විශේෂාංග

බූරු පොළේ සාකච්ඡා සිහිගන්වන ඇමැති-බස් සංගම් සාකච්ඡාව

ඉන්ධන පිරවුම්හල්වල කා කොටා ගන්නා පුරවැසියන්ගේ රූපරාමු මනුෂ්‍යයන්ගේ අසරණකම විදහා පාන්නකි. රටේ ප්‍රශ්න පාලකයන් නොවිසඳනවිට ජනයා ආවේගශීලීව හැසිරීම විමතිය දනවන්නක් ද නොවේ. සන්සුන්ව හා බුද්ධිමත්ව හැසිරෙන්නැයි කෙරෙන ඉල්ලීම් හරසුන් නීච වාගාලාපයන්ගෙන් වෙනස් නොවන්නකි. සා පිපාසිත ජනයා එසේ හැසිරෙද්දී වගකිවයුත්තන්ගෙන් පෙන්නුම් කෙරෙන්නේද එබඳුම තත්ත්වයකි. ඇමති - බස් සංගම් සාකච්ඡාව එයට කදිම නිදසුනකි.

02 July 2022

විදුලි පාඩු උපත කොහේද?

රටේ පවතින විදුලි අර්බුදයෙහි ප්‍රධානතම වගඋත්තරකරුවා විදුලිබල මණ්ඩලය බවට චෝදනා නැගෙයි. එසේම විදුලි බල මණ්‍ඩලය රටේ ආර්ථිකය වනසන රාක්‍ෂයන් අතරින් එකකු බවට ද ඇත්තේ ප්‍රබල මතයකි. නැගෙන ඒ චෝදනාවලින් මණ්ඩලය ගලවාගන්නේ කෙසේද යන්න මේ ලිපියෙන් සාකච්ඡා කෙරෙයි.

30 June 2022

විදුලිබල මණ්ඩලේ විහිළු මවන දීමනා

ලංකා විදුලිබල මණ්ඩලයේ කාර්ය මණ්ඩලය 2020 සහ 2021 දෙවසර තුළදී රුපියල් කෝටි 367කට අධික මුදලක් විවිධ දීමනා වශයෙන් ලබාගෙන ඇතැයි පොදු ව්‍යාපාර පිළිබඳ පාර්ලිමේන්තු කාරක සභාවේ (කෝප් කමිටුව) විමර්ශනවලදී අනාවරණය වී තිබේ. එම දීමනා ලබාදී ඇත්තේ කැබිනට් මණ්ඩලයේ අනුමැතියකින් තොරව බවත් හෙළි විය.

30 June 2022

ජීවන වියදමට විසඳුමක් නොපෙනේද?

ශ්‍රී ලංකාව දිගු ඉතිහාසයක සිට ස්වයංපෝෂිත ආර්ථිකයකට හිමිකම් කී රටකි. එහෙත් යටත් විජිතවාදීන්ගේ ලංකාගමනයත් සමග එම ස්වයංපෝෂිත ආර්ථික රටාව යැපුම් ආර්ථිකයක් බවට පෙරළිණි. ඒ අනුව තේ, පොල් සහ රබර් යන ප්‍රධාන භෝග අපනයනයෙන් ඉපැයූ විදේශ විනිමයෙන් රටට අවශ්‍ය භාණ්ඩ ආනයනය කිරීම මුල් කාලයේ දී සිදු විය. යැපුම් ආර්ථිකයේ දී කෘෂිකර්මයට ඉහළ අවධානයක් යොමු නොවිණි. ඒ වෙනුවට බොහෝ දේවල් පිටරටින් ගෙන්වන සංස්කෘතියකට අපි හුරු වුණෙමු. අදට ද එම තත්ත්වය දැකිය හැකිය.

29 June 2022

ජූලි 10 වැනිදා දක්වා රට අකර්මණ්‍ය කිරීම

ඉන්දියන් සාගරේ මුතු ඇටය යැයි විරුදාවලි ලත් අප රට ඉතා දුක්ඛිත ඉරණමකට මුහුණ පා සිටී. අම්මා හෝ දියණිය ගෑස් පෝලිමේය. තාත්තා ඉන්ධන පෝලිමේය. පුතා පාස්පෝට් පෝලිමේය. රට හැර යාමට බුරුතු පිටින් ජනයා සූදානමින් සිටිති. එපමණටම රටේ ජනතාවට රට තිත්ත වී තිබේ. මේ කුමන ශාපයක් ද පාපයක් ද යැයි හඳුනා ගැනීමට නොහැකි තරම්ය.

