විශේෂාංග

අසාර්ථක යුග දෙකක පණිවුඩය

මීට මාස කීපයකට පෙර මේ රටේ ආරම්භ වූ දේශපාලන අස්ථාවරත්වය තවමත් තිබෙන්නේ නොවිසඳුණු තැනකය. මේ අස්ථාවරත්වය ආරම්භ වූයේ ආර්ථිකයේ මතු වූ බරපතළ කඩාවැටීමක් නිසාය. ඒ කඩා වැටීමට දීර්ඝකාලීන හේතු ගණනාවක් තිබූ අතර, මෑත කාලයේ සිදුවූ වැරදි තීරණ ගැනීම් ද රාශියක් විය. ඒ හේතු කවරේ දැයි මීට පෙර ලිපිවල සාකච්ඡා කර ඇති නිසා ඒ පිළිබඳව දීර්ඝව ලියන්නට අදහස් නොකරමි.

29 July 2022

පෝලිම් බිහිවීමේ හේතු සොයා ඊට විසඳුම් දෙන්න

හැත්තෑ ගණන්වල පැවති පෝලිම් යුගයෙන් වසර හතළිහක් පමණ ඉකුත්ව ගිය පසු නැවත පෝලිම් යුගයක් පැමිණ ඇති බව පැහැදිලිය. එකල පෝලිම් බිහිවුණේ ආහාර හිඟය ප්‍රමුඛ අවශ්‍යතා පදනම් කරගෙනය. මෙකල පෝලිම් බිහි වී ඇත්තේ ඉන්ධන හිඟය ප්‍රමුඛ බලශක්ති අර්බුදය හේතුවෙනි. පෝලිම් බිහිවන්නේ බොහෝ විට භාණ්ඩ හා සේවාවන්හි ඉල්ලුමට සරිලන සැපයුම් නිසි කාලයක් තුළ සපයා ගැනීමට නොහැකි වූ විටය.

29 July 2022

ලෝක ආයෝජන දර්ශකයේ වැටිල්ල

මේ වසරේ අප්‍රේල් මාසයේදී ආරම්භ වූ ඉන්ධන අර්බුදය සමග විදුලිය කැපිල්ල නිසා රටේ ප්‍රශ්න ඔඩුදුවා තිබේ. එය කොතරම් ද කියතොත් ආර්ථික අර්බුදය සහ දේශපාලන අර්බුදය එකිනෙකින් වෙනම හඳුනා ගැනීමට නොහැකි තරමට බැඳී පවතී. මේ අර්බුදවල නිර්මාපකයෝ පැවැති ආණ්ඩුවල නායකයෝ සහ රාජ්‍ය නිලධරයෝය.

28 July 2022

ජාතියේ උරුමය නොහඳුනන අපේම නරුම මිනිස්සු

‘‘අරගලය’’ යන වචනය තරම් මෑත කාලයේදී භාවිත වුණ මෙන්ම අවභාවිත වුණ වෙනත් වචනයක් නොමැති තරම්ය. එම වචනය අවභාවිත වූයේ අරගලකරුවන් සමග මිශ්‍රවී අරගල භූමියට පිවිසි කලහකාරීන් හා චෞර කරපිත්තන් අතිනි.

28 July 2022

නාස්තිකාර පාලනයේ වින්නැහිය

දොළොස් වැනි සියවසේ මැද භාගයේ දී පසුකාලීනව පළමු පරාක්‍රමබාහු රජ බවට පත් පරාක්‍රමබාහු කුමරා දක්ෂිණ දේශයේ රජකමට පත්වූ විට සිත්තැවුලට හේතුවන අත්දැකීමකට මුහුණ පෑවේය. දළවශයෙන් දක්ෂිණ දේශය යයි හැඳින්වූයේ මෙකල බටහිර සහ වයඹ පළාත්ය.

27 July 2022

ඉන්ධන පෝලිම් අස්සේ ජාවාරම්

“රස්සාවට ඉන්ධන ගන්න අය සිටින තුරු රස්සාවලට යන මිනිසුන්ට ඉන්ධන ගන්න ලැබෙන්නේ නෑ.” මේ ඉන්ධන පෝලිම්වලින් ඇසෙන කතාවකි. එය ඒකාන්ත සත්‍යයකි. ඇතැම් ඉන්ධන පිරවුම්හල් අයිතිකාරයෝ ද කළමනාකරුවෝ ද දැන් ජාවාරම්වල යෙදෙති. ඔවුහු ඉන්ධන සඟවති. ඊට පසු වැඩි මිලට විකුණති. එවැනි ජාවාරම්කාර ඉන්ධන පිරවුම්හල් කළමනාකරුවකු පිළිබඳව අප පුවත්පත ඊයේ වාර්තා කළේය.

