JAT හෝල්ඩින්ග්ස් සමාගම නැවත වරක් ක්ෂේත්‍රයේ ඉහළින්ම සිය සන්නාමය සනිටුහන් කරමින්  ජාතික වාණිජ මණ්ඩලය විසින් සංවිධානය කරන ලද ජාතික ව්‍යාපාර විශිෂ්ටතා සම්මාන 2021 (NBEA) හි දී වෙළඳ අංශ කාණ්ඩයේ රන් සම්මානයත් මහාපරිමාණ ව්‍යාපාර කාණ්ඩයේ කුසලතා සම්මානත් දිනාගැනීමට සමත් විය.

JAT හෝල්ඩින්ග්ස් සමාගම ක්ෂේත්‍රයේ ප්‍රමුඛයා ලෙස සිය ස්ථාවරය යළි තහවුරු කරමින් අඛණ්ඩව සිව්වන වසරටත් වෙළෙඳ අංශයේ රන් සම්මානයේ ගෞරවය මෙන්ම, සිය සමාගමේ විශිෂ්ට කාර්ය සාධනය, ආර්ථික සමෘද්ධිය උදෙසා දක්වන සැලකිය යුතු දායකත්වය හා පාරිසරික තිරසාරභාවය සඳහා වූ අඛණ්ඩ කැපවීම පිළිබඳ වටිනාකම් ද වඩාත් ඉහළ නංවා ගැනීමට සමත් විය.

JAT හෝල්ඩින්ග්ස් හි විධායක අධ්‍යක්ෂ, ප්‍රධාන විධායක නිලධාරී නිශාල් ප්‍රදිනාන්දු මහතා මේ පිළිබඳ අදහස් දක්වමින් මෙසේ පැවසීය. “පසුගිය වසර කිහිපය තුළ අපට ක්‍රියාත්මක වීමට සිදු වූ අභියෝගාත්මක ව්‍යාපාරික පරිසරය කුමක් වුවත්, JAT Holdings අපගේ වටිනාකම්, ක්‍රියාවලීන් සහ අපගේ ප්‍රජාව වඩාත් ආරක්ෂා කිරීමට කැපවී සිටියා. එය අද අපට මෙම ජයග්‍රහණය අත්කර ගැනීමට මෙය විශාල වශයෙන් උපකාර වී තිබෙනවා. මෙවැනි සම්මාන උළෙලකදී ඉහළ කීර්තියක් ලබා ගැනීමට හැකියාව ලැබීම සැබවින්ම ගෞරවයක් වන අතර, ඉදිරි වසරවලදී එම හැකියාවන් අඛණ්ඩව ඉදිරියට ගෙන යාමට අපි බලාපොරොත්තු වනවා.”

-සටහන- චමින්ද මුණසිංහ