29 June 2022

ආයෝජකයන්ට ගැරහීමේ විපාක

නිව් යෝර්ක් හි පෙඩරල් අධිකරණයක, ශ්‍රී ලංකාවට විරුද්ධව නඩුවක් ගොනුකර ඇත. ඇමරිකානු ඩොලර් මිලියන 250 ගෙවීම පැහැර හැර ඇති අතර වහාම එම ණය සහ පොලිය අය කරදෙන දෙන ලෙස පැමිණිලිකාර හැමිල්ටන් බැංකුව ඉල්ලා තිබේ. සංකීර්ණ ආර්ථික අර්බුදයක සිටින ශ්‍රී ලංකාව ණය ගෙවා ගත නොහැකි බව ප්‍රකාශයට පත් කර ඇත. එය පහසු තීන්දුවක් නොවේ.

27 June 2022

මේ ඝාතන රැල්ලේ අවසානයක් නැද්ද?

නාඳුනන තුවක්කුකරුවන් පැමිණ වෙඩි වරුසා එල්ල කර මිනීමරණ යුග ගණනාවක් මේ රටේ තිබිණි. එක කාලයක එම නාඳුනන තුවක්කුකරුවෝ මේ රටේ ආණ්ඩු පෙරළීමට කැස කැවූ ත්‍රස්තවාදී කල්ලිවල ගිණුමට බැරවූහ. ඒ ගිණුම් කවදාවත් විවෘත නොවූ බැවින් එම ගණයේ නාඳුනන තුවක්කුකරුවෝද වාෂ්ප වූහ. තවත් කාලයකදී ඒ ඝාතන සිදු කළ අපරාධකරුවෝ රට බෙදන යුද්ධයට සම්බන්ධ කල්ලිවල සාමාජිකයෝ වූහ. ඒ ඇතැම් අය වෙනත් කල්ලිවල තුවක්කුකරුවන්ට බිලි වූ අතර තවත් පිරිසක් ආරක්ෂක අංශ අතින් මැරුම් කෑහ.

27 June 2022

අර්බුදයේ ඇත්ත හංගන අංක විජ්ජා

මේ සටහන ලියන්නේ 2021 ශ්‍රී ලංකා මහ බැංකු වාර්ෂික වාර්තාවේ අදාල කොටස් දෙවැනි වතාවටත් කියවීමෙන් පසු ඇති වූ විචිකිච්චාව නිසා ය. මේ විචිකිච්චාව සඟවා ගෙන සිටීම විශ්‍රාමික විශ්ව විද්‍යාල ආචාර්යවරයකු ලෙස මට නොවටනේ ය. මහ බැංකු වාර්ෂික වාර්තාව සාමාන්‍යයෙන් පිට කෙරෙන්නේ එම අදාළ වර්ෂය අවසන් වූ පසු ය. ඒ අනුව 2021 වාර්තාව පිට කෙරෙන්නේ 2022 අප්‍රේල් මාසයේ වගේ ය. මේ නිසා මහ බැංකු වාර්තාව අදාළ වර්ෂය ගැන සහේතුක චිත්‍රයක් ඉදිරිපත් කරන්නේ යැයි සිතීම අසාධාරණ නොවේ.

27 June 2022

තෙල් ගෑස් බෙදන්න බැරිනම් ආණ්ඩුවකින් වැඩක් තිබේද?

කොළඹ වරායට ඉන්ධන නැවක් පැමිණීම මාධ්‍යයට ප්‍රබල පුවතක් වන තරමට තෙල් හිඟය උග්‍රය. වෙනදා තෙල් නැව් ආවාද ගෑස් නැව් ආවාද කියා ජනතාව දන්නේ නැත. ඔවුන්ට ඒ ගැන සොයන්නට වුවමනාවක් තිබුණේද නැත. ඒත් අද රට වැටී තිබෙන තත්ත්වයේ හැටියට කොළඹට තෙල් නැවක් පැමිණීම සකල ජනයාගේ චිත්ත ප්‍රීතිය දනවන පුවතකි.