27 July 2022

රනිල් රජ කළ රාජපක්‍ෂ මෙහෙයුම

රනිල් වික්‍රමසිංහ මහතාගේ දේශපාලන දිවියට වසර 45ක් සපිරුණු, පසුගිය බදාදා දිනයේ, වාසනාව දොර හැරගෙන ඔහු දෙස බලා සිටියේය. වික්‍රමසිංහ මහතා ප්‍රථම වතාවට පාර්ලිමේන්තු වරම් දිනාගත්තේ 1977 වසරේ ජූලි මස 21 වැනිදා පැවති මහ මැතිවරණයෙන්ය.

26 July 2022

අර්බුදය විසඳන විසඳුම්

මෑත ඉතිහාසයේදී ශ්‍රී ලංකාව මුහුණ දුන් දරුණුතම ආර්ථික අර්බුදය මෙයයි. මේ ආර්ථික අර්බුදය කෙටි කාලයක දී ඇති වූවක් නොවන අතර එය දිගු කාලයක් තිස්සේ ඌන සාර්ව ආර්ථික කළමනාකරණය හේතුවෙන් නිර්මාණය වූවකි. එහෙත් මෙම ආර්ථික අර්බුදයෙහි ලක්ෂණ මතු වන්නට පටන් ගත්තේ 2013-2014 කාලයේදීය. මේ සම්බන්ධයෙන් එම කාලයේ පටන්ම ඇතැම් ආර්ථික විශේෂඥයෝ අනතුරු ඇඟවූහ.

26 July 2022

ප්‍රජාතන්ත්‍රවාදය මුවාවෙන් රටේ නීතිය කැඩීම සාධාරණද?

අභිනව ජනාධිපතිවරයා වශයෙන් තෝරාපත් කරගනු ලැබූ රනිල් වික්‍රමසිංහ මහතා දිව්රුම් දීමෙන් අනතුරුව ආගමික වතාවත් සඳහා හුණුපිටියේ ගංගාරාම විහාරස්ථානයට ගිය අවස්ථාවේ දී රටේම අවධානය දිනාගත් ප්‍රකාශයක් කර තිබිණි.

26 July 2022

ජනතාව කබලෙන් ලිපට දැම්මේ කවුද?

මහජන විරෝධයේ සාමකාමී බවත් විනයානුකූල ස්වාභාවයත් කෙමෙන් වියැකී යද්දී ශ්‍රී ලංකාවේ උද්ධමන අනුපාතය 2022 ජුනි මාසයේ සියයට 54.6 දක්වා ඉහළ ගිය බව වාර්තා වූයේය. එය සියලුම ආසියානු රටවලින් ඉහළම අනුපාතයේ වූ උද්ධමනයයි. සමස්ත ලෝකය ඇසුරෙන් බැලුව ද ශ්‍රී ලංකාව පසු වන්නේ ඉහළම උද්ධමනය පවතින රටවල් 10 අතර ය. ඒ සියලුම රටවල උද්ධමන වේගය සියයට 50කට වැඩි මට්ටමේ පවතී.

25 July 2022

තෙල් අර්බුදයෙන් බැටකන ජනතාවගේ අඳෝනා නොඇසේද?

‘‘ෂෙඩ්වලට පොලිසියෙන් ආවා. හමුදාවෙන් ආවා. අංකයක් ආවා. කූපන් පතක් ආවා. කෝඩ් එකක් ආවා. ආවේ නැත්තේ තෙල් විතරයි’’ මේ මුහුණු පොතේ සංසරණය වන පෝස්ටුවකි. ඉන්ධන අර්බුදය හමුවේ එය මනාව ගැළපේ. මාළු පාන්වල මාළු නැතිවා සේම කිඹුලා බනිස්වල කිඹුලා නැතිවා සේම ආනමාළුවල මාළු නැතිවා සේම ඉන්ධන පිරවුම්හල්වල ඉන්ධන නැත.

