කඳුරට කුඩ ඉන්ඩස්ට්‍රීස් පෞද්ගලික සමාගම සිය නවතම නවෝත්පාදනය වූ තේ දලු‍ නෙළීමේ කූඩයක් සහිත ද්විත්ව නැමුම් කුඩය සිරිමාවෝ බණ්ඩාරනායක අනුස්මරණ ප්‍රදර්ශන මධ්‍යස්ථානයේ පැවැති Industry Expo 2025 වෙළෙඳ ප්‍රදර්ශනයේදී එළි දැක්වීය. 
ගම්පොළ පිහිටි සිය කර්මාන්තශාලාව අනපේක්ෂිත ලෙස ගින්නකට හසුවී විනාශවීමෙන් මාසයකට පසුව අගෝස්තු 29 වැනිදා නිල වශයෙන් සිය නිෂ්පාදන මෙහෙයුම් යළි ආරම්භ කිරීමෙන් අනතුරුව Industry Expo 2025 ප්‍රදර්ශනයට සහභාගි වූ කඳුරට කුඩ ඉන්ඩස්ට්‍රීස් ප්‍රදර්ශනය කරනු ලැබූ සිය නවතම නිෂ්පාදනය මෙරට තේ වතු කර්මාන්තයේ විප්ලවීය වෙනසක් සිදු කරනු ඇත. 
පෙන්ගුයින් සන්නාමය යටතේ උසස් තත්වයෙන් යුතු කුඩ නිෂ්පාදනය සඳහා ශ්‍රී ලංකාවේ ප්‍රමුඛතම ආයතනය විසින් මෙරට තේ වතු ක්ෂේත්‍රය සඳහා නියම විසඳුමක් ගෙන දෙන ප්‍රායෝගික හා කාලෝචිත නවෝත්පාදනයක් ලෙස නව නිෂ්පාදනය ඉදිරිපත් කරනු ලැබීය. 
කූඩ සඳහා යොදා ගනු ලබන කල් පවතින ද්‍රව්‍යවලින් නිපදවනු ලැබූ කාර්යක්ෂමභාවයෙන් යුතු වැඩි ඉඩකඩක් සහිතිකඳුරට කුඩ‘ ඉන්ඩස්ට්‍රීස් නවතම නිෂ්පාදනය තේ දලු‍ නෙළන්නියන් විසින් දිගු කාලයක් පුරා මුහුණ දුන් ගැටලු‍වකට අංගසම්පූර්ණ විසඳුමක් සපයමින් සම්ප්‍රදායික කූඩය වෙනුවට භාවිත කළ හැකි අයුරින් වැසි, සුළං සහ අධික උෂ්ණත්වය ඇතුළු ඕනෑම කාලගුණයකට ඔරොත්තු දෙන ආකාරයේ කුඩයක් සහිතව නිර්මාණය කර තිබේ. 
මදුරු දැල්, වැසි කබා, මේස්, ඇඳුම් වියළන රාක්ක, පාවහන් රඳවන රාක්ක, කොසු ඉදල් මිට සහ සියලු‍ කොටස් සහිත කුඩ රාමු ඇතුළු විවිධාකාරයේ කුඩ වර්ග රැසකින් සමන්විත කඳුරට කුඩ ඉන්ඩස්ට්‍රීස් නිෂ්පාදන පෙළ දින 4ක් පුරා පැවැති Industry Expo 2025 ප්‍රදර්ශන භූමියේ ශාලා අංක B-02  හීදී ප්‍රදර්ශනය කරනු ලැබීය. 
Industry Expo 2025 ප්‍රදර්ශනයට නිල වශයෙන් සහභාගි වූ ජනාධිපති අනුර කුමාර දිසානායක මහතා කඳුරට කුඩ ප්‍රදර්ශන කුටියට ද පැමිණි අතර, එහිදී මෙරට ආර්ථිකයට සහ ජන සමාජයට එම නිෂ්පාදන තුළින් ලබාදෙන විශිෂ්ට සේවය සහ දායකත්වය පැසසුමට ලක් කළේය. 
වසර 1977 දී ආරම්භ වූ කඳුරට සමාගම කුඩ නිෂ්පාදන සඳහා පමණක් නොව මදුරු දැල්, වැසි කබා, මේස්, ඇඳුම් වියළන රාක්ක, පාවහන් රඳවන රාක්ක, කොසු ඉදල් මිට සහ කුඩ රාමු හා සෙසු උපාංග වැනි පුළුල් නිෂ්පාදන පෙළක් ද පිරිනමමින් ශ්‍රී ලාංකිකයන්ගේ ජීවිතවල කොටසක් බවට පත්වී සිටී.