27 June 2022

21 වැනි කඩුල්ල පැනීම

පක්ෂවලට වෙන්ව බිඳී ගොස් තිබෙන පාලක සන්ධානයේ ප්‍රධාන දේශපාලන පක්ෂය වන ශ්‍රී ලංකා පොදුජන පෙරමුණේ සැළකිය යුතු මන්ත්‍රීන් පිරිසක් 21 වෙනි ව්‍යවස්ථා සංශෝධනය පාර්ලිමේන්තුවට ඉදිරිපත් කිරීමට විරෝධය දැක්වූහ.

25 June 2022

වෙනසකට ආ ගමනේ අතරමංවීම

රනිල් වික්‍රමසිංහ මහතා මැයි මස 12 වැනිදා අගමැති ලෙස දිවුරුම් දීමත් සමග ආර්ථික අර්බුදය නිසාත් මහජන උද්ඝෝෂණ නිසාත් විශාල පීඩනයකට ලක් වී සිටි ජනාධිපති ගෝඨාභය රාජපක්ෂ මහතා එම පීඩනයෙන් බොහෝ දුරට මිදී ඇති බව පෙනේ.

25 June 2022

ඩෙංගු මාරයාත් ඇවිත් පරෙස්සමින් සිටිමු

ජීවත්වීමට මගක් නැතැයි කියා දරුවා කැලණි ගඟට විසිකර දිවි නසා ගැනීමට තැත් කළ අම්මා කෙනකු සම්බන්ධයෙන් පසුගිය දිනක පළවූ පුවත මෙන්ම සැමියා රැකියාවක් සොයා නිවෙසින් පිටව ගිය පසු දරුවාට විෂ ද්‍රව්‍යයක් පොවා නිවෙසින් පලාගිය අම්මාට අදාළ පුවත ද රටේ ඇත්ත ඇතුළාන්තය මනාව නිරූපනය කරයි. දින දෙකක් තුළ ඉන්ධන පෝලිම්වල දී රටේ පුරවැසියන් තිදෙනකුට දිවි අහිමි විය. මේ කුමන ශාපයක්ද? පාපයක්ද? යන්න සිතාගත නොහැකි තරම්ය.

25 June 2022

රාජ්‍යය පෞද්ගලික බූදලයක්ද?

පෞද්ගලික හාස්කම්වලින් රාජ්‍යයක් ගොඩනැගිය නොහැක. එසේම වැටුණු රාජ්‍යයක් යළි ගොඩනැගීම ද තනි පුද්ගලයකුට සිදුකළ නොහැක. එහෙත් රාජ්‍යයක් ගොඩ නැගීමේ ව්‍යාපෘතියකට නායකත්වය දීමට තනි පුද්ගලයකුට පුළුවන.

24 June 2022

හාල්වලට පාලන මිලක් දැමීමේ ඩඩ්ලි සිරිසේනගේ තීන්දුව

ජනතාව විඳින පීඩාව වචන බවට පෙරැළිය නොහැකි තරමට භාෂාව ද අසරණ වී තිබේ. අර්බුද වගුරෙන් ගොඩ ආ හැකි මගක් කිසිවෙක් හෝ නොකියති. ‘‘ඉදිරි සති දෙක අමාරුයි’’ කියා වගකිවයුත්තන් කියනවිට ජනතාව කියන්නේ ඊට පස්සෙත් අමාරුයි ‘‘තමයි’’ කියාය. රටේ යථාර්ථය එයම විනා අන් යමක් නොවේ.

24 June 2022

තෙල්වලින් බස් දුම්රිය අවුල්.. බේත කුමක්ද?

ඉන්ධන අර්බුදය දිනපතා වර්ධනය වෙයි. එ් නිසා තෙල් පෝලිම් තව තවත් දිගු වෙයි. එමගින් ජන ජීවිතය කඩා වැටීම ද වේගවත් වෙයි. එය අවම කර ගැනීම සඳහා ප්‍රවාහනය පැත්තෙන් ගත හැකි පිළියම් ගැන මේ ලිපියෙන් සාකච්ඡා කෙරෙයි.