25 July 2022

දේශප්‍රේමය දූෂණ විරෝධය කරට ගන්න දේශපාලන කපටි

ඉකුත් බදාදා (20) පාර්ලිමේන්තුවේ පැවැති ජනාධිපතිවරයා තෝරා ගැනීමේ ඡන්ද විමසීමෙන් ජයග්‍රහණය කළේ රනිල් වික්‍රමසිංහ මහතා පමණක් නොවේ. මහජන උද්ඝෝෂණ නිසා රට අත්හැර යන තත්ත්වයට පත්ව සිටි රාජපක්ෂවරුන්ටද එමඟින් අත්වූයේ විශිෂ්ට ජයග්‍රහණයකි.

23 July 2022

ජනපති දිවුරුම් දුන් වෙලේ විදුලිය බිඳ වැටීම ස්වාභාවික දෙයක්ද?

නව ජනාධිපති රනිල් වික්‍රමසිංහ මහතා දිවුරුම් දුන් අවස්ථාවේ පාර්ලිමේන්තු සංකීර්ණයේ විදුලිය විසන්ධි වීම සම්බන්ධ පරීක්ෂණ අපරාධ පරීක්ෂණ දෙපාර්තමේන්තුවට බාරදීමට තීරණය කර ඇතැයි අප පුවත්පත ඊයේ වාර්තා කළේය. රනිල් වික්‍රමසිංහ මහතා නව ජනාධිපති ලෙස දිවුරුම් දුන් අවස්ථාව ස්වාධීන රූපවාහිනිය මගින් සජීවීව විකාශය කිරීමට නියමිතව තිබූ අතර සෙසු රූපවාහිනි නාලිකා සමගාමී විකාශයක් ලෙස ප්‍රචාරය කිරීමට නියමිතව තිබූ බවත් ජනාධිපතිවරයා රතු පළස මතින් පාර්ලිමේන්තු සංකීර්ණයට ඇත

23 July 2022

ඉන්දියාවේ නව ජනපති ද්‍රෞපදී මුර්මු

15 වැනි ජනාධිපති තෝරාපත් කර ගැනීමේ අරමුණින්, ඉන්දීය ජනාධිපතිවරණය පසුගිය 18 වැනිදා පැවැත්වුණු අතර, එහි ප්‍රතිඵල නිකුත් කිරීම ඊයේ (21) රාත්‍රියේ සිදුවිය.

22 July 2022

බලවාදය පරද්දන්න ජනවාදයක්

නූතනත්වය තුළ ඇරඹි සහ පැවති බොහෝ දෑ පශ්චාත් නූතන අවධිය තුළ අරුම අර්ථ ගනු ලැබීය. එහෙත් ඒවායේ හැඩ නම් නූතන හැඩ ම ය. එහෙත් හැඩ මිස වැඩ සමාන නොවී ය. අද අප ගෙවා දමන කාලය නූතන එකක් නොව පශ්චාත් නූතන එකකි.

22 July 2022

අධි උද්ධමනයට සැබෑ විසඳුම් ඕනෑ

උද්ධමනය පිළිබඳ අපි බොහෝ කතා අසා ඇත්තෙමු. ආර්ථික විශ්ලේෂකයන් සහ දේශපාලකයෝ ආර්ථික උද්ධමනය පිළිබඳ බොහෝ තොරතුරු වරින්වර ප්‍රකාශ කරති. එහෙත් ආර්ථික උද්ධමනය යනු කුමක්දැයි ඇඟට දැනුණේ පසුගිය මාස කිහිපය තුළදීය. උද්ධමනයේ බරපතළ ප්‍රතිවිපාක සිරුරේ ඇට මිදුළු තුළටම කාවදින විට එහි ප්‍රතිවිපාකවලින් ගැලවීමට කිසිවකුටත් නොහැකිය. අද රට මුහුණදී සිටින ආර්ථික උද්ධමනයේ යථාර්ථය එයයි.

22 July 2022

රට අඳුරෙන් එළියට ගමනට මගක්

ඔබ මා ඇතුළු රටවැසි අප සියල්ලෝ අද වින්දිතයෝය. පසුගිය මාස හය පුරාම ජනතා අරගල, උද්ඝෝෂණ, මැති ඇමැති වෙනස්වීම්, ඇමැති, අගමැති හා ජනාධිපතිවරුන්ගේ ඉල්ලා අස්වීම් හා ඔවුන් පලවා හැරීම් යනාදියෙන් ප්‍රකාශ වූයේ සමාජ, ආර්ථික, දේශපාලනික අර්බුද රැසක ප්‍රතිඵලය.

