම අරගල බිමකි. ‘පාන් ගෙඩියක් රුපියල් 500ක් විය හැකි බවට’ අනුමාන කිරීම් ද ඒ අතර වේ. ආර්ථික අර්බුදයේ තරම එමගින් මනාව ප්‍රදර්ශනය වේ. කුණු බක්කි අවුස්සා කෑමට යමක් සොයන ශාපලත් පරිසරයක් තවමත් නිර්මාණය වී නැතද එබඳු පරිසරයක් නිර්මාණය නොවේ යැයි සහතිකයක් ද නැත. නයන පිනවන මේ රන් දිවයින තුන් බිය පිරුණු විශාලා මහනුවර වෙත සෙමෙන් ගමන් කරන සෙයකි.

29 April 2022

විරෝධයට හෙටක් සෙවීම

පහසුවට “අන්තරේ” යැයි සඳහන් කෙරෙන දේශපාලන වශයෙන් පෙරටුගාමී සමාජවාදී පක්ෂයට අවනත විශ්ව විද්‍යාල ශිෂ්‍ය සංවිධානය ගාලු මුවදොර අරගලයට හවුල් වන්නට යැයි පෙළපාලියෙන් පැමිණීම පොලීසිය විසින් පසුගිය සඳුදා වැඩි සූදානමක් සහිතව හරස්කරනු ලැබූයේ ඔවුන්ට ඇත්තේ ප්‍රචණ්ඩකාරී ඉතිහාසයක් හෙයිනි. එහෙත් ඔවුහු පොලීසිය අභිබවා පැමිණ ගාලු පාරේ අරලිය ගහ මන්දීරය ඉදිරිපිට අගමැති මහින්ද රාජපක්ෂට ඉවත් වන්නට යැයි බල කරමින් වාඩි ගත්හ.

27 April 2022

අන්තර්වාර ආණ්ඩුවක්

කැලඹී ව්‍යාකූල වී තිබෙන දේශපාලනය සහමුලින්ම අවුල් ජාලයක් බවට පත්ව තිබේ. එක් පසෙකින් ජනතාව පෙළන ආර්ථික අර්බුදයකි. ඊට සමගාමීව හටගත් දේශපාලන අර්බුදය උත්සන්න වෙමින් පවතී. මේවා විසඳීමට තිබෙන ප්‍රායෝගික ක්‍රමය කුමක්ද යන්න සැමගේ සිත් සතන් තුළ කැකෑරෙන ප්‍රශ්නයයි.

27 April 2022

ආර්ථිකය අවුල් කළේ ආණ්ඩුව

ණය නොගෙවා සිටීම, මූල්‍ය අරමුදලේ සහාය ලබා ගැනීම, රුපියල පා කිරීමට ගත් පියවර, පොලී අනුපාත ඉහළ නැංවීම යනාදී කරුණු සම්බන්ධයෙන් ශ්‍රී ලංකා මහ බැංකුවේ හිටපු අධිපති අජිත් නිවාඩ් කබ්රාල් මහතා සමඟ කළ සාකච්ඡාවකි මේ.

27 April 2022

කල් නොමරා රටේ ස්ථාවරත්වය ගොඩනගමු

ආණ්‍ඩුවට එරෙහිව ඉදිරිපත් කිරීමට නියමිත විශ්‍වාසභංග යෝජනාවට සහාය ලබා ගැනීමට සහ අන්තර්කාලීන ආණ්‍ඩුවක් පිහිටුවීම සම්බන්ධයෙන් සමගි ජන බලවේගය සහ ආණ්ඩුවෙන් ඉවත්වූ ස්වාධීන වූ මන්ත්‍රී කණ්ඩායම අතර තීරණාත්මක හමුවක් ඉකුත් 25 වැනිදා පැවැති බව අප පුවත්පත ඊයේ වාර්තා කළේය.

27 April 2022

ඡන්ද ක්‍රමයෙන් පාත්වුණු හෙණය

වර්ෂ 1948 දී නිදහස ලැබීම ශ්‍රී ලංකාවේ දේශපාලනයේ ප්‍රධාන හැරවුම් ලක්ෂ්‍යයකි. 1947 මුල්ම පාර්ලිමේන්තු මැතිවරණයේ සිට අගමැති ප්‍රමුඛ කැබිනට් මණ්ඩල ආණ්ඩුක්‍රම ආකෘතිය යටතේ දේශපාලනය මෙහෙයවිණි. එම ක්‍රමය වෙනස් වූයේ 1978 දෙවැනි ජනරජ ආණ්ඩුක්‍රම ව්‍යවස්ථාව නීතිගත කිරීමෙන් පසුය.