22 June 2022

කැන්ගරුන් පැරදවූ ශ්‍රී ලංකා සිංහ පැටව්

පීඩිත භාවයේ පත්ලට වැටී කඳුළෙන් සුසුමෙන් දවස් ගෙවා දැමීමේ දුක්ඛිත ඉරණමකට යටත් කර සිටින අප රටේ සකල ජනී ජනයාට අප්‍රමාණ වින්දනයක් ආස්වාදයක් රැගෙන ඒමට දසුන් ශානක ප්‍රමුඛ පිරිවර ඉකුත් 21 වැනිදා රාත්‍රියේ සමත් වූහ. ඒ ජගත් ක්‍රිකට් පිටියේ පරාජය කිරීමට අසීරුම කණ්ඩායම ලෙස විරුදාවලි ලැබ සිටින ප්‍රබල ඔස්ට්‍රේලියානු කණ්ඩායම පරාජය කරමින් ලැබූ අනගිතම ජයග්‍රහණ සමගිනි.

22 June 2022

ලෝක ආහාර අහේනියක අනතුර

වංශ කතාවලට අනුව වලගම්බා රජ දවස විශාල ආහාර අහේනියක් සිදුවී තිබේ. බැමිණිටියාසාය යනුවෙන් එය හඳුන්වා ඇත. ආක්‍රමණිකයන් සමග ඇති වූ ගැටුම් හා නියඟය එයට හේතු වූ බව සඳහන් වන අතර විශාල විපතක් සිදුවී තිබේ. දෙවැනි ලෝක යුද්ධය සමග නැවත වතාවක් ලංකාව දරුණු ආහාර හිඟයකට මුහුණ පෑ බව කුමාරි ජයවර්ධන හා ජෙනිෆර් මොරාගොඩ සම්පාදනය කළ එන්.යූ. ජයවර්ධන චරිතාපදානය සඳහන් කරයි. කොළඹ විසූ ජනී ජනයාට ලැබුණේ, බජිරි යනුවෙන් හඳුන්වන කුරුල්ලන් ආහාරයට ගන්නා ධාන්‍ය බව එහි දැක්වේ.

22 June 2022

අරගලයේ අරමුණුවලින් පිට පනින්න දෙන්න එපා

ජනාධිපති ලේකම් කාර්යාලයේ සහ මුදල් අමාත්‍යාංශයේ පිවිසුම් දොරටු අවහිර කරමින් උද්ඝෝෂණයේ යෙදී විරෝධතා දක්වමින් සිටි අරගලයේ සාමාජිකයන් පිරිසක් පසුගිය සඳුදා (20) පොලිසිය මගින් අත්අඩංගුවට ගනු ලැබූහ. උසාවියට ඉදිරිපත් කිරීමෙන් පසුව ඇප මත නිදහස් වූ මේ පිරිස අතර බෞද්ධ භික්ෂුවක සහ කාන්තාවන් හතර දෙනකු ද සිටි බව දැන ගන්නට ලැබිණි.

22 June 2022

රටට බරක් වූ රාජ්‍ය සේවාවේ ඛේදවාචකය

රාජ්‍ය සේවයේ අර්බුදය ආරම්භ වූයේ 1978 ආණ්ඩුක්‍රම ව්‍යවස්ථාව හඳුන්වා දුන් පසුය. රාජ්‍ය සේවය දේශපාලනීකරණය වීම පටන් ගැනුණේ ඒත් සමගය. එහෙත් 2009 වර්ෂයේ සිට එම අර්බුදය වඩාත් තීව්‍ර විය. දූෂිත සහ අඥාන දේශපාලනඥයන්ගේ ක්‍රියාකාරකම් වැඩි වශයෙන් රාජ්‍ය සේවයට බලපෑවේ 2009න් ඉනික්බිතිවය. දේශපාලනඥයන්ට අවැසි පරිදි රාජ්‍ය සේවය හැසිරවීම ප්‍රතිපත්තියක් බවට පත්ව ඇති තත්ත්වයක් වර්තමානයේ දැකිය හැකිය. එහි ප්‍රතිඵලයක් ලෙස රාජ්‍ය සේවයෙහි අකාර්යක්ෂමතාව ඉහළ ගොස් තිබේ.

