
ත්රිකුණාමලය අමදෝරු අමරජීව
ත්රිකුණාමලය, මොරවැව ප්රාදේශීය ගොවිජන සේවා මධ්යස්ථානය භූමියේ ත්රිකුණාමලය දිස්ත්රික්කයේ පළමු බීජ වී සැකසුම් කර්මාන්ත ශාලාව සඳහා මුල්ගල තැබීම විදේශ කටයුතු හා විදේශ රැකියා නියෝජ්ය අමාත්ය අරුන් හේමචන්ද්ර හා මොරවැව ප්රාදේශීය සභාවේ සභාපති ධනුෂ්ක කළුපෙරුම යන මහත්වරුන්ගේ ප්රධානත්වයෙන් සිදුකෙරිණි.
මෙම අවස්ථාවට දිස්ත්රීක් ගොවිජන සේවා සහකාර කොමසාරිස් එන්. විෂ්ණුදාසන් මහතා ඇතුළු පිරිසක් මෙයට සම්බන්ධ විය. තෙත සහිත බීජ වියළන අංගණයක් සහ සහායක යටිතල පහසුකම් ඇතුළත් යෝජිත සංවර්ධන ව්යාපෘතිය දිස්ත්රික්කයේ වී නිෂ්පාදනය ශක්තිමත් කිරීම සහ කෘෂිකාර්මික පහසුකම් වැඩිදියුණු කිරීම සඳහා වන ප්රධාන පියවරකි. මෙහි ඉදිකිරීම් නිමවූ පසු වී සැකසීම, බීජ ගුණාත්මක භාවය වැඩි දියුණු කිරීම සහ කෘෂිකාර්මික ඵලදායිතාවට සහාය වීම අපේක්ෂා කෙරේ. මෙය මොරවැව ගොවි ප්රජාවට පමණක් නොව ත්රිකුණාමලය දිස්ත්රික්කයේ අනෙකුත් ප්රදේශවලටද ප්රතිලාභ ලබා දෙනු ඇත.
ආහාර සුරක්ෂිතතාව සහතික කිරීම, ගොවීන්ගේ ජීවනෝපාය වැඩිදියුණු කිරීම සහ තිරසාර ග්රාමීය ආර්ථික වර්ධනය ප්රවර්ධනය කිරීම සඳහා කෘෂිකාර්මික යටිතල පහසුකම් ශක්තිමත් කිරීම මේ තුළින් සිදුවේ.
කෘෂිකාර්මික අංශය නවීකරණය කිරීම, දේශීය ඵලදායිතාව ශක්තිමත් කිරීම සහ දිස්ත්රික්කය පුරා ගොවි ප්රජාවට දිගුකාලීන ප්රතිලාභ ලබා දීම සඳහා රජය කැපවී සිටින බව නියෝජ්ය අමාත්යවරයා මෙහිදී කීය. ගොවීන් සඳහා ආයෝජනය කිරීම ත්රිකුණාමලයේ අනාගතය සඳහා ආයෝජනය කිරීමක් ලෙස මෙම ව්යාපෘතිය හඳුන්වන බව නියෝජ්ය අමාත්යවරයා කීය. මෙයට සමගාමීව ගොවිජන මධ්යස්ථානයේ වී ගබඩාවේ කටයුතුද සොයා බැලුණි.

COMMENTS
Reply To:
Sisira - cb chds hcdsh cdshcsdchdhd