25 April 2022

ගැටලුවලට විසඳුම් දෙන ව්‍යවස්ථා සංශෝධනයක්

පවතින අරගලයේ අවසානය කොතැනකදැයි අපි කිසිවකුත් නොදනිමු. රාජපක්ෂ පාලනයේ ඉවත්වීමක් දකිනතුරු අඛණ්ඩව අරගලය ගෙන යන බවට විරෝධතාකරුවන් සහ ඔවුන්ට සහාය දක්වන විවිධ සමාජ කොටස් ප්‍රකාශ කරන අතර එතැනින් මෙහා විසඳුමකට යාමට ජනාධිපති, අගමැති ප්‍රමුඛ ආණ්ඩුවත් පාර්ලිමේන්තුව තුළ කණ්ඩායම් කිහිපයකුත් දැඩි උත්සාහයක නිරතව සිටී.

25 April 2022

ආණ්ඩුවට මහ බැංකුවට වැරැදුණු තැන

ශ්‍රී ලංකාවේ නිදහසින් පසු අවධියේ කිසි කලෙක නොවූ විරූ තරමේ ආර්ථික සමාජය හා දේශපාලන වියවුලකට ඇද වැටුණු මෙම අවස්ථාවේ මහ බැංකුවේ යෂ්ඨිය අතට ගන්නට ආචාර්ය නන්දලාල් වීරසිංහ පෙරට පැමිණ සිටී. ළබැඳියාවෙන් යුතුව නන්දලාල් යනුවෙන් හඳුන්වන ඔහු මා හා එක්ව කටයුතු කළ මිතුරු සගයෙකි. ඔහු සමග මගේ තවත් පැරණි සගයකු වූ, මේ වනවිට මහ බැංකුවේ නියෝජ්‍ය අධිපති ධුරය හොබවන මහින්ද සිරිවර්ධන මුදල් අමාත්‍යාංශයේ ලේකම් ධුරයේ රාජකාරි භාරගෙන ඇත.

25 April 2022

සැමට ඉහළින් ඇත්තේ නීතියයි

රඹුක්කන පැවති මහජන උද්ඝෝෂණයක් අතරතුර සිදු කළ පොලිස් වෙඩි ප්‍රහාරයකින් පුද්ගලයකු මරණයට පත්වීම ඛේදජනක සිදුවීමකි. මහජන උද්ඝෝෂණයක් අතරතුර කවර හේතුවක් නිසා හෝ නිරායුධ පුද්ගලයකු පොලිස් වෙඩි පහරට ලක්වීම සාධාරණීකරණය කළ නොහැක. සති කිහිපයක් තිස්සේ රටේ පවතින දේශපාලන ආන්දෝලනය තවත් තීව්‍ර වී උණුසුම් වීමට රඹුක්කන වෙඩි ප්‍රහාරය ප්‍රබල හේතුවක් විය.

25 April 2022

ඩොලර් ණයට අරන් හැදූ කොන්ක්‍රීට් සුදු අලි

හම්බන්තොට වරාය, මත්තල ගුවන් තොටුපොළ, සූරියවැව ක්‍රීඩාංගණය සහ කොළඹ නෙළුම් කුලුන ව්‍යාපෘති සඳහා ඇමෙරිකානු ඩොලර් මිලියන 2000 කට ආසන්න මුදලක් වැය කර ඇති අතර වැය කළ යුතු වටිනාකමට වඩා සියයට 20ක පමණ ප්‍රමාණයක් කොමිස් වශයෙන් වැඩිපුර මුදල් ගෙවා ඇති බව දේශපාලන ආරංචි මාර්ග සඳහන් කරයි.

23 April 2022

නිවුණු ගින්නේ ගින්දර

ශ්‍රී ලංකා පොදුජන පෙරමුණේ ආණ්ඩුවට තවමත් පාර්ලිමේන්තුවේ සරල බහුතරය වන ආසන 113ක් ඇති බව පෙනෙන නමුත් ආණ්ඩුව මේ වනවිට ඉතාමත් දුර්වල තත්ත්වයකට පත්ව තිබේ. ඒ බව මෙතෙක් පැවැති අධිමානය පසෙක තබා ජනාධිපතිවරයා තමන්ගේ ඇතැම් වැරැදි ප්‍රසිද්ධියේ පිළි ගැනීමෙන් පෙනේ..

23 April 2022

විරෝධතා උද්ඝෝෂණවලදී විනාශකාරී වැඩ එපා

ටයර් දමා පිළිස්සීම හේතුවෙන් විනාශ වූ බගවන්තලාව නගරයේ මාර්ග කොටසක් නගර සභා සේවකයකු ඉවත් කරන අයුරු අප පුවත්පත ඊයේ වාර්තා කර තිබුණේ සේයාරුවක්ද සමගිනි. ඉන්ධන මිල ඉහළ යාම හා ඉන්ධන හිඟයට විරෝධය පා රටේ පළාත් 8ක ප්‍රධාන මාර්ග අවුරා විරෝධතා දැක්වූයේ ඉකුත් 20 වැනිදාය. ගස් කපා පාරවල්වලට දමා ටයර් පුළුස්සා, එම විරෝධතා පැවැති බව මාධ්‍ය වාර්තාවල සඳහන්ය. එම විරෝධතාවේදී ස්ථාන දෙකකදී බස් රථ දෙකකටද පහර දී තිබිණි.