21 July 2022

ජනපති අබියස අභියෝග විශාලයි

පාර්ලිමේන්තුව මුළු රටම නියෝජනය කරන මැතිවරණ කොට්ඨාසයක් බවට ඊයේ පත්විය. ඊයේ පැවැති ඒ ජනපතිවරණයෙන් ජයග්‍රහණය කරනු ලැබුවේ එක්සත් ජාතික පක්ෂයේ නායක පාර්ලිමේන්තු මන්ත්‍රී රනිල් වික්‍රමසිංහ මහතා ය. කෘතහස්ත පරිණත, අත්දැකීම් බහුල දේශපාලනඥයකු වන අභිනව ජනාධිපති රනිල් වික්‍රමසිංහ මහතාට ‘ලංකාදීප’යේ උණුසුම් සුබපැතුම් පළමුව පිරිනමමු.

21 July 2022

නිර්භීත තීරණ ගතයුතු යුගයක්

ශ්‍රී ලංකාව ඉතිහාසයට එකතු වන අලුත් යුගයක් අභිමුවෙහි සිටී. පරිණතභාවය, අනාගතය ගැන අපේක්ෂා සහ අභිලාෂ සාක්ෂාත් කර ගැනීමෙහි ලා සුදුසු කැපවීමක් අවශ්‍යම කරන කාලවකවානුවකි. ක්‍රමය ගැන බරපතළ විවේචන ඇත. දූෂණ හා අත්තනෝමතික ලෙස බලය උපයෝගී කර ගැනීම ගැන රට තුළ විරුද්ධත්වයක් තිබේ. ක්‍රමය වෙනස් කරන්නට, ඇතැම් පිරිසක් බලකරන අතර බහුතරය හැර සුළු පිරිසකට ඉඩ දෙන අමුතු විකල්ප ක්‍රම ප්‍රජාතන්ත්‍රවාදය තුළ නැත.

20 July 2022

නව ජනපතිට වගකීම් සම්භාරයක්

අද (20) ශ්‍රී ලංකාවේ දේශපාලන ඉතිහාසයට සුවිශේෂ දිනයකි. අකාලයේ පුරප්පාඩු වූ ජනාධිපති ධුරය වෙනුවෙන් පාර්ලිමේන්තුවේ පැවැත්වෙන ජනාධිපතිවරණයෙන් නව අනුප්‍රාප්තික ජනාධිපතිවරයකු තෝරා පත් කර ගැනීම සිදුවන්නේ අද පෙරවරුවේය. රනිල් වික්‍රමසිංහ, ඩලස් අලහප්පෙරුම සහ අනුර කුමාර දිසානායක තිදෙනාගෙන් එක් අයෙක් ඒ අනුව අද සිට ඉදිරි දෙවසරකට වැඩි කාලයක් සඳහා ජනාධිපති ධුරයට පත්වෙයි. එතැන් පටන් ඔහු ශ්‍රී ලංකාවේ සියලු ජනතාවගේ නායකයා වශයෙන් කටයුතු කළ යුතුය.

20 July 2022

ජනපති ගෝඨාභය පළායාමේ පසුබිම් කතාව

මෙතෙක් ගෙවී ඇති මාස 3කට ආසන්න කාලය ඇතුළත, ඉතිහාසයේ නොවිරූ අයුරක ආර්ථික අර්බුදයකින් ශ්‍රී ලංකාවේ පුරවැසියෝ බහුතරයක් බැට කමින් සිටිති. ඇතැමෙක් සහනයක් පතා රටින් පැනගොස් ඇත. තවත් පිරිසක් රටින් පැන ගැනීමට අවසරය ලබාගැනීමට ආගමන විගමන දෙපාර්තමේන්තුව ඉදිරිපිට පාස්පෝට් පෝලිමේය.

19 July 2022

ඉන්ධන අර්බුදයට පාර කැපීම

1964 දී ඇමරිකා එක්සත් ජනපද ආණ්ඩුව හිකන්ලුපර් සංශෝධනය නම් වූ සංශෝධනයක් 1962 විදේශ සහයෝගීතා පනතට ගෙන ආවේය. එම සංශෝධනයට ඒ නම ලැබුණේ ඊට අනුග්‍රහය දැක්වූ බෝර්ක් හිකන්ලුපර් (Bourke Hickenlooper) නම් සෙනෙට්වරයාගේ නමිනි.