20 June 2022

පෝර ගැන සුබ පණිවිඩයක් එහෙත් බෙදීම ක්‍රමයකට ඕනෑ

අප රට වැටී ඇති තත්ත්වය මිත්‍ර රටවලින් අප රටට ලැබෙන සහයෝගයෙන්ද පැහැදිලිය. ඉන්දියාවේ ගොවීන්ට ලබා දීම සඳහා ඉන්දියාව ඕමානයෙන් යූරියා මෙට්‍රික් ටොන් 65000ක් ඇණවුම් කළේය. ඕමානය ඒ සඳහා සූදානම් වන විට ඉන්දීය රජය ඕමානයට දන්වා තිබුණේ එම පොහොර නැව ලංකාවට රැගෙන යන ලෙසය. ශ්‍රී ලංකාවට අසීරු අවස්ථාවක ඉන්දියාව ගත් එම තීරණය සම්බන්ධයෙන් කෘතඥතාව පළ කරන බව කෘෂිකර්ම අමාත්‍ය මහින්ද අමරවීර මහතා ප්‍රකාශ කළ බව අප පුවත්පත ඉකුත්දා වාර්තා කළේය.

20 June 2022

ආර්ථිකය කඩාදාන හෙනහුරෝ

අප රට ප්‍රධාන වශයෙන් මූල්‍ය අර්බුදය, දේශපාලන අර්බුදය සහ සෞඛ්‍ය අර්බුදය හරහා විශාල ආර්ථික අර්බුදයකට මුහුණ පා ඇති අතර එය මේවන විට සෑම ජන කොටසකටම අහිතකර ලෙස බලපා ඇත. මේ වන විට ශ්‍රී ලංකාව සතු විදේශ සංචිත ප්‍රමාණය ඩොලර් බිලියන හතේ සිට බිලියන 0.005 දක්වා පහත වැටීම, මහ බැංකුව සතුව තිබූ ටොන් 20 ක් පමණ වූ රත්‍රං සංචිත තොගය අවසන්වීම සහ විදේශ විනිමය අනුපාතය වසර දෙකක් තුළ රු 185 සිට 360 දක්වා එනම් සියයට 94.6 කින් පිරිහීම සමග උද්ධමන අනුපාතය

20 June 2022

කෝටි ගණන් පාඩු ලබන මත්තල ගුවන් තොටුපොළ

මත්තල ජාත්‍යන්තර ගුවන්තොටුපොළ ලබන පාඩුව සම්බන්ධයෙන් වරාය, නාවික සහ ගුවන් සේවා අමාත්‍ය නිමල් සිරිපාල ද සිල්වා මහතා පසුගියදා ප්‍රකාශයක් කර තිබිණි. අමාත්‍ය ධුරයේ රාජකාරි බාර ගැනීමෙන් පසුව ගුවන්තොටුපොළ නිරීක්ෂණය කිරීමේ චාරිකාවක යෙදී සිටියදී අමාත්‍යවරයාට දැනගන්නට ලැබුණු තොරතුරු අනුව ඔහු කියා තිබුණේ, මත්තල ගුවන්තොටුපොළ මාසිකව ලබන පාඩුව රුපියල් කෝටියකට අධික බවය. අද වන විට මත්තලට එකම ගුවන් යානයක්වත් නොපැමිණෙන බව ද සඳහන් විය.