23 April 2022

දේශපාලන සියදිවි නසාගැනීම

රට තිබෙන්නේ එකම ගිනි ජාලාවකය. රඹුක්කන ඇවිලෙන්නට ගිය ගින්න ඒ ගිනි ජාලාවේ එකක් පමණය. පසුගිය සති 03ක්ම ගෙවී ගියේ විශාල විරෝධතා මැදය. ජනතාවගේ මූලික අවශ්‍යතා වන ගෑස්, විදුලිය, ඉන්ධන, බෙහෙත් වැනි දේවල් නොමැති වීමෙන් පටන් ගත් මේ අර්බුදය මේ වනවිට ආණ්ඩු වෙනස් කිරීමක් දක්වා වර්ධනය වී ඇත. එපමණක්ද නොවේ. ආණ්ඩු වෙනසක් පමණක් නොව ජනාධිපතිවරයාද ඉවත් විය යුතු බව විරෝධතාකරුවන්ගේ වර්තමාන සටන් පාඨය වී ඇත.

22 April 2022

අලුත් ඇමැතිවරුන්ට ලොකු අභියෝගයක්

අලු‍තින්ම පත්වීම් ලද දොළොස් දෙනකුද ඇතුළු නව කැබිනට් අමාත්‍යවරු 17 දෙනෙක් පසුගියදා ජනාධිපති ගෝඨාභය රාජපක්ෂ මහතා ඉදිරියේ දිව්රුම් දුන්හ. මේ දිව්රුම් දීම සිදු වූයේ පසුගිය දා ඉල්ලා අස් වූ අමාත්‍යවරුන් හේතුවෙන් ඇති වූ පුරප්පාඩු පිරවීම සඳහාය. මෙතෙක් අමාත්‍යවරුන් වශයෙන් කටයුතු කළ ජ්‍යෙෂ්ඨයන් කිහිප දෙනකුම මේ හේතුවෙන් සාමාන්‍ය මන්ත්‍රීවරුන් බවට පත් වූ අතර ඉදිරියේදී ද ඔවුන්ට අමාත්‍ය ධූර නොලැබුණහොත් මේ පත්කිරීම් මේ රටේ දේශපාලනයේ සැබෑ හැරවුම් අවස්ථාවක් වනු ඇ

22 April 2022

රට ගොඩගන්න කළ යුතු දේ නොකළ යුතු දේ

ජාත්‍යන්තර මූල්‍ය අරමුදල මහා බිල්ලකු සේ සලකමින් සිටි ආණ්ඩුව දැන් එහි පිහිට පතයි. අපේ රටේ පවතින ආර්ථික අර්බුදයෙන් ගොඩ ඒමට මුදල් ඇමැති හා මහ බැංකු අධිපති ඇතුළු පිරිසක් දැන් මූල්‍ය අරමුදල සමග සාකච්ඡා කරති. මේ ඒ පිළිබඳව විමසා බලන ලිපියකි. මෙම ලිපිය සඳහා තොරතුරු සපයන්නේ ඇඩ්වකාටා ආර්ථික පර්යේෂණායතනයේ ප්‍රධාන මෙහෙයුම් නිලධාරි ධනනාත් ප්‍රනාන්දු මහතාය. මේ ඔහුගේ විග්‍රහයයි.

21 April 2022

අරගලය මැද රටේ නීතිය රැකීමත් ඕනෑ

අද රටේ ඇත්තේ අර්බුදකාරී වාතාවරණයකි. පසුගිය මාස ගණනාවක් තිස්සේ සෙමෙන් සෙමෙන් වර්ධනය වූ අර්බුද පුපුරා යන්නට පටන් ගත්තේ මෑතකදීය. වත්මන් ආණ්ඩුව ප්‍රශ්න පත්‍රයකට පාර කපා ගත්තේ එක රැයෙන් රසායනික පොහොර තහනම් කිරීමෙනි. එය රටපුරා පැතිරුණ ගොවි අරගලයකට මාවත සකස් කළේය. අනතුරුව හටගත්තේ ගෑස් පිපිරිල්ලයි. එයට සමගාමීව ගෑස් හිඟයක්ද හට ගැනිණ. විදුලිය කප්පාදුව, ඉන්ධන හිඟය සහ දරාගන්නට බැරි ජීවන වියදම ජනතාව මහපාරට තල්ලු‍ කරන ලද බව නොරහසකි.

21 April 2022