19 July 2022

අගාධයෙන් රට මුදාගන්න සැවොම එක්වෙන්න ඕනෑ

තෙවසරක් පුරා අප රට අඳුරු මූසල දූපතක් බවට පත්ව තිබේ. පළමුව කොවිඩ් මාරක වසංගතය නිසා ද දෙවැනුව ආර්ථිකය කඩා වැටීම, දේශපාලන කලබැගෑනි හා සමාජ කැළැඹීම් නිසා මෙම ශාපලත් පරිසරය නිර්මාණය වී තිබේ. ‘සුන්දර ගමනාන්තයක්’ ලෙස ජාත්‍යන්තරයේ පිළිගැනුමට හා සම්භාවනාවට පත්ව තිබූ නයන පිනවන මේ රන් දිවයින අද පත්ව තිබෙන මෙම දුක්ඛිත තත්ත්වය සම්බන්ධයෙන් සෑම පුරවැසියකුම කම්පාවට පත්විය යුතුය.

19 July 2022

මහවිලච්චියේ වට්ටක්කා ගොවියන්ගේ අඳෝනාව

මෙවර යල් කන්නයේ නෙලාගත් වට්ටක්කා අස්වනු ඉන්ධන නොමැතිකම හේතුවෙන් අලෙවි කර ගැනිමට නොහැකිවි ඇතැයි මහවිලච්චිය ප්‍රදේශයේ ගොවිහු පවසති.

18 July 2022

අපේ රටට වෙච්ච දේ

ජනතාවාදී දේශපාලනය: නියෝජිත ප්‍රජාතන්ත්‍රවාදයේ ජනතාව වෙමු. අපේ ව්‍යවස්ථාවට අනුව පරමාධිපත්‍යය ඇත්තේ එහි ජනතාව අතේය. කෙසේ වෙතත් අතීත දේශපාලන මතකය දෙසට හැරුණොත්, 1970 මහ මැතිවරණයේ දී බණ්ඩාරණායක මැතිනිය ඊළඟ අගමති ලෙස තමා පත් කර ගතහොත් හාල් සේරු දෙකක් දෙන බවට පොරොන්දුවක් දුන්නා අපට මතකය.

18 July 2022

අග-මුල දැනගෙන වැඩකිරීම

මේ වන විට ලංකාවේ උද්ගතව ඇති දේශපාලන තත්ත්වය මීට පෙර දැකගන්නට නොලැබුණු එකකි. ජනප්‍රියත්වයේ උච්චතම තලයක සිටි පාලනාධිකාරිය වසර දෙකහමාරක් ඇතුළත පිරිහීමට ලක් වීමත් ජනතා අරගලයක් හරහා එම පාලනය අහෝසි කිරීමත් සිදු විය.

18 July 2022

ආර්ථික අර්බුදයෙන් රට මුදාගන්න මුලින්ම සිතමු

රටක ආර්ථික ස්ථාවරය ඇතිවීමට බලපාන ප්‍රධාන සාධකය වන්නේ දේශපාලන ස්ථාවරයයි. ආකූල ව්‍යාකූල දේශපාලන පසුබිමක් සහිත රටක ආර්ථිකය ස්ථාවර වන්නේ නැත. මේ දිනවල ශ්‍රී ලංකාවේ පවතින්නේද එබඳු සංක්‍රාන්ති සමයකි.

18 July 2022

දැක්මක් නොමැති ගමනක්

ආණ්ඩුවට එරෙහිව දැන් පැවැත්වෙන උද්ඝෝෂණවල ආරම්භයේ සිටම ආණ්‍ඩුව ඒවා මර්දනය කිරීමට බරපතළ ක්‍රියාමාර්ග ගන්නට පැකිලුණේය. ඒ සමහර විට මෙම උද්ඝෝෂණ පැන නැගුණේ ආණ්ඩුවේ ආර්ථික ක්‍රියාමාර්ග නිසා බව ආණ්ඩුවේ නායකයන් දන්නා නිසාත් ඒ අනුව ඔවුන් තුළ ඇතිවූ වරදකාරී හැඟීම් නිසාත් විය යුතුය. එසේම ජාතික හා ජාත්‍යන්තර වශයෙන් ඇතිවිය හැකි අප්‍රසාදය ගැන සලකා විය යුතුය.

16 July 2022