20 June 2022

ලංකාව දෙවැනි බැමිණිතියාසාය ඇසි දිසි මානයේ

2022 මැයි මාසය අවසන් වන විට මුල්‍ය හා බාහිර අසමතුලිතතා හේතුවෙන් ශ්‍රී ලංකා​වේ ආර්ථිකයේ ඉදිරි දැක්ම බෙහෙවින් අවිනිශ්චිත ස්වභාවයකින් දිස්වේ. දැනට පවත්නා විනිමය අර්බුදය හේතුවෙන් ඉන්ධන, බොරතෙල්, ගෑස්, පොහොර සහ කිරිපිටි, සහල් ඇතුළු ආහාර ද්‍රව්‍ය ආනයන ක්‍රියාවලිය මන්දගාමී වීම නිසා විශේෂයෙන්ම

18 June 2022

ජනතාවට දේශපාලන ඔච්චම්

හිටපු මුදල් ඇමැති බැසිල් රාජපක්ෂ මහතා පවතින ආර්ථික අර්බුදයත් එහි ප්‍රතිඵලයක් වශයෙන් ඇතිවූ දේශපාලන අර්බුදයත් හේතු කොටගෙන සිය පාර්ලිමේන්තු මන්ත්‍රී ධුරයෙන් ඉල්ලා අස්වී පැවැත්වූ සමුගැනීමේ ජනමාධ්‍ය හමුව සම්බන්ධයෙන් බොහෝ විවේචන එල්ලවී තිබුණද, ඔහු එහිදී කළ එක් ප්‍රකාශයක් ඉතාමත් සත්‍ය වූවා පමණක් නොව එය මෙරට ජනතාව සිතන්නටද පොළඹවන සුළුය.

18 June 2022

ජනතා අවශ්‍යතා මුලින්ම සපුරමු

අත්‍යවශ්‍ය සේවා නොවන ක්ෂේත්‍රවලට සිකුරාදා දිනය නිවාඩු දිනයක් ලෙස ප්‍රකාශයට පත් කර තිබේ. මුළු රටම එකම වැඩබිමක් ලෙස ක්‍රියාත්මක විය යුතු වුවද අපට ගමන් කිරීමට සිදුව ඇත්තේ ආපස්සටය. සිකුරාදා දිනය නිවාඩු දිනයක් බවට ප්‍රකාශ කර ඇත්තේ ඉන්ධන හිඟය හේතුවෙන් මගී ප්‍රවාහනයට බාධා එල්ලවී ඇති හෙයිනි. ඉන්ධන හිඟය තුරන් කිරීම සඳහා විධිමත් ඉක්මන් ක්‍රියාමාර්ග ගන්නා බවක්ද නොපෙනේ.

18 June 2022

ජනපති - අගමැති දෙපැත්තටද?

මෙවර කිවිදා දැක්ම ලියන්නට සිදුවී තිබෙන්නේ රටේ ආර්ථික තත්ත්වය තවදුරටත් කඩාවැටෙමින් තිබෙන පසුබිමකය. විශේෂයෙන්ම විදේශ මුල්‍ය සංචිත හිඟවීමෙන් ආරම්භ වූ මේ තත්ත්වය දැන් තිබෙන්නේ ඉතාමත් පීඩාකාරී මට්ටමකය. තෙල් පෝලිම සහ ගෑස් පෝලිම්වලින් පාරවල් පිරී ගොස්ය.

17 June 2022

තෙල් සලාකයට පෙර හැම පැත්තක්ම හිතන්න ඕනෑ

රට තුළ පවත්නා උග්‍ර ඉන්ධන අර්බුදය හමුවේ ජූලි මස සිට තෙල් සැපයුම සලාක ක්‍රමයට සිදු කිරීමට නියමිත බව ඛනිජ තෙල් අමාත්‍යවරයා ප්‍රකාශ කර ඇත. තෙල් අර්බුදයට වෙනත් විකල්ප විසඳුමකුත් නොමැති බැවින් සලාක ක්‍රමයට සීමාසහිතව තෙල් සැපයීම හැර වෙනත් කළ හැකි දෙයක් නොමැති බව අමාත්‍යවරයාගේ ප්‍රකාශයෙන් ගම්‍ය වේ.

17 June 2022

ජනපති - අගමැති එකඟතා බිඳවැටේ

ජනපතිවරයා සහ හිටපු මුදල් අමාත්‍ය බැසිල් රාජපක්ෂ මහතා අතර පැවති සාකච්ඡාවේ ඊළග අවධානය යොමුව තිබෙන්නේ රාජපක්ෂගේ නික්ම යෑමෙන් හිස්වන මන්ත්‍රී පුටුවට කවුරුන් පත්කරන්නේ ද? යන්න ගැනය.

16 June 2022