කොමර්ෂල් බැංකුව 2026 වසරේ යුරෝමනි විශිෂ්ටතා සම්මාන උළෙලේ දී ගෞරවනීය සම්මාන දෙකක් දිනා ගනිමින් ශ්‍රී ලංකාවේ බැංකු ක්ෂේත්‍රයේ එහි අවිවාදිත නායකත්වය නැවතත් තහවුරු කර ඇත. බැංකුවේ ගැඹුරින් මුල් බැසගත් පාරිසරික, සමාජයීය සහ යහපාලන (ESG)  මනාව පිළිබිඹු කරමින් බැංකුව මෙසේ ‘ශ්‍රී ලංකාවේ හොඳම බැංකුව’ සහ ‘ශ්‍රී ලංකාවේ හොඳම ESG බැංකුව’ යන ගෞරව නාමවලින් පිදුම් ලබන ලදී.
ශ්‍රී ලංකාවේ හොඳම බැංකුව යන සම්මානය ප්‍රදානය කිරීමේදී ඇගයීමට ලක් වූයේ ක්‍රමයෙන් යථාත්වයට පත්වන ජාතික ආර්ථිකයක් පවතින පසුබිමක් තුළ, පරිමාණය, ලාබදායීතාව සහ පද්ධතිය පුරා විහිදී යන ලෙස බලපෑම් ඇති කිරීමට කොමර්ෂල් බැංකුවට ඇති හැකියාවයි. ඒ ESG මූලධර්ම පිළිපැදීම අරමුණු කර මෙහෙයුම් කිරීමෙන් මූල්‍ය විශිෂ්ටත්වය ක්‍රියාකාරීව බලගන්වන බව ද මනාව සනාථ කරමිනි. 
මෙම ගෞරව නාමය ලැබීමේ දී බැංකුව සුවිශේෂී වර්ධනයක් සහ වෙළෙඳපොළ නායකත්වයක් පෙන්නුම් කළ අතර ණය රුපියල් ට්‍රිලියන 2.028 ඉක්මවූ අතර මුළු වත්කම් ප්‍රමාණය සියයට 16.8 කින් ප්‍රසාරණය විය. තවද ESG කේන්ද්‍ර කරගත් මෙහෙයුම් මගින් ආයෝජකයන්ගේ විශ්වාසය අඛණ්ඩව ශක්තිමත් කරගනිමින් වෙළෙඳපොළ ප්‍රාග්ධනීකරණයෙන් ඇමෙරිකානු ඩොලර් බිලියන 1 ඉක්මවූ පළමු ශ්‍රී ලාංකික බැංකුව බවට ද පත්විය. ඩුබායි හි DIFC නියෝජිත කාර්යාලයක් හරහා ජාත්‍යන්තර ව්‍යාප්තියට ද සම්බන්ධ වෙමින්, ශ්‍රී ලංකාවේ පළමු Google Pay සේවාව සහAI වලින් බල ගන්වන ලදSME ණය ප්‍රතිරක්ෂණ ක්‍රමවේදය හඳුන්වා දීමත් නිසා ඩිජිටල් නව්‍යෝත්පාදනය තීරණාත්මක සාධකයක් විය. කුඩා හා මධ්‍ය පරිමාණ ව්‍යාපාර මූල්‍යකරණය, වත්කම්වල ගුණාත්මකභාවය සහ මෙහෙයුම් කාර්යක්ෂමතාවය අතින් බැංකුව මුල් තැනට පත්වීම එහි ESG මූලික කරගත් උපාය මාර්ගයේ සාර්ථකත්වය තවදුරටත් තහවුරු කරන ලදී.
ශ්‍රී ලංකාවේ හොඳම ESG බැංකුව ලෙස ගෞරවනීය සම්මානය පිරිනැමීමේ දී තිරසාර හා වගකිවයුතු ලෙස බැංකුකරණය මෙහෙයවීම වෙනුවෙන් කොමර්ෂල් බැංකුවේ පුළුල් හා ගැඹුරු ප්‍රවේශය ඇගයීමට ලක්කර ඇත. කුඩා හා මධ්‍ය පරිමාණ ව්‍යාපාර අංශය සඳහා මූල්‍ය විසඳුම් හඳුන්වා දීම සහ ආර්ථික සංවර්ධනය වෙනුවෙන් බැංකුවේ වූ ශක්තිමත් හා තිරසාර කැපවීම යුරෝමනි විසින් ඇගයීමට ලක් කර ඇත. පුනර්ජනනීය බලශක්තිය, හරිත ගොඩනැගිලි හා තිරසාර ප්‍රවාහන ව්‍යාපෘති සඳහා අරමුදල් සැපයීම වෙනුවෙන් ශ්‍රී ලංකාවේ විශාලතම හරිත බැඳුම්කරය වන රුපියල් බිලියන 15 ක හරිත බැඳුම්කරයක් නිකුත් කිරීම ඇතුළුව හරිත මූල්‍යකරණ අංශය තුළ බැංකුවේ නායකත්වය යුරෝමනි විසින් අනුමත කර ඇත. 
මූල්‍යමය ලෙස අන්තර්ගත කර ගැනීම, කුඩා හා මධ්‍ය පරිමාණ ව්‍යාපාර සංවර්ධනය සහ ග්‍රාමීය ප්‍රජා සත්කාර කෙරෙහි බැංකුව දැක්වූ දැඩි අවධානය හේතුවෙන් බැංකුවේ ESG යෝග්‍යතාව සහ සමස්ත ආයතනික ශක්තිය තවදුරටත් ශක්තිමත් වේ.
එය කුඩා හා මධ්‍ය පරිමාණ ව්‍යාපාරවලට ලබා දී ඇති මුළු ණය වටිනාකමින් සියයට 20ක් වන අතර 2025 දී මෙම අංශයට කොමර්ෂල් බැංකුව රුපියල් බිලියන 335 කට අධික ණය ලබා දී ඇත.